बिहीबार राष्ट्रवादीहरुले स्वर्गीय राजा विरेन्द्र शाहको शालिक पुन ः स्थापना जसरी पनि गरेर छाड्ने उद्घोष गरेका छन् । नेपालगन्जको विरेन्द्र चोकमा आज ईतिहास मेटाउने राष्ट्रघाती सरकार तथा प्रमुख राजनीतिक दलहरुको कडा आलोचना गर्दै राष्ट्रवादी शक्तिहरुले शालिक स्थापना गर्न जस्तो सुकै मुल्य चुकाउन पछाडी नपर्ने चेतावनी दिएका छन् । राप्रपा नेपालका महामन्त्री डा . धवल शम्शेर राणाले इतिहासलाई मेटाउने राष्ट्रघातिहरुलाई खबरदारी गर्दै शालिक स्थापना गर्न कसैले रोक्न नसक्ने बताए । महामन्त्री राणाले भने— जनताको भावना विपरित इतिहास मेटाउने काम भएको छ, त्यसको ठुलो मुल्य चुकाउन पर्छ । यदि शालिक राख्न निदिए नेपालगन्ज बाट सल्किएको आगो देशैभरी फैलन्छ, त्यो आगो निभाउन नसकेर सक्ता छोडेर भाग्न पर्ने अवस्था आउने चेतावनी समेत महामन्त्री राणाले दिए । राप्रपा नेपाल बाँकेका जिल्ला अध्यक्ष ऋषिराज देवकोटाले मरेको राजा संग डराउने प्रमुख राजनीतिक दलले ल्याएको गणतन्त्र कति कमजोर छ भन्ने प्रष्ट भएको बताउँदै जनतामा जागेको आक्रोसले शालिक स्थापना गरेरै छाड्ने बताए । राप्रपा नेपाल बाँकेका कोषाध्यक्ष तेजनारायण कंडेलले कोणसभालाई स्वागत गर्दै २४ घन्टा वित्न नपाउँदै रातारात शालिक चोर्ने निकम्मा सरकारको विरुद्ध आम जनता ओर्लिएको भन्दै इतिहासको धरोहर विरेन्द्र शाहको शालिक पुन ः स्थापन भएरै छाड्ने जनाए । ठुलो संख्याको जनमानसको उपस्थितिले पनि प्रष्ट पारेको भन्दै अन्तिम सम्म जनताको साथ रहने उल्लेख गरे । कर्याक्रममा बोल्ने अन्य वक्ताहरुले पनि शालिक स्थापनामा कसैले रोक्न नसक्ने बताएका थिए ।
