नेपाल प्रहरी प्रमुख प्रहरी महानिरिक्षक उपेन्द्रकान्त अर्यालले पहिले भट्टीबाट सुरु भएको अपराध साईबर सम्म फैलिएकोले नियन्त्रण गर्न आवश्यक रहेको बताए । मध्यपश्चिम क्षेत्रीय ट्राफिक कार्यालयको नव निर्मित भवनको आज बाँकेको कोहलपुरमा उद्घाटन गर्दै १० बर्ष पहिले रक्सीको भट्टीबाट सुरु हुने अपराध प्रवृधिको दुरुपयोग गर्दै व्यापक रुपमा साईबर क्राइम भइरहेकोले त्यसलाई रोक्नका लागि नागरिक र प्रहरी मिलेर अगाडी बढ्नु पर्ने प्रहरी प्रमुख अर्यालको कथन थियो । प्रहरी प्रमुख अर्यालले प्रविधिसंग खेल्ने अपराधको चर्चा गर्ने बेला भन्दा अनुसन्धान गरि नियन्त्रण गर्ने बेला आएको जनाए । अहिले पनि नागरिक र प्रहरीको बिचमा खाडल रहेको बताउदै नागरिक संग हात्तेमालो गर्दै निश्पक्ष र स्वच्छ प्रहरी सेवा दिनुनै आजको प्रमुख आवश्यकता रहेको प्रहरी प्रम’ख अर्यालले जनाए । प्रहरीले सुविधा सम्पन्न भवनमा बसेर सेवा दिनु ठुलो कुरा नरहेको जनाउँदै सेवा प्रभावकारी रुपमा प्रदान गर्नुपर्ने जनाए । प्रमुख अर्यालले देशभरीमा ७२ हजार ७ सय २९ प्रहरीहरु कार्यरत रहेकोले केहि खराब प्रहरी हुँदैमा आत्तिनुपर्ने अवस्था नरहेकोले राम्रा प्रहरीहरुलाई रचनात्मक सहयोग गर्न आग्रह गरे । कार्यक्रममा मध्यपश्चिम प्रहरी प्रमुख प्रहरी नायव महानिरिक्षक माधव नेपाल लगायत अन्य प्रहरी प्रमुख, नेपाली सेना, सशस्त्र प्रहरी प्रमुखहरुलगायत सबैको उपस्थिति थियो । द्धण्द्धकालमा ७ सय ६८ प्रहरी भवन क्षति भएको मध्ये ट्राफिक प्रहरी कोहलपुरको भवन पुणर्निमाण भएको हो । १ करोड २२ लाख २७ हजार लागतमा भवन निर्माण भएको हो ।
उत्कृष्ट ट्राफिक,चालक र जेष्ठ नागरिक सम्मानित
मध्यपश्चिम क्षेत्रिय ट्राफिक कार्यालय कोहलपुले विभिन्न व्यक्तिहरुलाई सम्मान गरेको छ । मध्यपश्चिमभरि उत्कृष्ट काम गर्ने ट्राफिक प्रहरीहरु प्रहरी नायव निरिक्षक बजिर सिंह विष्ट, प्रहरी हवल्दार टेक बहादुर कुसारी, प्रहरी जवान द्धय भुपेन्द्र सिंह ठगुन्ना र लक्ष्मी बोहरा सम्मानित भएका हुन् । यसैगरि मध्यपश्चिम भरिमा सबैभन्दा जेष्ठ नागरिक बैजापुर १ बसा निवासी १ सय ७ बर्षिय दलजित खड्का, संगै उत्कृष्ट चालक र उत्कृष्ट विद्यालयबाट पनि सम्मान पाएका थिए ।
