राप्रपा पार्टीको अध्यक्षमा खरेल

राप्रपा नेपाल र राप्रपा पार्टीकेन्द्रमा एक भएपछि बाँकेमा पनि एकीकरण गरिएकोछ । राप्रपा नेपाल र राप्रपा बाँकेको दुई दिनसम्म चलेको एकीकरण कार्यक्रम बाट राप्रपा पार्टी हलो तर्फ बाट संयुक्तराप्रपाका अध्यक्षमा कृष्ण प्रसाद खरेल चयन भएका हुन् । आज मंगलबार सम्पन्न दुई राप्रपा बाँकेको एकीकरण समारोह बाट एक महिने कार्यकालका लागि खरेल अध्यक्ष चयन भएकाहुन् । खरेल पछि राप्रपा नेपालका तर्फबाट जिल्ला अध्यक्ष ऋषिराज देवकोटाले राप्रपाकोअध्यक्ष बन्ने छन् । एकीकरण समारोह बाट खरेल आगामी पुष २० गते सम्म र देवकोटा माघ २० गते सम्मजिल्ला अध्यक्ष हुन पाउने भनिएको छ । आगामी फाल्गुणको पहिलो हप्तामा राप्रपा पार्टीकेन्द्रले महाधिवेशन गर्ने भएकोले जिल्ला अधिवेशन नहुँदा सम्म पालैपालो जिल्ला अध्यक्ष हुने भएका हुन् । अध्यक्ष बाहेक अन्य जिल्लाका पदाधिकारीहरुको भने संयु्क्तकार्य समिति बन्ने भनिएको छ । नव निर्वाचित जिल्ला अध्यक्ष खरेलले सबैलाई मिलाएर लैजाने बताउदै सबैले सहयोग गर्नुपर्ने धारणा राखे । कार्यक्रममा केन्द्रीय कार्यसम्पादन समितिका प्रतिभा राणा, बालाराम घर्तिमगर, डाक्टर धवल शम्शेर राणा, मनोज कुमार प्रधान, पुर्व मन्त्रीद्धय प्रेम बहादुर भण्डारी, फत्तेसिंह थारु, केन्द्रीय सदस्य हिक्मत ढकाल, ओमप्रकाश आजाद, रमेश अर्याल,  सलाउद्दिन जसगढ लगायत केन्द्रीय नेताहरुको उपस्थिति रहेको थियो । 

निर्वाचन समितिमा केसी

आगामी माघ २० गते जिल्लाको सम्पुर्ण तहको निर्वाचन सम्पन्न गर्नका लागि राप्रपाले मोहन केसीको नेतृत्वमा १६ सदस्यीय निर्वाचन समिति बनाएको छ । जिल्लाको गाउँ वडा देखि गाविस, क्षेत्र र जिल्लामा आगामी माघ २० गते भित्र निर्वाचन सम्पन्न गर्नका लागि केसीको नेतृत्वमा १६ सदस्यीय निर्वाचन बनाएको हो । निर्वाचन समितिमा  राप्रपा नेपाल राप्रपा ८, ८ जना सदस्य गरि १६ जना रहेका छन् । निर्वाचन समितिमा बसेकाहरुले पार्टीको कुनैपनि संगठनमा चुनाव लड्न नपाउने नियम बनाइएको छ ।