विरेन्द्र राजा शालिक पुनस्र्थापना समितिले सक्रियता बढायो

स्वर्गीय राजा श्री ५ विरेन्द्र विर विक्रम शाहको शालिक पुनस्र्थापना समिति बाँकेले जन स्तरमा सक्रियता बढाएको छ । नेपालगन्जको विरेन्द्र चोकमा राखिएको विरेन्द्र राजाको शालिक २४ घन्टा वित्न नपाउँदै प्रशासनले हटाएपछि निरन्तर संघर्ष जारी राखिएको हो । शालिक पुनस्र्थापना संघर्ष समितिका संयोजक भिम शाहीले ईतिहाँस जोगाउने अभियानमा नागरिकको साथ जुट्दै गाएको जनाए । संयोजक शाहीले भने, शालिक पुनस्र्थापनाका लागि जनताका घर घरमा गएका छौँ, सबैको मत शालिक  राख्नु पर्ने भन्ने छ । प्रशासनले हटाउने वित्तिकै सडकमा, जनमानसमा सचेतना अभियान चलाएको पुनस्र्थापना समिति बाँकेले यो कार्यलाई झनै अगाडी बढाएको हो । विरेन्द्र राजाको शालिक भनेको ईतिहाँस जोगाउने खम्बा हो, भव्य जनमनसको उपस्थितिमा पुन शालिक स्थापना गर्ने संयोजक शाहिले जनाए । यस अघि विभिन्न छलफल, विरोधका कार्यक्रम, धर्मगूरुहरु संगको छलफल , हस्ताक्षर अभियान चलाएको पुनस्र्थापना समितिले भव्य जनमानसको उपस्थितिमा शालिक पुनस्र्थापना गर्ने भएको हो । भर्खरै निर्वाचित अवधी पत्रकार संघ नेपालका केन्द्रीय पदाधिकारीलाई सम्मान तथा बधाई कार्यक्रम गरेर शालिक पनस्र्थापना समिति बाँकले अवधी पत्रकार संघ नेपालका पदाधिकारीहरुलाई इतिहाँस जोगाउँने अभियानमा साथ दिन आग्रह गरिएको समेत संयोजक शाहीले उल्लेख गरे । जवाफमा अवधी

पत्रकार संघका पदाधिकारीहरुले सन्चारकर्मिहरुले ईतिहाँस जोगाउने अभियानमा साथ दिने जनाएका थिए । नेपालगन्ज संगै देश व्यापी अभियान चलाएर शालिक पुनस्र्थापना भएरै छाड्ने संयोजक शाहिको जिकिर छ ।