प्रित कम्पनी ग्राहकको माझमा

पछिल्लो समयमा बाँके र बर्दियामा सबैभन्दा बढि ट्ेक्टर विक्रि गर्न सफल प्रित टेक्टर कम्पनीले ग्राहकहरु संग भेटघाट कार्यक्रम गरेको छ । आज नेपालगन्जमा एक कार्यक्रमको आयोजना गरि बाँके र बर्दियाका गरि १ सय बढि ग्राहकहरु संग भेटघाट तथा छलफल कार्यक्र गरेको हो । प्रित टेक्टरको आधिकारिक विक्रेता स्वीग अटो प्रालि नेपालगन्जले आयोजना गरेको भेटघाट कार्यक्रममा सहभागि किसानहरुले प्रित ट्याक्टर बाट राम्रो आम्दानी भएको भन्दै प्रशंसा गरेका थिए । कार्यक्रममा प्रित टेक्टरको नेपालमा प्रमुख जिम्मा लिएका प्रकाश सिंह राठौरले विश्वका २५ बढि देशमा प्रित ट्याक्टर किसानहरुले प्रयोग गर्ने गरेको बताउदै अरु कम्पनी भन्दा क्षमतावान रहेको बताए । कार्यक्रममा प्रित कम्पनीको सुरुवात चरण देखि अहिले सम्मको अवस्था बारे जानकारी गराउँदै प्रमुख राठौरले अब छिट्टै गाउँ गाउँमा फ्रि क्याम्प सर्भिस, अन्य जनचेतना मुलक कार्यक्रमहरु गर्ने जनाए ।  बाँके र बर्दियामा गरि बर्षमा १ सय ५० बढि ट्याक्टर विक्री भइरहेको भन्दै आगामी दिनमा हरेक किसानको हात हातमा ट्याक्टर पुर्याउने लक्ष्य रहेको जनाए । नेपालमा प्रित कम्पनीको पहिलो कार्यालय स्वीग अटो प्रालिका प्रमुख सन्तोष बर्माले सबै ग्राहकहरुलाई सक्दो सहुलियत दरमा विभिन्न उपाहार सहित ट्याक्टर विक्री वितरण गर्दै आएको जनाए । भेटघाट कार्यक्रम मंगलसिंह वलीको प्रमुख आतिथ्यमा भएको थियो ।