थारु पत्रकार संघको आयोजनामा २६ जनाले रक्तदान गरे

जेठ ३१
नेपालगन्ज,
थारु जातीमा लाग्ने रोग सिकलसेल एनिमिया पीडित विरामीहरुलाई हुने रगत अभावलाई मध्यनजर गर्दै थारु पत्रकार संघ बाँकेले आज बृहत रक्तदान गरेको छ । १४ औं विश्व रक्तदाता दिवसको दिन आज सिकलसेल एनिमियाका विरामीहरुका लागि क्षेत्रिय रक्त सन्चार केन्द्र नेपालगन्जमा बृहत रक्तदान कार्यक्रम गरेको हो । थारु पत्रकार संघकि अध्यक्ष विमला चौधरीको अध्यक्षतामा बृहत रक्तदान कार्यक्रम गरिएको हो । थारु पत्रकार संघले पहिलो पटक गरेको रक्तदान कार्यक्रममा  अहिले सम्म २६ जनाले रक्तदान गरेको संघका सचिव भगतराम थारुले जानकारी दिए । थारु पत्रकार संघकि अध्यक्ष बिमला थारु, नेपाल पत्रकार महासंघका सचिव तिलक गाउँले, मिडिया नेपालका जिल्ला अध्यक्ष हेमन्त चौधरी, संघका सचिव भगतराम थारु, लगायत अहिले सम्म २५ जनाले रक्तदान दिएका थिए ।