नेपाल मानव धर्म सेवा समितिको नवदुर्गा विशेष

मानविय सेवामा समर्पित रहेको नेपाल मानव धर्म सेवा समिति भेरी अन्चल आश्रम नेपालगन्जले नव दुर्गाको फरक ढंगले पुजा आजा गर्ने भएको छ । भोली शनिबार देखि ९ दिन सम्म नवदुर्गाको विशेष पुजा सहित विभिन्न कार्यक्रम गरि मनाउने भएको हो । नेपाल मानव धर्म सेवा समिति बाँकेका सचिव तेज नारायण कंडेलका अनुसार नवदुर्गाको ९ दिन भेरी अंचल प्रभारी महात्मा नन्दनि बाइजीको विशेष संत्सगं हुने भएको हो । संगै ९ दिन सम्म झाँकी, नाटक, विशेष पुजाआजा, विशेष अतिथिहरुबाट शुभकामना आदान प्रदान गर्ने गर्ने समेत कार्यक्रम रहेको सचिव कंडेलले जनाए । नेपालगन्जको कारकाँदो स्थित आफ्नै भवनको प्राङ्गणमा नवदुर्गाको पूजा आजा गरिने भएकोले सबैमा उपस्थितिका लागि समितिले विशेष आह्वान समेत गरेको छ । भोली शनिबार बेलुका ५ बजे दुर्गा पुजाको समाज सेवी तथा राप्रपा नेपालका महामन्त्री डा. धवल शम्शेर राणाले उद्घाटन गर्ने कार्यक्रम रहेको छ । उद्घाटनमा समाज सेवी तथा कुशल व्यवसायि अच्युत प्रसाद प्रसाई लगायत विशिष्ट व्यक्तिहरुको उपस्थिति रहने छ ।