७ जना पत्रकार सम्मानित हुने

मिडिया नेपाल क्षेत्रिय कार्यालय नेपालगन्जले जिल्लाका ७ जना पत्रकारहरुलाई सम्मान गर्ने भएको छ । पत्रकारिता क्षेत्रमा अहम योगदान पुर्याए बापत जिल्लाका ७ जना पत्रकारहरुलाई सम्मान गरिन लागेको हो । मिडिया नेपालका केन्द्रिय उपाध्यक्ष उदय सिंह श्रेष्ठका अनुसार अग्रज पत्रकार निरज गौतम, झलक गैरे, सिराजुद्दिन खान, हेमन्त कर्माचार्य  पुर्णलाल चुके, सुर्यलाल यादव, र डक्ट धिताललाई सम्मान गरिने भएको हो । यस संगै भर्खरै निर्वाचि नेपालगन्ज उद्योग वाणिज्य संघका पदाधिकारीहरुलाई पनि सम्मान गरिने भएको हो । २५ जना पदाधिकारीहरुलाई सम्मान गरिन लागिएको आयोजक कमिटिले जनाएको छ । 

मिडिया नेपालको भेला तथा बडाभोजको तयारी पुरा

सोमबार १७ गते हुने मिडिया नेपालको क्षेत्रिय भेला तथा  बडा भोजको तयारी पुरा भएको छ । मिडिया नेपाल क्षेत्रिय कार्यालय नेपालगन्ज र जिल्ला कार्य समिति बाँकेको संयोजनमा हुन गइरहेको क्षेत्रिय भेला तथा बडा भोजको सम्पुर्ण तयारी पुरा भएको  मिडिया नेपाल बाँकेका अध्यक्ष हेमन्त चौधरीले जानकारी दिए । क्षेत्रिय भेलामा सहभागि हुन  मिडिया नेपालका केन्द्रीय सचिव टेकराज शाही लगायत दैलेख र जुम्लाका पत्रकारहरु नेपालगन्ज आइपुगेका छन् । भने अन्य जिल्लाहरुबाट मिडिया नेपालमा आवद्ध पत्रकारहरु नेपालगन्ज आउने क्रम जारी रहेको छ । दिउँसो १२ बजे बाट सुरु हुने क्षेत्रिय भेलामा मिडिया नेपालका केन्द्रीय अध्यक्ष गोपाल पौड्यालले उद्घाटन गर्ने कार्यक्रम रहेको छ ।  क्षेत्रिय भेला पछि साँझ बडा भोज पनि गर्ने कार्यक्रम रहेको छ । बडा भोजमा  क्षेत्र, जिल्लाका उच्च पदाधिकारी, पत्रकार व्यापारी, राजनीतिकज्ञ लगायत २ सय बढिको सहभागिता रहने छ ।