आवासिय भवनको सांसद नमुना द्धारा शिलान्यास

राप्ती सोनारी ३ मा रहेको सरस्वती माविमा आवासिय भवनको शिलान्यास गरिएको छ । शनिबार प्रदेश सभा सदस्य कृष्णा केसी (नमुना)ले विधिवत रुपमा शिलान्यास गरेकि हुन । सांसद नमुनाकै पहलमा ४० लाखको ४ कोठे आवसिय भवनको शिलान्यास  गरिएको हो ।
 विद्यालयका शिक्षक ललित चौधरीका अनुसार विद्यार्थीहरुको बढ्दो चापलाई मध्य नजर गर्दै प्रदेश सरकारले आवशिय भवनको लागि ४० लाख रकम उपलब्ध गराएको जनाए । शिक्षक चौधरीले यस बर्ष ४० लाख मात्रै भएपनि हरेक बर्ष स्तरबृद्धिको लागि क्रमागत रुपमा बजेट उपलब्ध गराउने सांसद नमुना बाट आश्वासन पाएको उल्लेख गरे ।
यसैगरी उक्त विद्यालयमा राप्ती सोनारी गाउँपालिकाको १५ लाख लागतमा निर्माण भएको भवनको उद्घाटन गरिएको छ । गाउँपलिका अध्यक्ष लाहुराम थारुले एक कार्यक्रमका बिच भवनको उद्घाटन गरेका हुन् ।

राप्ती सोनारीमा एसईईको तयारी पुरा २० जना पुर्व कम्लहरीले परिक्षा दिदै

भोली आइतबार बाट सुरु हुने एसइई परिक्षाको तयारी राप्ती सोनारीमा पुरा भएको छ । राप्ती सोनारीका ४ वटा परिक्षा केन्द्रमा सबै तयारी पुरा गरिएको राप्ती सोनारी शिक्षा शाखाले जनाएको छ । राप्ती सोनारी ५ मा रहेको भुवर भवानी मावि परिक्षा केन्द्रमा सबै तयारी पुरा भएकोेले शान्ति पुर्वक विद्यार्थीहरुले परिक्षा दिन पाउने व्यवस्था गरिएको केन्द्राध्यक्ष चेत बहादुर विष्टले जानकारी दिए । शान्ति सुरक्षालाई मध्यनजर गर्दै प्रहरी र शसस्त्र प्रहरीले सुरक्षा दिने भएका छन् । यसैगरी बाँकेबाट २० जना मुक्त कम्लहरीहरुले परिक्षा दिने भएका छन् । मुक्त कम्लहरी विकास मन्चकि अध्यक्ष सिता कुमारी थारु सहित २० जना मुक्त कम्लहरीहरुले एसइइ दिने भएका हुन् । अध्यक्ष थारुले भनिन पुर्ण तयारीका साथ पुर्व कम्लहरी साथीहरु एसईईमा सहभागी हुँदै छौ पास हुन्छौ । पुन दिने ८ र नयाँ १२ जना गरेर २० जना कम्लहरीले परिक्षा दिने भएका हुन् ।