समृद्ध बचत तथा ऋण सहकारी संस्था लिमिटेड भवनियापुरले राप्ती सोनारी गाउँ पालिकाको नव निर्वाचित प्रतिनिधिहरुलाई बधाई तथा सम्मान दिएको छ । आज बिहान एक कार्यक्रममको आयोजना गरेर नव निर्वाचित प्रतिनिधिलाई बधाई तथा सम्मान सम्मान दिएको सहकारीका कार्यकारी प्रमुख सन्तोष थारुले जानकारी दिए । सम्मान कार्यक्रममा बोल्ने जन प्रतिनिधिहरुले सुगम जिल्लाको दुर्गम क्षेत्र राप्ती सोनारीमा बैंकको पहुँच नभएको अवस्थामा स्थानीयलाई सहकारीले सजिलै वित्तिय कारोबारमा सहयोग गरेकोमा प्रंशसा गरे । कार्यक्रममा बोल्दै राप्ती सोनारी गाउँपालिकाका अध्यक्ष लाहुराम थारुले सहकारीले खेलेको भूमिका सराहनिय रहेको भन्दै आगामी दिनमा नागरिकलाई सहज ढंगबाट रकम जम्मा, ऋण उपलब्ध लगायत सेवाका लागि सहकारीलाई सक्दो सहयोग गर्ने जनाए ।
