कार जस्तै अटो रिक्सा नेपालगन्जमा भित्रियो

नेपालमा पहिलो पटक कार जस्तै अटो रिक्सा नेपालगन्जमा  भित्रिएको  छ । पछिल्लो समयमा अटो रिक्साहरुले स्थान पाइरहेको बेला सुविधा सम्पन्न कार जस्तै रिक्सा नेपालगन्जमा आएको हो । वागेश्वरी इनटरनेश्नल प्रालिका प्रवन्ध निर्देशक उदय सिंह श्रेष्ठका अनुसार कार जस्तै हिटर, पङ्खा, एलसिडि क्यामरा नाइट भिजन लाइट जडान सहितको अटो रिक्सा नेपालगन्ज ल्याइको हो । जाडो सिजनमा यात्रुहरुलाई हिटरको सुविधा घाम, पानी, हावा हुरी धुलो धुवाबाट बच्न सकिने सुविधा युक्त कार जस्तेै रिक्सा नेपालगन्जमा ल्याइएको प्रवन्ध निर्देशक श्रेष्ठले बताए । नेपाल भरिकै आधिकारिक विक्रेता रहेको वागेश्वरी इटरनेश्नलले जस्तो सुके उकालोमा पनि सजिलै जान सक्ने जेनेटरको सुविधा भएको अटो रिक्साको माग अत्यधिक रहेको निर्देशक श्रेष्ठको भनाई छ ।  सस्तो शुलभ मुल्यमा विक्रि वितरण गरिएपछि एक दर्जन बढि ल्याएको कार जस्तै रिक्सा अब नेपाल भरि माग भएको हुँदा अरु थप ल्याउने तयारी भइरहेको समेत निर्देशक श्रेष्ठले जनाए ।