तराईका जिल्लाहरुमा बसोबास गर्दै आएका चर्नहवा बठ्वा थारु जातीहरु संगठित भएका छन् । उनीहरुले आज राप्ती सोनारी ३ खैरहनीमा पहिलो सम्मेलन गरेर संगठित भएका हुन् ।
बाँके, बर्दिया, दागं, कैलाली र कन्चनपुर बाट आएका चर्नहवा बठ्वा थारुहरुले आफुहरु संगठित भए मात्र पहिचान झल्किने निष्कर्षमा पुगेका छन् । उनीहरुले आफ्ना थरका गोत्यारहरु जहाँ, जुन अवस्थामा भएपनि संगठित भएर अगाडी बढ्दै पहिचानको लागि सबै एकजुट हुनेमा जोड दिएका छन् ।
चर्नहवा बठ्वा थारुहरुको रितीरिवाज के कस्ता छन, पुजापाठ कसरी गर्ने, पुर्खाहरु काहाँ कहाँ बसेका हुन, अब कसरी अगाडी बढ्ने विषयमा व्यापक छलफल भएको व्यवस्थापन समिति सदस्य लहानु चर्नहवा बठ्वाले बताएका छन् । पहिलो सम्मेलनका संयोजक रविलाल चर्नहवाले आफुहरुको इतिहासबारे चर्चा गर्दै समाज, देश र राष्ट्यि राजनितीमा पनि आफुहरुको पहिचान हुनुपर्ने धारणा राखे । कार्यक्रममा व्यवस्थापन संयोजक खुशिराम थारुले सबै जिल्लाका गोत्यारहरुलाई स्वागत गर्दै आफ्नो थरको छोरी चेलीलाई कसरी चिनेर नयाँ नाता कायम गर्ने भन्ने बारे सजग गाराउन सम्मेलनले ठुलो भूमिका खेल्ने जनाउदै रीतिरीवाजको बारेमा चर्चा समेत गरेका थिए । सम्मेलनमा बाँके, बर्दिया, दागं, कैलाली र कन्चनपुरका गरि २ सय बढिको सहभागिता रहेको थियो । उनीहरुले सम्मेलनको क्रममा अग्रज पुर्खाहरुलाई सम्मान समेत गरेका थिए ।
