वडा न. ४ को झण्डै आधा बजेट गाउँपालिका फिर्ता हुँदै ,

 राप्ती सोनारी वडा न. ४ को एक बर्षको झण्डै आधा बजेट ५९ लाख रुपैयाँ धामपुरमा रहेको गोजरह्वा नालामा  पुल  बनाउनका लागि छुट्याइएको थियो । तर एक बर्ष वित्दा समेत कामको कुनै सुरसार नभएपछि  अहिले लालपुर देखि भित्रको सहायक बाटोमा पीचको पुर्वतयारी स्वरुप त्यहि बजेट कन्भर्ट गर्ने तयारी विथोलिएको छ । प्राविधिकले पुरानो मितिमा सम्झौता गर्न नमानेपछि अहिले वडाको ५९ लाख गाउँपालिका फिर्ता हुने भएको छ । वडा अध्यक्ष कान्छा थारुका अनुसार काम गर्न नसकिएपछि उक्त रकम गाउँपालिकाको संचय खातामा फिर्ता हुने जानकारी दिए । अध्यक्ष थारुले भने क्रमश गोजरह्वामा पुल निर्माणका लागि बजेट निकासा गरेका हौँ तर सफल भएन, पिचमा लगाउँ भन्दा पनि मिल्दो रहेनछ, गाउँपालिका फिर्ता हुने भयो । उनका अनुसार तर त्यो बजेट सुरक्षित रहने छ ।