कोहलपुर, असोज ३
अन्तरराष्ट्रिय शान्ति दिवसको अवसरमा बाँकेमा गरिएको रक्तदान कार्यक्रममा ठुलो संख्यामा मानिसहरुले रक्तदान गरेका छन् । नेपाल मानव धर्म सेवा समिति भेरी अंचल आश्रमले बाँकेको नेपालगन्जमा आज अन्तरराष्ट्रिय शान्ति दिवस तथा परम पुज्य श्री सत्तपाल जी महाराजको ६६ जन्मिदिनको अवसर पारेर आयोजना गरेको रक्तदान कार्यक्रममा १ सय ५२ जनाले रक्तदान गरेका हुन् । नेपाल मानव धर्म सेवा समिति बाँकेका सचिव तेज नारायण कंडेलले विश्व शान्तिको कामना गर्दै रगतको कमिले कोही पनि मर्न नपरोस भन्ने भावना बोकेका राजनीतिकज्ञ, समाज सेवी, पत्रकार, शिक्षक,विद्यार्थी लगायत गरि १ सय ५२ जनाले रक्तदान गरेको जनाए । सचिव कंडेलका अनुसार १सय ५२ जना मध्ये ३४ महिला र १ सय १८ पुरुष रहेका छन् । रक्तदान दिनेहरुमा राप्रपा नेपाल बाँकेका अध्यक्ष ऋषिराज देवकोटा, समिति सचिव कंडेल, राप्रपा नेपालका जिल्ला सदस्य खिम बहादुर खत्री, लगायत १ सय ५२ जना रहेका छन् । आज मंगलबार मानव धर्म सेवा समितिले नेपालगन्ज उप महानगरपालिकाको घरबारी टोलमा रहेको भुरे स्कुलमा गरिव विद्यार्थीहरुलाई काँपी कलम वितरण गर्ने भएको हो । सचिव कंडेलका अनुसार गरिव असाहय बालबालिकाहरुलाई काँपी कलम वितरण गर्ने कार्यक्रम रहेको छ ।
