उम्मेदवारी दर्ता गराउने समय सकियो, उत्साहपुर्वक उम्मेदवारी दर्ता भएको निर्वाचन आयोगको भनाई

विभिन्न दलका उम्मेदवारहरुले मतदान गर्ने समय सिमा सकिएको छ । नेपालगन्ज उप महानगरपालिका सहित जिल्लाका सबैजसो गाउँपालिका नगरपालिकाहरुमा उम्मेदवारहरुले मनोनयन दर्ता गराएका हुन् ।

मनोनयनमा दलहरुले शक्ति प्रदर्शन गर्ने

दोस्रो चरणको निर्वाचनका लागि भोलीहुने मतदानमा आफ्नो पक्षमा जनशक्ति प्रदर्शन गर्न उम्मेदवारहरु तयारीमा जुटेका छन् । नेपालगन्ज उपमहानगरपालिका संगै कोहलपुर नगर र सबै गाउँपालिकाहरुमा उम्मेदवारहरुले भव्य जनमानसको उपस्थितिमा मनोनयन दर्ता गराउने भएका हुन् । राप्ती सोनारी गाउँपालिकामा नेपाली काँग्रेसलेनाचगान सहितको ७ हजार बढि कार्यकर्ता उतार्ने तयारी गरेको काँग्रेसका युवा नेता सन्तोष चौधरीले जनाए । एमालेले हरेक वडाबाट ५० जना कार्यकर्ता लग्ने भएको छ । यस्तै माओवादी र अन्य साना दलले समान्य रुपमा मनोनयन दर्ता गराउने छन् ।

भोलि विहान ८ देखि दिउँसो ४ बजेसम्म उम्मेदवारी दर्ताको समय तोकिएको छ भने १४ गते मतदान हुनेछ ।


‘उम्मेदवारी मनोनयनको कार्यक्रममा उत्साहपूर्वक सहभागी हुन आयोगको तर्फबाट म पुनः राजनीतिक दलका उम्मेदवार तथा स्वतन्त्र उम्मेदवारहरुसँग हार्दिक अपील गर्दछु’ प्रमुख निर्वाचन आयुक्त अयोधीप्रसाद यादवले भनेका छन् ।

दोस्रो चरणको निर्वाचन प्रदेश १, ५ र ७ का ३५ जिल्लाका ३३४ स्थानीय तहमा हुनेछ, जसमा बिराटनगर महानगरका साथै ७ उपमहानर, १११ नगरपालिका र २१५ गाउँपालिका छन् । निर्वाचनमा ६४ लाख ३२ हजार ७६५ मतदाताले मतदानमा भाग लिने छन् र १५ हजार ३८ प्रतिनिधिहरु निर्वाचित हुने छन् ।

निर्वाचन आयोगका अन्सार ४ हजार ५८१ मतदान स्थलमा ८ हजार ३६४ मतदान केन्द्र रहने छन् । मतदान कार्यमा सुरक्षाकर्मीबाहेक ६६ हजार ९०० कर्मचारी खटिने छन् ।

आगोगले ४७ वटा संस्थाका करिब ७ हजार ८९ जना पर्यवेक्षकलाई निर्वाचन पर्यवेक्षणको अनुमति दिएको छ ।

वडा नं. १०मा बरिष्ठ पत्रकार उदयको प्रतिस्पर्धामा कोही छैन – मतदाता

नेपालगन्ज, २ असार – असार १४ गते हुन लागेको दोस्रो चरणको निर्वाचनको क्रममा नेपालगन्ज उपमहानगरपालिका वडा नं. १० मा एकीकृत राष्ट्रिय प्रजातन्त्र पार्टी राष्ट्रवादी र नेपाल लोकतान्त्रिक फोरमको साझा वडा अध्यक्षका उम्मेदवार एवम् बरिष्ठ पत्रकार उदय सिंह श्रेष्ठ लगायतको प्यानल अहिलेसम्म कैं नम्बर एकमा देखा परेका छन् ।
३४ वर्षदेखि जनताको लागि आवाज उठाउँदै आएका
बरिष्ठ पत्रकार उदयले वडा नं. १० मा मात्र नभई बाँके जिल्लामैं राम्रो छबी बनाएको कारण अहिले वडा बासिन्दाहरुको लागि चहिते
उम्मेदवारको रुपमा अगाडि आएको मतदाताहरुले बताएका छन् ।
वडा नं. १० को विभिन्न टोलहरुमा वडा अध्यक्ष पदका उम्मेदवार बरिष्ठ पत्रकार उदयको बासिन्दाहरुसँग आत्मिय सम्बन्ध तथा अत्यधिक संख्यामा नाता पर्ने भएको हुनाले उनलाई धेरै मतदाताहरुले रुचाएको पनि बताइएको छ ।
वडा नं. १० को शीतलनगर र सुर्खेतरोड दुई स्थानमा घर भएको कारण पनि वडा अध्यक्ष एवम् वरिष्ठ पत्रकार उदयलाई यी दुबै टोलका बासिन्दाहरुले समेत उनलाई साथ दिएको बुझिएको छ ।
गरिब देखि सामान्य र सामान्य देखि धनी मतदाताहरुबीच राम्रो सम्बन्ध भएको कारण विगतका दिनहरुमा पत्रकारिता गर्दाको बेलामा सबैको समस्यालाई आफ्नै सम्झेर लागी परी काम गराउने नाममा परिचित वडा अध्यक्ष एवम् बरिष्ठ पत्रकार उदयको अगाडि अन्य कोही उम्मेदवारले राम्रो मत ल्याउन नसक्ने खालका मतदाताहरुको भनाई रहेको पाइएको छ ।
उनले निर्वाचन जितीसके पनि आफ्नो प्रतिबद्धता अनुसार जनताको लागि काम गर्नुको साथै भ्रष्टाचार मुक्त वडा निर्माण तथा नेपालगन्ज उपमहानगरपालिकाको नमुना वडाको रुपमा विकास गर्ने बताएका छन् ।
उनले भने–‘वडा नं. १० मेरो हो । जित र हार आफ्नो ठाउँमा हो । म हिजोको दिनमा लागे, भोली पनि वडा बनाउनको लागि लागी पर्नेछु । वडाको सबै टोलहरुमा इमान्दारिताका साथ विकासको
कामलाई अघि बढाउने छु ।’

कारागारमा कैदीले आत्महत्या गरेको घटना रहस्यमय बन्दै

नेपालगन्जको कारागार भित्रै कए कैदीले आत्महत्या गरेको घटना रहस्यमय बन्दै गएको छ ।नेपालगन्ज कारागारमा पुर्पक्षका लागि थुनामा राखिएका एक कैदीले कारागार मै झुण्डिएर आत्महत्या गरेका छन् ।

 जबर्जस्ती जस्ती करणी मुद्दामा थुनामा रहेका बाँके भवानियाँपुरका २७ वर्षीय अरविन्दकुमार बर्माले  कारागारभित्रै झुण्डिएर आत्महत्या गरेका हुन कि कसैले सुनियोजित तरिकाले गराएको हो, त्यसबारे अनुसन्धान भइरहेको जिल्ला प्रहरी कार्यालय बाँकेले जनाएको छ ।

जिल्ला प्रहरी कार्यालय बाँकेका सहप्रवक्ता तथा मुद्दा फाँटका इञ्चार्ज प्रहरी निरीक्षक वीरबहादुर थापाले बिहीबार सवा पाँच बजेतिर प्लाष्टिकको डोरीले पासो लगाइ आत्महत्या गरेको र प्रहरीले घटनास्थलको मुचुल्का गरी अनुसन्धान सुरु भएको जानकारी दिएको छ ।

फोरम लोकतान्त्रिक बाट वडा न ः २ मा साहु चुनावी मैदानमा

नेपाल लोकतान्त्रिक फोरमले नेपालगन्ज उपमहानगर पालिका वडा न ः २ मा नरेश साहुलाई वडा अध्यक्षमा उम्मेदवार बनाएको छ । कुशल समाज सेवी तथा युवा नेताको रुपमा परिचित साहु आफुले टोलको विकास गर्ने प्रतिवद्धता जनाएका छन् । वडाका विभिन्न स्थानमा घरदैलो गरिरहेका साहुले सबैको साथ सहयोग रहेकोले आफुले निर्वाचन जित्ने दावी गरेका छन् । साहु संगै सदस्यमा  राजकुमार लोध, माया बाल्मिकि, रामअनारी कोरी र शविर अलि शेषलाई सदस्यमा उभ्याएको छ ।

प्रतिवद्धता
१, वडाका मुख्य र सहायक सडकलाई फराकिलो गरिनुका साथै डुबान मुक्त बनाउन पुर्ण ढल निकासको व्यवस्था गरिने छ । 
२,  नमुना वडा निर्माणका लागि फोहर व्यवस्थापन गरिनुका साथैघर घरमा खानेपानीको व्यवस्था शुलभ शौचालय निर्माणको व्यवस्था गरिने छ ।
३, बढ्दो जनघनत्वलाई मध्यनजर गर्दै  चोक चोकमा चिसो खानेपानीको धारा र सार्वजिनक शौचालय निर्माण गरिने छ । 
४, वडामा हुन सक्ने अपराध र असुरक्षालाई मध्यनजर गर्दै प्रत्येक पोलमा सौर्य वत्ती जडान गरि विभिन्न स्थानमा सिसि क्यामरा राखिनुका साथै पायक पर्ने स्थानमा प्रहरी विटको समेत व्यवस्था गरिने छ । 
५, वडामा भएका विद्यालय मदरसाको स्तर वृद्धिगरि व्यवसायिक शिक्षा लागु गरिने छ ।
६, पश्चिम नेपालको मुख्य धार्मिक स्थल वागेश्वरी मन्दीरको स्तर बृद्धि गरि पर्यटकिय क्षेत्र बनाउन पहल गर्ने  छौ ।
७, स्वास्थ्यमा सुलभ पहुँचका लागि एम्वुलेन्स सहितको प्राथमिक स्थास्थ्य चौकी स्थापना गरि समय समयमा विशेज्ञ सहितको फ्रि स्वास्थ्य शिविर गरिने छ ।
८, वडामा रहेका दैलेखी बङ्गालाको स्तरबृद्धि गरि मासु र सब्जीमण्डीलाई व्यवस्थित गरिने छ ।
९, अपाङ्ग, दलित, मुस्लिम, महिला, जनजाती, पीछडाबर्ग,  एकल महिला, सबैको लागि सुलभ शिक्षा सहितको रोजगारको समेत व्यवस्था गरिने छ ।

निर्बाचित वार्ड अध्यक्ष प्रहरी खोरमा

भर्खर सम्पन्न स्थानिय तहको निर्बाचनमा नेपालि काङ्ग्रेस को तर्फ बाट शारदा नगरपालिका वार्ड न १२ बाट निर्बाचित वार्ड अध्यक्ष दिपक हमाल लाई जनताले प्रहरी खोरमा पुर्याएका छ्न ! हिजो बेलुकी उनकै गाउँ रेशमज्युला बाट जनताले घर घेरेर प्रहरिलाइ बुझाएका हुन ! हिजो बेलुकी मदिरा सेबन गरि स्थानीय जनताको घरमा तोडफोडमा उत्रिए पछि यो अबस्था आएको हो ! उनिले स्थानिय बिनोद चलाउनेको घरको ढोका फोर्नु को साथै डिस टिभी को छाता निकालेर फालिदिएका थिए ! रक्सि को मातमा उक्त कार्य गरेर गर पुगेका उनिलाइ गाउले हरु जम्मा भै घर घेरेर उनिलाइ प्रहरी बोलायर चौकीमा पुर्याइएको हो ! उनिलाइ अहिलेसम्म श्रीनगर स्थित प्रहरी ले नियन्त्रणमा राखिरहेकोछ !

थारु पत्रकार संघको आयोजनामा २६ जनाले रक्तदान गरे

जेठ ३१
नेपालगन्ज,
थारु जातीमा लाग्ने रोग सिकलसेल एनिमिया पीडित विरामीहरुलाई हुने रगत अभावलाई मध्यनजर गर्दै थारु पत्रकार संघ बाँकेले आज बृहत रक्तदान गरेको छ । १४ औं विश्व रक्तदाता दिवसको दिन आज सिकलसेल एनिमियाका विरामीहरुका लागि क्षेत्रिय रक्त सन्चार केन्द्र नेपालगन्जमा बृहत रक्तदान कार्यक्रम गरेको हो । थारु पत्रकार संघकि अध्यक्ष विमला चौधरीको अध्यक्षतामा बृहत रक्तदान कार्यक्रम गरिएको हो । थारु पत्रकार संघले पहिलो पटक गरेको रक्तदान कार्यक्रममा  अहिले सम्म २६ जनाले रक्तदान गरेको संघका सचिव भगतराम थारुले जानकारी दिए । थारु पत्रकार संघकि अध्यक्ष बिमला थारु, नेपाल पत्रकार महासंघका सचिव तिलक गाउँले, मिडिया नेपालका जिल्ला अध्यक्ष हेमन्त चौधरी, संघका सचिव भगतराम थारु, लगायत अहिले सम्म २५ जनाले रक्तदान दिएका थिए ।

सिकलसेल एनिमिया रोग लागेका बिरामीका लागि रक्तदान

जेठ ३१
नेपालगन्ज,
थारु जातीमा लाग्ने रोग सिकलसेल एनिमिया पीडित विरामीहरुलाई हुने रगत अभावलाई मध्यनजर गर्दै थारु पत्रकार संघ बाँकेले आज बृहत रक्तदान गरिरहेको छ । १४ औं विश्व रक्तदाता दिवसको दिन आज सिकलसेल एनिमियाका विरामीहरुका लागि क्षेत्रिय रक्त सन्चार केन्द्र नेपालगन्जमा बृहत रक्तदान कार्यक्रम भइरहेको हो । थारु पत्रकार संघकि अध्यक्ष विमला चौधरीको अध्यक्षतामा बृहत रक्तदान कार्यक्रम गरिएको हो । थारु पत्रकार संघले पहिलो पटक गरेको रक्तदान कार्यक्रममा  अहिले सम्म २५ जनाले रक्तदान गरि सकेको संघका सचिव भगतराम थारुले जानकारी दिए । थारु पत्रकार संघकि अध्यक्ष बिमला थारु, नेपाल पत्रकार महासंघका सचिव तिलक गाउँले, मिडिया नेपालका जिल्ला अध्यक्ष हेमन्त चौधरी, संघका सचिव भगतराम थारु, लगायत अहिले सम्म २५ जनाले रक्तदान दिइसकेका छन् ।

एराप्रपा र राष्ट्रिय जनमुक्ति पार्टीबीच गठबन्धन

चुनाव चिन्ह घर

नेपालगन्ज, ३० जेठ – एर्कीकृत राष्ट्रिय प्रजातन्त्र पार्टी
राष्ट्रवादी र राष्ट्रिय जनमुक्ति पार्टीबीच २०७४ सालको दोस्रो

चरणको निर्वाचनलाई मध्यनगर गर्दैनेपालगन्ज उपमहानगरपालिकाको निर्वाचनको लागि गठबन्धन भएको छ ।
एर्कीकृत राष्ट्रिय प्रजातन्त्र पार्टी राष्ट्रवादी बाँकेका अध्यक्ष तथा केन्द्रीय सदस्य कृष्ण प्रसाद खरेल र राष्ट्रिय जनमुक्ति पार्टीको अध्यक्ष बलबहादुर रानाले सामुहिक हस्ताक्षर गरि निर्वाचनका लागि तालमेल भएको सार्बजनिक गरेका हुन् । आज एकीकृत राप्रपा पार्टी राष्ट्रवादीको  कार्यालयमा भएको एक कार्यक्रममा तालमेल संगै मेयर पदमा  सर्वसम्मतीका साथ खरेललाई नै उम्मेदवार बनाउने निर्णय समेत गरिएको छ । ए राप्रपा राष्ट्रवादीका केन्द्रिय सदस्य तेज नारायण कंडलले चुनावी तालमेल अनुसार चुनवा चिन्ह घर भए अनुसार अब सबै सक्रिय पुर्वक निर्वाचनमा लाग्न आग्रह गरेका छन् ।
साथै राष्ट्रिय जनमुक्ति पाटीको चुनाव चिन्ह ‘घर’लाई दुबै पार्टीले प्रयोग गर्नुका साथै आपसी समझदारीमा निर्वाचनमा अगाडि बढ्ने निर्णय गरिएको छ ।
एर्कीकृत राष्ट्रिय प्रजातन्त्र पार्टी राष्ट्रवादी र मधेशी जनअधिकार फोरमबीच सहमतीमा नेपालगन्ज उपमहानगरपालिका वडा नं. १० को लागि गठबन्धन गरी वडा अध्यक्षमा बरिष्ठ पत्रकार उदय सिंह श्रेष्ठलाई दुई हात जोडेको नमस्कार चुनाव चिन्ह प्रयोग गर्ने गरी उम्मेदवारी दिने निर्णय गराइएको थियो ।
एर्कीकृत राष्ट्रिय प्रजातन्त्र पार्टी राष्ट्रवादी र मधेशी जनअधिकार फोरमबीच भएको बन्धनमा गरिएको निर्णय अनुसार वडा नं. १० मा वडा अध्यक्ष बरिष्ठ पत्रकार श्रेष्ठले अत्यधिक मतले विजयी हुने प्रशस्त आधारहरु देखिएकोले दुबै पार्टीहरु ढुक्क समेत भएको बताइएको
छ ।

कोहलपुरमा फुलाराम अग्र स्थानमा

स्थानीय निकायको निर्वाचनको मिति नजिकिदै गर्दा कोहलपुरमा चुनावी माहोल तात्एिको छ । उम्मेदवारहरुले घरदैलो अभियान कोणसभा लगायतका कार्यक्रमहरुलाई तिव्र पारेका छन् । प्रमुख तीन दलका उम्मेदवार भन्दा फोरम लोकतान्त्रिकका तर्फ बाट कोहलपुर नगरपालिकाको मेयर पदका उम्मेदवार फुलाराम थारु अगाडी देखिएका छन् ।  कोहलपुर क्षेत्रमा चर्चित समाज सेवी युवा नेता भनेर चिनिने फुलाराम थारु अरु उम्मेदवार भन्दा अगाडी देखिएका हुन् । भ्रष्टाचार मुक्त नगर , हरित नगर अनि नमुना नगर बनाउने अभियान लिएर चुनावी महोलमा उत्रिएका फुलाराम थारु यतिबेलाको अंक गणितमा सबैभन्दा अगाडी देखिएका हुन् । मेयर पदका उम्मेदवार थारुले जीतको नजिक नजिक पुग्दै गएकोले एक पटक दुइ हात जोडेको नमस्कारमा भोट हालेर जिताउन आग्रह गरेका छन् ।

वडा न ः ४ का अध्यक्ष पदका उम्मेदवार जयसवालको प्रतिवद्धता

डिगम्बर जयसवाल
वडा न ः ४ का अध्यक्ष पदका उम्मेदवार
नेपाल लोकतान्त्रिक फोरम 
प्रतिवद्धता पत्र 
१, वडा भित्र पर्ने नेपालगन्ज बसर्पाकलाई देशकै नमुना बसपार्क बनाउनुको साथै मुख्य सडकमा पार्किङको समेत व्यवस्था गर्ने छु  ।
२, वडाका मुख्य र साहयक बाटोहरुलाई पुर्ण ढल निकास सहितको सरफाई युक्त कालोपत्रे गर्ने छु ।
३, वडाका मुख्य र सहायक सडक वरिपरि विभिन्न उन्नत जातका रुखका बिरुवा लगाई ग्रिन नमुना वडा बनाउने छु ।
४, वडामा हुन सक्ने असुरक्षा र अपराध नियन्त्रणका लागि पोल पोलमा वत्ति जडान गरि, मुख्य, मुख्य स्थानमा सिसि क्यामरा राखिनुका साथै प्रहरी विटको स्थापना समेत गरिने छ ।
५, वडामा रहेका गरिव, असाहय, महिला, दलित, जेष्ठ नागरिक, एकल महिला, द्धण्द्ध पीडित, जनजाति,मुस्लिम, पिछडावर्ग, अपाङ्ग, युवा, नेत्रहिनलाई पुर्ण अधिकार सहितको स्वरोजगार बनाउने छु ।
६, वडामा रहेका विद्यालय, मदरसाहरुलाई पुर्ण पुर्वाधार सहितको व्यवसायिक शिक्षा लागु गर्ने छु ।
७, घर घरमा स शुल्क पिउने पानीको व्यवस्था गर्ने छु ।
८, वडाका सबै नागरिकहरुको भैपरि आउने समस्यालाई मध्यनजर गर्दै जीवन विमा र स्वास्थ्य विमा गराई समय समयमा विशेज्ञ डा. सहितको फ्रि स्वास्थ्य शिविर गराउने छु ।
९, वडालाई भ्रष्टाचार मुक्त बनाउन विकासका हरेक कृयाकलाप सबैको माझमा प्रादर्शि रुपमा सार्वजनिक गर्ने छु ।
१०,  बर्षौ देखि जोतभोग गर्दै आएका सुकुम्वासीहरुलाई जग्गा धनि लालपुर्जाको व्यवस्था मिलाउने छु ।
११,  वडामा रहेका  मठ मन्दिर, मस्जिद, पार्टी पौवा, चर्चलाई स्तर बृद्धि गरि व्यवस्थित गरिनुका साथै धर्मशालको निर्माण गर्ने छु ।
धन्यवाद
सम्पर्क नः ९८५११५७६१०

आजपनि सरसफाईको महाअभियान

नेपालगन्ज ÷जेठ २७ गते
सफा नेपालगन्ज र हरियाली नेपालगन्ज भन्ने नारा दिएर थालिएको महाअभियान अन्तरगत ४३ औं पटक सरसmाई गरिएको छ । हरेक हप्ताको शनिबार नेपालगन्जको विभिन्न स्थानमा सरसफाइ गर्दै आएका अभियानताहरुले आज शनिबार पनि सल्यानीवागको कब्रिस्थान सहाबा मस्जिद परिसरमा सरसफाई  गरेका हुन् । विभिन्न राजनीतिक दल अधिकारकर्मि, व्यापारी, प्रहरी प्रशासन, पत्रकार लगायत सबैको उपस्थितिमा सरसफाई गरिएको हो । डाक्टर विनोद कर्ण संयोजक रहेको महा अभियानमा सहभागि हुँदै एकीकृत राष्ट्रिय प्रजातन्त्र पार्टी राष्ट्रवादीका केन्द्रीय सदस्य तेज नारायण कंडेलले अभियान निकै सराहनीय रहेको जनाउँदै अभियानको अन्तिम सम्म पार्टीको भरपुर सहयोग रहने प्रतिवद्धता जनाए । सरसफाई कार्यक्रममा नेपालगन्ज उद्योग वाणिज्य संघका अध्यक्ष नन्दलाल वैश्य, नेकपा माओवादी केन्द्र बाट नेपालगन्जको मेयर पदका उम्मेदवार दामोदर आचार्य,एकीकृत राष्ट्रिय प्रजातन्त्र पार्टी राष्ट्रवादीका उम्मेदवार कृष्ण प्रसाद खरेल, जलवायु सरक्षण बाँकेका संयोजक हेमन्तराज काफ्ले, पिन नेपालगन्जका अध्यक्ष सामाजिक अभियानता ओम नारायण शर्मा,अधिवक्ता विश्वजित तिवारी, नेकपा एमालेका वैकल्पीक केन्द्रिय सदस्य मोहम्मद हारुन, युवा नेता विनोद जंग शाह लगायत धेरैको उपस्थिति रहेको थियो । 

मानव धर्मको शिक्षा अभियान

 नेपालगन्ज, २६ जेठ – धर्मको नाममा खोलिएको संस्था भन्दा पनि विभिन्न क्षेत्रमा सहयोग पु¥याउँदै आएको नेपाल मानव धर्म सेवा समिति भेरी अञ्चल आश्रमले शिक्षा अभियानलाई तिब्रता दिएको छ । समितिले अहिलेसम्म स्वास्थ्य, पर्यावरण, धर्मान्तरण रोक्ने कार्य लगायत अहिले गरिब तथा आसाय विद्यार्थीहरुको लागि निःशुल्क रुपमा किताब कापी र कलम दिने कार्यलाई अगाडि बढाएको छ । यसैक्रममा समितिले शुक्रबार समावेशी इंगलिश बोर्डिङ्ग स्कुलमा एक कार्यक्रमको आयोजना गरी शिक्षा अभियान अन्तरगत विद्यालयमा दान पेटिका (डोनेशन बक्स) राखिएको समितिका अञ्चल सदस्य तेजनायारण कँडेलले बताउनु भयो । उक्त विद्यालयमा राखिएको दान पेटिकामा आएका सहयोग अर्को विद्यालयका गरिब तथा आसाय विद्यार्थीहरुलाई सहयोग गर्ने कँडेलले बताउनु भयो । शुक्रबार समितिले राखेको दान पेटिकामा उत्तः विद्यालयका प्रिन्सीपल हेमन्त राज काफ्ले र तेजनायारण कँडेलले दान पेटिकामा कलम र कापी सहयोग गरेर शिक्षा अभियानको शुरुवात गर्नु भएको छ । शिक्षा अभियान अन्त्रगत समितिले बाँकेको अन्य २० विद्यालयहरुमा दान पेटिका राख्ने समितिका भेरी अञ्चल सदस्य कँडेलले बताउनु भयो । समितिले आयोजना गरेको शिक्षा अभियानमा समितिका मंगल जिएम, विवेक खड्का, आशिष जिएम, दिपक केसी, सुमिरन राईको उपस्थिती रहेको थियो । समितिको यो शिक्षा अभियानलाई विद्यालयका शिक्षक शिक्षिका लगायत विद्यार्थीहरुले सहानिय कार्यको शुरुवात भएको बताएका छन् ।

अभिनयको यात्रा यसरी सुरु भयो, सुनिताको

म्युजिक भिडियोमै करियर बन्दै

करिब दुई बर्ष अगाडीको कुरा हो, जतिबेला कोहलपुरमा बसेर कक्षा १० अध्यनरत थिइन् उमेरले सानो देखिने तर कलाकारिताको क्षेत्रमा असाध्यै रुचि थियो उनको ।
गाउँ घर, विद्यालय, संघ संस्थाका कार्यक्रममा भाग लिएर उनी आफ्नो नृत्य देखाउन पछि पर्दै नथिइन् । सानो कामको शिलशिलामा मैले भेट्दा सुनिता क्यामरा फेश राम्रो देखिने, रुचि पनि भएको तर उमेर बच्चै लाग्ने सुनितालाई एउटा म्युजिक भिडियोमा अवसर दिने कुरा भयो । उनको बाबा संग पनि कुरा राख्दा सुनिताका बुबा गणेश दहित कला क्षेत्रमा झनै रुचि रहेछ । स्कुले विद्यार्थी जीवनमा एसएलसी नजीकिदै गर्दा सुनिताको औपचारिक कलाको यात्रा सुरु भो, दाङ र बर्दियाको विभिन्न स्थाानमा म्वार र मैया भुला देलोना भन्ने बोलको गीतबाट औपचारिक कलाकारको जीवन सुरुवात भयो । पहिलो गीतमै अब्बल क्षमता देखाएकि सुनिताको प्रशंसा गर्ने, दर्शकको संख्या बढ्दै गयो ।  मेरो सल्लाह सुझाव र बाबाका हौसला सधै पाइरहिन सुनिता । मैले जहिले नि भन्ने गर्थे यो, सुरुवातमा बाटो मात्रै देखाइदिएको पछि सबै आफैले गर्नुपर्छ । तर समाजमा पच्ने थारु समुदायको कला संस्कृति उत्थान गर्ने दिशामा लाग्नु पर्छ भनेर उनको आफन्ती बुबा आमा , अनि म सधै भनि रहन्थ्यो ।  सायद त्यसैले होला कलियुग कि मोडेल भएपनि थारु पहिरण थारु भेष भुषा उनको बराबर कसैले प्रयोग गर्दैनन् होला । उनको रुपको चर्चा त गरेर सकिदैन त्यतिमात्रै होइन उनमा हुनुपर्ने सबै भएरै होला अहिले थारु गीत संगितको हरेक जसो पर्दामा सुनिता दहितलाई हेर्न पाइन्छ । जस्तो सुकै गीतमा अब्बल अभिनय दिनसक्ने सुनितालाई अब उनका बुबा, अनि म जस्ताले सुटिङ्गका लागि गीत खोजि रहन पर्दैन् । र अहिले देश विदेशमा बस्ने लाखौं दर्शकलाई सुनिताको बारेमा परिचय दिइ रहन पर्दैन । अहिले हरेकका मोइल युटुवमा सुनिताकै चर्चा देखेर उनी यस क्षेत्रमा अगाडी जाउन भन्ने चाहना राख्नेहरु हर्षित भएका छौ । २ दर्जन बढि गीतमा अभिनय गरि सकेकि सुनिता यतिबेला पनि सुदुरपश्चिमको धनगढी सुटिङमै गएकि छिन् । अहिले म्युजिक भिडियो खेलेर उनी पैसा कमाउन पनि थालेकि छिन् ।
पछिल्लो समयमा कलाकारितालाई फेसनको रुपमा लिइरहेको बेला सुनिता दहित भने कर्म लगनशिलता र शिपमा विश्वास गर्छिन् । आफ्नो कलाकारितालाई औपचारिक रुपमा अगाडी लग्दै गरेकि सुनिता कलाकारितामा  आफुले धेरै गर्न बाँकी रहेको बताउछिन् ।  २१ औं सताब्दीमा पनि विशेष गरि आदिवासीको रुपमा चिनिने थारु सामुदाय बाट कलाकारितामा कमै प्रतिनिधित्व  हुने गरेको छ । उनी भिन्छन् थारु सामुदाय भित्र कलाकारिता गर्न शिप कला हुदा हुदै पनि अवसर र समाजको परिवन्धका कारण बाहिर आउन नसेको हो ।  त्यसैले थारु समुदायलाई सुसुचित गर्ने खालको सन्देश दिने माध्यम सन्चार जगतको एउटा अंग कलाकारिता पनि भएकोले मैले  हात हाल्ने प्रयत्न गर्दै छुँ । ै कलाकारितालाई अगाडी बढाउने साेंच बनाएकि सुनिता दहित थारु सामुदायको कला संस्कृति पहिचान बचाउ अभियानमा आफ्नो सदैभ कदम रहने वताउछिन् ।  उनी कलाकारितामा घरको सदस्यले भरपुर्ण रुपमा सहयोग गरिरहेको बताउछिन् । अहिले पनि पुर्ण रुपमा थारु कला संस्कृति झल्कने थारु फिल्म बन्न नसकिरहेको बेला सम्पुर्ण थारु अगुवा बुद्धिजिवीहरुले कला संस्कृति र आफ् पहिचान जोगनु पर्ने आवश्यक  रहेको बताउछिन् । त्यसैले होला सुनिता भन्छिन् औपचारिक कार्याक्रममा जाँदा मेरो थारु पहिरण देखेर मानिसहरु अचम्मित हुने गर्दछन् । अभिनय जीवनले सफलता पाओस शुभकामना सुनितालाई ।

नागरिकका सारथी बन्दै गाउँ–गाउँमा सेना

निर्वाचनमा पुर्ण शान्ति सुरक्षास्थानीय निकायको निर्वाचनको मिति नजिकिदै गर्दा शान्ति सुरक्षा कायम गर्न गाउँ –गाउँमा सेना परिचालन गरिएको छ । बाँकेका अधिकाँस विकट क्षेत्र भारत को खुल्ला सिमाना संग जोडिएको कारण निर्वाचनमा हुन सक्ने असुरक्षालाई मध्यनजर गर्दै सेना परिचालन गरिएको हो । बाँकेको पुर्वी कसुम देखि बैजापुर, बघौडा, पश्चिम क्षेत्रमा पनि ठाउँ ठाउँमा अस्थायी क्याम्प खडा गरेर सेना परिचालन गरिएको हो । राप्ती सोनारी गाउँपालिकाको वडा न ४ मा पनि उप सेनानी विपिन नगरकोटीको कामण्डमा टोली परिचालन गरि नियमित गस्ती खुल्ला सिमानाका कारण हुन सक्ने चुनौती बारे अध्ययन गरिरहेको छ । भने द्धण्द्धकाल भन्दा समय धेरै फरक भएकोले स्थानीय बासिन्दाले पनि आफुलाई सुरक्षित महसुस गरेका छन् । द्धण्द्धकालमा गाउँमा सेना जो वित्तिकै स्थानीय त्रसित हुन्थे, अचेल भावना साट्छन् सेना गाउँमा गएकोमा खुशि छन् । सेना परिचालन  संगै म्यदी प्रहरी सशस्त्र प्रहरी, नेपाल प्रहरीले पनि गस्ती बढाएका छन् ।
 

राजपको चक्काजामका कारण यातायात ठप्प, जनजीवन प्रभावित

राष्ट्रिय जनता पार्टी बाँके लगायत देशभर आज ३ बजे सम्म चक्काजाम गरेका छन । नेपालगन्जमा राजपाका नेता कार्यकर्ताहरु जम्मा भएर चक्का जाम गरेका थिए । संविधान संसोधन हुनु पर्ने लगायतका माग राख्दै स्थानीय निर्वाचनमा पनि सहभागि नहुने राजपाले आज केहि घन्टा चक्काजाम गरेको हो । विचोकमा जम्मा भएर नाराबाजी सहित चक्काजाम गरेका थिए ।
 राजपाका सह महामन्त्री पशुपति दयाल मिश्रले निर्वाचनमा जाने नजाने भन्दा पनि समग्र मधेशी समुदायको अधिकार प्राप्तीको लडाइ रहेको प्रष्ट पारे ।

भन्सार तिर्ने टाट पल्टिंदै, भन्सार छली गर्ने मालामाल बन्दै

नेपालगन्ज, २४ जेठ –
भारतसँगको खुला सिमानाका
कारण नेपालगन्ज लगायतका आसपासका क्षेत्रमा भन्सार छलेर व्यापार व्यवसाय गर्ने दैनिक रुपमा मालामाल हुँदै गएको एक तथ्यांकले जनाएको छ ।
बाँके जिल्लामा ई–रिक्सा कत्तिको संख्यामा संचालनमा छन् भन्ने विषयमा अहिलेसम्म कुनै पनि सरकारी निकायका कार्यालयलाई जानकारी नभएपनि करिब ९
हजारको हाराहारीमा ई–रिक्सा संचालनमा आएका छन् ।
कडा प्रतिस्पर्धाको कारण ई–रिक्साको मूल्य दिनप्रति दिन घट्दो रहेको भएपनि नेपालगन्जमा
ई–रिक्सा निर्माण गर्ने केही उद्योगले भने भन्सार छलेर ई–रिक्साको किट भित्र्याई सस्तो दररेटमा बिक्री
वितरण गर्ने गरिएको पाइएको
छ ।
नेपालगन्जमा चिनबाट सिधा सम्पर्क राखी बैंकबाट टिटि मार्फत रकम पठाई भन्सार बुझाई ल्याउने केही कम्पनीहरु स्थानिय स्तरमा निर्माण हुने कम्पनीसँग प्रतिस्पर्धा गर्नु पर्ने बाध्यता रहेको छ । जबकी नेपालगन्जमा निर्माण हुने रिक्साका  अधिकांश पाटर्सहरु चिनमा निर्मित भएपनि भारतबाट भन्सार छलेर ल्याउने गरेको भेटिएको छ ।
बाँके जिल्लामा रहेका
करिब ९ हजार हाराहारीको रिक्सामा लाग्ने गरेको ब्याट्री र अन्य पाटर्सहरु भारतबाट भन्सार छलेर ल्याउने
गरेकोले पनि चिनबाट मगाई भन्सार गरेर ल्याउने कम्पनीहरुलाई दैनिकी घाटा ब्यहोर्नु परेको बताइएको छ ।
ई–रिक्सामा प्रयोग हुने प्राय ब्याट्रीहरुको भन्सार तिरेको हुँदैन तर पनि नेपालगन्जमा खुलेआम बिक्री वितरण भइरहेको छ । केही ई–
रिक्सा बिक्री गर्ने कम्पनीहरुले भारतबाट भन्सार तिरेर ल्याएको ब्याट्री महँगो हुने भएकोले बिक्री नहुने
गरेको गुनासो गरेका छन् ।
बाँके जिल्लामा ई–रिक्सा मर्मत हुने अधिकांश पसलहरुमा भन्सार छलेर ल्याइएको ई–रिक्सा ब्याट्री तथा पाटर्स हुने गरेको पाइएको छ । तर यस विषयमा आन्तरिक
राजस्व कार्यालयले भने अहिलेसम्म यस्ता भन्सार छल्ने पसलमा अनुगमन समेत गरेको छैन ।
ई–रिक्सा बिक्री गर्ने एक कम्पनीले भने–‘ई–रिक्सामा प्रयोग हुने ब्याट्रीको विषयमा छानबिन गरियो भने स्वतः प्रमाणित हुन्छ । तर अनुगमनमा जाने तथा चेकजाँच गर्ने अधिकारी इमान्दार हुन जरुरी छ ।’
यस विषयमा भन्सार कार्यालयमा खटिएका सशस्त्र प्रहरी नायब उपरिक्षक चित्राङ्ग दहाल भन्छन्–‘रुपैडिहाबाट आउने गरेको ब्याट्रीको विषयमा हामीले चेकजाँच गर्ने क्रममा केही बरामद गरिएको छ । तर केही ब्याट्रीको भ्याट विल समेत देखाउने गरेको पाइएको छ । त्यस्तो भ्याट विल भएको विषयमा सुक्ष्म अनुसन्धान गरिने हो भने त्यस्ता पसलले भारतबाट नेपाल भित्र्याउने क्रममा भन्सारको प्रज्ञापन पत्र समेत चेकजाँच गर्दा स्पष्टका साथ थाह हुने विषय हो । यो सबै चेकजाँच गर्ने निकायले अनुगमन ग¥यो भने भन्सार छलेर ल्याउने कार्य बन्द हुने थियो की ?’
भारतको दिल्लीबाट ल्याई आफु खुशी बिक्री वितरण गर्दा आम ई–रिक्सा मालिकहरु घाटामा पर्ने
गरिएको गुनासो पनि रहेको पाइएको छ । भारतको दिल्लीमा १००० वाटको मोटरलाई भारु ३ हजार पर्छ भने भन्सार छलेर नेपालगन्ज भित्र्याइएको त्यो मोटर रु. ९
हजारमा बिक्री गरिने गरेको पाइएको छ । त्यस्तै ब्याट्री चार्जरको भारु २ देखि दुई हजार पाँच सय पर्नेलाई नेपालगन्जमा रु. ६ देखि ६ हजार पाँचसयमा बिक्री गर्ने गरिएको पाइएको छ ।

महिला र मुस्लिम एक्ला एक्लै मेयर–उपमयेर पदका उम्मेदवारका योजना

ऋतु सिंह शाही
मेयर पदका उम्मेदवार
नेपालगन्ज उपमहानगरपालिका
फोरम लोकतान्त्रिक
पश्चिम क्षेत्रको मुख्य व्यापारिक केन्द्रको रुपमा परिचित नेपालगन्ज उपमहानगरपालिकाको मेयर पदमा एक्ली महिला भिड्ने भएकि छिन् । प्रमुख दल देखि साना दल सम्मले मेयरमा पुरुषलाई प्रतिस्पर्धा गराई रहेको बेला फोरम लोकतान्त्रिक बाट ऋतु शाही मेयर पदमा भिड्ने भएकि हुन् । विगत एक महिना देखि घरदैलो गर्दै आएकि  मेयर पदका उम्मेदवार शाहीले आफु जितेर देखाउने विश्वास व्यक्त गरिन् । यस क्षेत्र बाट थुप्रै मन्त्री भए प्रधानमन्त्री भए, तर महिलालाई जहिले नि पछि पारिने काम भयो त्यसलाई चिरफार गर्न मेयरमा उम्मेदवारी दिने उनको भनाई छ । संयौ पुरुषहरुको भिडमा म एक्लि महिला भएपनि आम नगरबासी आफ्नो साथमा रहेको बताउदै एक पटक जिताएर काम गर्ने अवसर दिनुपने उनको धारणा छ । पुरुष भन्दा महिला इमान्दार हुन्छन्, नेपालगन्जको विकासलाई गति दिने मसंग पुरै योजना छ त्यस अर्थमा एक पटक जिताउन उनले आग्रह गरिन । २०५८ सालतिर बाँके युनिस्को क्लव बाट गाउँ गाउँमा शिक्षाको ज्योति फैलाउने काम गरेकि  ऋतु नेपाल टेलिभिजन बाट प्रशारण हुने यथार्थ टेलिश्रृखलामा अभिनय गर्नुका साथै उनी विभिन्न संचार माध्यम संग पनि धेरै बर्ष जोडिइन । २०६६ सालमा फोरम  फुटेर विजय गच्छेदारले खोलेको फोरम लोकतान्त्रिकमा विद्यार्थी इन्चार्ज, तीन जिल्लाको, जिल्लाको महिला अध्यक्ष, जिल्लाको सदस्य, सचिव हुँदै हाल पार्टीको बरिष्ठ उपाध्यक्ष समेत छिन ।

भावि योजना

मेयर भएपछि उम्मेदवार ऋतुले नगर व्यवस्थित, सरसफाई, पर्यटकिय क्षेत्र, महिलाको लागि आत्म निर्भर हुने रोजगार, सिममा सुरक्षा सतर्कता बढाउने, आयात निर्यातमा विभिन्न खालको समस्या हटाएर व्यवसायीहरुको हितको काम गर्ने जस्ता विकासे योजना रहेको समेत उनले बताइन् । नेपालगन्ज सम्म प्रत्यक्ष सम्वन्ध जोड्नका लागि पहल गर्ने, धर्मशाला मठ मन्दिरहरुलाई आधुनिकि करण गर्ने मदरसा, स्कुलहरुमा गुणस्तरिय शिक्षा लागु गर्ने, फोहर व्यवस्थापन, ढल निकास, रिङरोड बनाउने, राँझा विमान स्थललाई अन्तरराष्ट्रिय विमान स्थल बनाउने, महिलाहरुको स्वास्थ्य सम्वन्धी परामर्श सेवा छुट्टै व्यवस्था गर्ने लगायतका कार्य गर्ने  उनको योजना रहेको छ ।

मिसबाहुल हक अन्सारी
उप मेयर पदका उम्मेदवार
नेपालगन्ज उपमहानगरपालिका
फोरम लोकतान्त्रिक

नेपालगन्ज उपमहानगर पालिकाको उप मेयरमा मुस्लिम समुदाय बाट एक्ला उम्मेदवार भिड्ने भएका छन् । मुस्लिम समुदायको बाहुल्यता रहेको  नेपालगन्जमा उप मेयरमा फोरम लोकतान्त्रिक  बाट मिसबाहुल हक अन्सारी लड्ने भएका हुन् । २०५७ सालमा पहिलो पटक नेपालगन्जमा मिनिरल वाटर पानि भित्राएर चर्चा कमाएका उप मेयर पदका उम्मेदवारी अन्सारी पद अनुसार जिम्मेवारी निभाउन जहिले पनि संक्षम रहने हुँदा मुस्लि समुदायले मात्रै नभइकन सबैले भोट दिनु पर्ने धारणा राखे ।  लामो समय देखि नेपालगन्जमा पानीको व्यापार गर्दै आएका अन्सारी नेपालगन्ज उद्योग वाणिज्य संघको सल्लाहाकार समेत भइसकेका छन् । नेपालगन्जको पुरानो बासिन्दा र सक्षम व्यक्ति भएकोले सबै सहयोग गर्नेमा आफु आशावादी रहेको समेत अन्सारीले जानकारी दिए ।

भावि योजना

आफु मेयर भएपछि प्रत्येक वडा वडामा फ्रि वाईफाई बाँड्ने, निशुल्क स्वास्थ्य जाँचका लागि स्मार्ट कार्ड वितरण गर्ने, पर्यटकिय क्षेत्र विकासको लागि गौतम बुद्ध जन्मेको लुम्वीनी देखि नेपालगन्ज सम्म प्रत्यक्ष सम्वन्ध जोड्नका लागि पहल गर्ने, धर्मशाला मठ मन्दिरहरुलाई आधुनिकि करण गर्ने मदरसा, स्कुलहरुमा गुणस्तरिय शिक्षा लागु गर्ने, फोहर व्यवस्थापन, ढल निकास, रिङरोड बनाउने, राँझा विमान स्थललाई अन्तरराष्ट्रिय विमान स्थल बनाउने, महिलाहरुको स्वास्थ्य सम्वन्धी परामर्श सेवा छुट्टै व्यवस्था गर्ने लगायतका कार्य गर्ने  उनको योजना रहेको छ । रोजगार, सिममा सुरक्षा सतर्कता बढाउने, आयात निर्यातमा विभिन्न खालको समस्या हटाएर व्यवसायीहरुको हितको काम गर्ने जस्ता उनको योजना रहेको छ । 

जुन महिना लागेसँगै काठमाडौंमा गर्मी

जुन महिना लागेसँगै काठमाडौंमा गर्मी बढेको छ । पश्चिम तराईमा पनि गर्मी बढेको छ ।

मौसमविद् राजु प्रधानाङ्गका अनुसार पछिल्लो दुई दिनमा काठमाडौंको तापक्रम ३२ डिग्री सेल्सियस मापन भएको छ । साथै वायुमण्डलमा ‘हृयूमिडिटी’ बढेका कारण रातमा पनि गर्मी महसुस हुने गरेको छ ।

जल तथा मौसम विज्ञान विभागका अनुसार शनिबार र आइतबार काठमाडौंको तापक्रम ३२ डिग्री सेल्सियस मापन छ । यो काठमाडौंमा वर्षकै उच्च तापक्रम भएको मौसमविद प्रधानाङ्गगले बताए । अघिल्लो महिनामा काठमाडौंको तापक्रम ३१.६ डिग्री सेल्सियससम्म पुगेको थियो ।

पश्चिम तराईमा पनि गर्मी बढेको छ । धनगढीको तापक्रम ४१.४ डिग्री सेल्सियम मापन भएको छ ।

मौसम विभाग विभागका अनुसार पछिल्लो चार दिन तापक्रम ४० डिग्री सेल्सियमबाट उकालो लागेको छ । जबकी अघिल्लो महिना धनगढीको तापक्रम जम्मा ५ दिनमात्र ४० डिग्री सेल्सियम कटेको थियो ।

नेपालगञ्जमा भने मेमा ४२ सम्म पुगेको तापक्रम जुन महिनामा ४०.६ डिग्री सेल्सियसमा झरेको छ । त्यहाँ अघिल्लो महिना ८ दिन तापक्रम ४० डिग्री सेल्सियमबाट उकालो लागेको देखिएको छ ।

नगरको सुन्दरता बढाउन आश्रमले रोप्यो फुलका बिरुवा

मानव धर्मका क्षेत्रमा विभिन्न कार्यक्रमहरु गर्दै आएको नेपाल मानव धर्म सेवा समितिले आज नेपालगन्जको कारकाँदोमा विभिन्न जातका फुलको विरुवा रोपेको छ । नेपाल मानव धर्म सेवा समाज भेरी अन्चल आश्रमले विश्व वातावरण दिवसको अवसरमा विभिन्न जातका फुलका बिरुवा रोपेको नेपाल मानव धर्म सेवा समाज बाँकेका सचिव तेज नारायण कंडेलले जानकारी दिए ।  भेरी अंचल प्रभारी महात्मा नन्दनि बाइजीको विशेष उपस्थितिमा फुलका बिरुवा रोप्ने काम भएको हो । हरियो बन नेपालको धन भन्ने मुल नाराका साथ मनाउन लागिएको विश्व वातावरण दिवसको अवसरमा फुल लगाएर शहरको सुन्दरता बढाउन खोजिएको समेत सचिव कंडेलले जानकारी दिए । यस अघि आश्रमले रक्तदान, फलफुल वितरण, सरसफाई लगायतका समाजिक हितमा विभिन्न कार्य गर्दै आएको छ ।