समाचार लेखेको बिषयमा पत्रकार हेमन्त चौधरीलाई एमालेका नेता खिल प्रसाद भुसालद्वारा धम्की

साउन, २ नेपालगन्ज ।समाचार लेखेको बिषयमा न्युज नमस्ते राष्ट्रिय दैनिकमा आवद्ध पत्रकार हेमन्त चौधरीलाई धम्की आएको छ । ईलाका प्रहरी कार्यालय कोहलपुरका डिएसपी सुरेश प्रसाद काफ्लेको नाम भजाएर एक समुहले यार्चागुम्वा व्यपारी बाट २ लाख ५० हजार कमिसन लिएको भन्ने समाचारको बिषयलाई लिएर नेकपा एमालेका कोहलपुर नगर प्रतिनिधि खिल प्रसाद भुसालले पत्रकार चौधरीलाई धम्की दिएका हुन् ।

शनिबार इलाका प्रहरीका कार्यालयको अगाडी पत्रकार चौधरीलाई आक्रामक हुँदै धम्की दिएका हुन् । नेता भुसालले नेकपा एमालेको विरुद्ध न्युज नमस्ते दैनिकले होइन् हेमन्त चौधरी लाग्यो, अब त्यसै छोड्दैनौ भने ।

सबैका माझ पत्रकार चौधरीलाई यसरी,उसरी समाचार लेख्नुपर्छ भनेर सिकाउँदै यस्तालाई ठिक गर्न युवा संघलाई जिम्मा दिइसकेको नेता भुसालले भने ।

हाम्रा पनि थुप्रै पत्रकार रहेको भन्दै आगामी दिनमा सोंची सम्झी लेख्न धक्की दिए । चौधरीबारे पहिले नेपालगन्ज हुँदा र अहिले कोहलपुर हुँदा कसको हैसियत कति सबै थाहा भएको भन्दै थिए । पत्रकार चौधरीलाई धम्की दिएको र आज पनि कार्यकर्ता छुटाउन आएको भनेर समाचार लेख्नु भनेर दवाव दिदै थिए ।

नेता भुसालले पत्रकारलाई दिएको धम्कीको बिषयमा नेपाल पत्रकर महासंघलाई जानकारी गराइएको छ । प्रहरीले डिएसपीको नाममा कमिसन लिदा प्रयोग गरिएको भे ५ प ४१३ नम्बरको पल्सर मोटरसाईकल धनि शम्शेरगन्ज गाविस, हवल्दारपुरका ज्ञान बहादुर थापालाई पक्राउ गरिएको र थापालाई छुटाउन एमाले नेताहरुको भिड—भाड थियो, भनेर समाचार प्रकाशित भएको थियो ।

यसैबिच इलाका प्रहरी कार्यालय कोहलपुरका प्रमुख  डिएसपी पत्रकार चौधरीलाई सुरक्षा दिन आफुहरु प्रतिबद्व रहेको बताउनुभयो ।