पुर्व कम्लहरीका लागि नास्ता पसलको तालिम

कम्लहरी जीवन बाट उद्दार गरिएका ४० जना पुर्व कम्लहरीहरुलाई आत्मनिर्भर बनाने २० दिने तालिम दिइएको छ । नेपाल युथ फाउण्डेशनको आर्थिक सहयोग र मुक्त कम्लहरी विकास मन्चको साझेदारीमा ४० जना पुर्व कम्लहरीहरुलाई नास्ता पसल गर्ने उद्देश्यले तालिम दिइएको मुक्त कम्लहरी विकास मन्चकि अध्यक्ष सिता थारुले जानकारी दिइन् । अध्यक्ष थारुका अनुसार उनीहरुले गाउँमा गएर आत्म निर्भर भएर काम गर्नेछन् ।

कमिलाल भन्छन् घरबनेपछि मात्र छोरीहरुको अन्तिम संस्कार

गत २७ गतेको बाढिका कारण घर भत्केर तीन छोरी गुमाएका कमिलाल थारु यतिबेला सबैको सहयोगमा घर बनाउन सुरु गरेका छन् । घर बनेपछि मात्रै कमिलाल छोरीहरुको अन्तिम संस्कार गर्नेछन् ।  थारु प्रचलन अनुसार स्थायी घर नहुँदा सम्म अन्तिम संस्कार गर्न मिल्दैन । कमिलालले राप्ती सोनारी साप्ताहिक पत्रिका संग कुराकानी गर्दै भने गाउँभरिका सबैलाई सहयोगमा बोलाएको छुँ, घर बनेपछि मात्रै छोरीहरुको अन्तिम संस्कार गर्छु । कमिलालको ३ वटा छोरीहरु च्यापिएर मृत्यु भएपछि अहिले सन्तान बिहिन भएका छन् ।

 कमिलालका घर बनाउन यतिबेला गाउँभरिका मानिसहरु लागेका छन् । कमिलालको घर बनाउन सहयोग गरिरहेका खुशिराम थारु भन्छन् नदिले बगाएको काठ ल्याएर घर बनाइदिदै छौं, उनी गत  भाद्र १५ गते भने आज चार दिन भयो ।  खुशिरामले भने गाउँभरि समस्या त छ, तर कमिलालको झन ठुलो समस्या छ । यता लालपुरकौ सबै स्थानमा नेपाली सेनाले अस्थायी त्रिपालको घर बनाइदिएको छ ।

सहकारीद्धारा जनप्रनिधिलाई बधाई तथा सम्मान

समृद्ध बचत तथा ऋण सहकारी संस्था लिमिटेड भवनियापुरले राप्ती सोनारी गाउँ पालिकाको नव निर्वाचित प्रतिनिधिहरुलाई बधाई तथा सम्मान दिएको छ । आज बिहान एक कार्यक्रममको आयोजना गरेर नव निर्वाचित प्रतिनिधिलाई बधाई तथा सम्मान सम्मान दिएको सहकारीका कार्यकारी प्रमुख सन्तोष थारुले जानकारी दिए । सम्मान कार्यक्रममा बोल्ने जन प्रतिनिधिहरुले सुगम जिल्लाको दुर्गम क्षेत्र राप्ती सोनारीमा बैंकको पहुँच नभएको अवस्थामा स्थानीयलाई सहकारीले सजिलै वित्तिय कारोबारमा सहयोग गरेकोमा प्रंशसा गरे । कार्यक्रममा बोल्दै राप्ती सोनारी गाउँपालिकाका अध्यक्ष लाहुराम थारुले सहकारीले खेलेको भूमिका सराहनिय रहेको भन्दै आगामी दिनमा नागरिकलाई सहज ढंगबाट रकम जम्मा, ऋण उपलब्ध लगायत सेवाका लागि सहकारीलाई सक्दो सहयोग गर्ने जनाए । 

मानवता हाराएको छैन् ः साथीको ज्यान बचाउन पढाई छाडि चन्दा संकलनमा

नेपालगन्जमा एक कलेजका विद्यार्थीहरुले साथीको ज्यान बचाउन यतिबेला बजार बजारमा सबै संग सहयोग मागिरहेका छन् । नेपालगगन्ज कलेज अफ इन्जीनेरिगं एण्ड म्यानेजमेन्ट  दोस्रो बर्ष चौथौ सेमस्टरमा अध्यनरत नेपालगन्ज गणेशपुर घर भएका कबिराज गैरेको ज्यान बचाउन उनका साथि चन्दा संकलन गरिरहेका हुन् । गैरैको दुवइवटै किड्नी फेल, छ, भारतमा उपचार गराउदा २२ देखि २५ लाख लाग्ने भएपछि विद्यार्थीहरुको साथीको ज्यान बचाउन अभियान चलाएका हुन् । आर्थिक संकलन गरिरहेका मनु रोकायाले भने, साथी भनेको दुखमा काम लाग्नुपर्छ, अरु एका बिहानै कलेज जान्छन, तर हामी बजार बजार साथीको ज्यान बचाउन हार गुहार गरिरहेका छौ् । उनका अनुसार अहिले सम्म १ लाख बढि रकम उठेको छ, अझै धेरै आवश्यकता छ, सबैले सहयोग गर्नुपर्दछ । प्रभु बैंक खाता न  ः ००७०१०००९१९९०४०००००१ मा सहयोग गरि साथीको ज्यान बचाउन उनीहरुले आग्रह गरेका छन् ।

मानव धर्म सेवा समितिको स्मारिका सबैका लागि मार्गदर्शन

नेपाल मानव धर्म सेवा समितिले ५० औँ बर्षगाँठको अवसरमा निकालेको स्मारिकाले धार्मिक र समाजिक क्षेत्रमा निकै टेवा पुग्ने बताइएको छ । मानव धर्म समितिले  प्रकाशित गरेको स्वर्ण स्मारिकामा सबै जातजातिको धर्म संस्कृतिलाई सम्मान गर्ने, सद्भाव एकता कायम गर्ने तथा समाजिक क्षेत्रमा मानव जातिलाई प्रेरित गर्ने खालको लेखहरु समावेश गरिएको छ । नेपाल मानव धर्म सेवा समिति भेरी अंचल सदस्य तेज नारायण कंडेलबाट नेपालगन्ज मेडिकल कलेजका प्रमुख डा. सुरेश कनोडियाले स्मारिक ग्रहरण गर्दै सबैको मार्गदर्शनको रुपमा यो स्मारिका रहेको प्रतिकृया दिए । ५० बर्षमा देशभरी ६५ वटा शाखा विस्तार गरेको नेपाल मानव धर्म सेवा समितिका केन्द्रिय अध्यक्ष ठाकुर प्रसाद पौडेल, केन्द्रिय प्रभारी चमेली वाइजी, भेरी अंचाल प्रभारी नन्दनी बाइजी भेरी अंचल अध्यक्ष इन्द्रलाल कंडेललको यस संस्थालाई अगाडी बढाउन ठुलो हात रहेको छ । रक्तदान, सरसफाई, शिक्षा अभियान, लगायतका समाजमा थुप्रै कार्य यस संस्थाले गर्दै आएको छ ।

सहकारीद्धारा बार्षिक उत्सवको अवसरमा बृद्धबृद्धालाई सेवा

गुरुकुल बचत तथा ऋण सहकारी संस्था लिमिटेड नेपालगन्जले आठौं बार्षिक उत्सवको अवसरमा बृद्ध बृद्धाहरुलाई समाग्री वितरण तथा सामुहिक भोजन खुवाएको छ । सहकारी क्षेत्रबाट समय, समयमा समाजिक कार्य गर्दै आएको सहकारीले आफ्नौ आठौं बार्षिक उत्सवको अवसरमा  बृद्ध बृद्धाहरुलाई समाग्री वितरण तथा सामुहिक भोजन खुवाएको हो । सहकारीका म्यानेजर टिकाराम थारुका अनुसार निल सागर बृद्धआश्रम फुलटेक्रमा रहेका बृद्ध बृद्धाहरुलाई समाग्रि वितरण संगै सामुहिक भोजन गराइएको हो । नेपालगन्जमा रहेका सहकारीहरु भन्दा राम्रो कार्य गरिरहेको सहकारीले जनताको मन जित्न विभिन्न अफरहरु ल्याएको समेत म्यानेजर थारुले जनाए ।

बाख्रा पालनका लागि घाँस रोपाई

व्यवसायिक रुपमा बाख्रा पालनलाई बढवा दिनको लागि महिलाहरुले सामुहिक रुपमा घाँस रोप्ने काम गरेका छन् । हेफरको आर्थिक सहयोग, जिल्ला सहकारी संस्थाको समन्वयमा शनिबार बाँकेका विभिन्न समुहमा आवद्ध महिलाहरुले खालि जग्गाहरुमा बाख्रा पालनलाई सहायता पुग्ने भन्दै सामुहिक रुपमा विभिन्न उन्नत जातका घाँस रोपिएको हो । हेफरको आर्थिक सहयोग, जिल्ला सहकारी संस्थाको समन्वयमा घाँस खेति प्रवद्धन गर्ने उद्देश्यले घाँस लगाउने, उपाहार दिने तथा रुखको बिरुवा रोप्ने कार्य गरिएको जिल्ला सहकारी संघका व्यवसाय प्रवन्धक कृष्ण केसीले जानकारी दिए । प्रवन्धक केसीका अनुसार बर्षमा १० अर्ब रुपैयाँ बराबरको ६लाख खशि बाख्रा भारत बाट भित्रिने भएकोले नेपालमै कृषकहरुलाई व्यवसायीक रुपमा आत्मनिर्भर बनाएर ३३ प्रतिशत आयात घटाउने अभियान थालिएको जनाए । हेफरले जिल्लाका विभिन्न गाउँ गाउँमा सन्चालन गरेकोमा हाल सम्म ११ हजार ५ सय कृषकले व्यवसायिक रुपमा बाख्रापालन गर्दै आएका छन् । प्रबन्धक केसीले भने महिला दिदि बहिनीहरुलाई वित्तिय कारोबारमा गाह्रो छ, विभिन्न वैंक संग कारोबार गर्दा महंगो ब्याज पर्ने भएकोले सहज बातावरणका लागि सबैले पहल गर्नुपर्ने जनाए । त्यस संगै जिल्लाका विभिन्न महिला समुहहरुमा सचेतिकरण अभियान, बृक्षारोपन लगायतका विभिन्न विकास मुलक कार्यक्रम गर्दै आएका छ

सुन्दरताको लागि इलाका प्रहरी कार्यालय द्धरा बृक्षारोपन

विभिन्न समयमा समाजिक कार्यमा हात हाल्दै आएको इलाका प्रहरी कार्यालय धामपुरले फेरी अर्को समाजिक कार्य गरेको छ ।
इलाका प्रहरी कार्यालय धामपुरको सुन्दरता बढाउन त्यहाँको प्रहरीले बृक्षारोपन गरेको हो । शान्ति तथा पुर्ननिर्माण मन्त्रालयले धामपुर बाँकेमा सुविधा सम्पन्न भवन  बनाइदिएपछि त्यसको थप सुन्दरता बढाउन त्यहाँका प्रहरीले बृक्षारोपन गरेका हुन् । इलाका प्रहरी कार्यालय धामपुरको प्रहरी प्रमुख प्रहरी नायव निरिक्षक देवीलाल घर्तिमगरको नेतृत्वमा १ सय ५ जातको उन्नत जातका रुखका बिरुवा रोपिएको हो । सुगम जिल्लाको दुर्गम क्षेत्र मानिने राप्ती सोनारी ४ धामपुरमा रहेको सुविधा सम्पन्न इलाका प्रहरी कार्यालयको भवन वरिपरि त्यहाँको बन कार्यालयको सहयोगमा बोकाइनो, अमला सार्जन,लगायत ५ जातका गरि १ सय ५ जातका रुखका बिरुवा रोपिएको इलाका प्रहरी कार्यालय धामपुरका प्रहरी सहायक निरिक्षक आत्माराम शर्माले जानकारी दिए । 

गुरुको महत्वबारे मानव धर्म सेवा समितिले कार्यक्रम गर्दै

गुरु पुर्णिमाको अवसरमा नेपाल मानव धर्म सेवा समिति भेरी अन्चल आश्रम नेपालगन्जले गुरुको महत्वबारे भव्य कार्यक्रम गर्ने भएको छ । नेपाल मानव धर्म सेवा समिति भेरी अन्चल सदस्य तेजनारायण कंडेलका अनुसार नेपालगन्ज लगायत देशभरी विभिन्न कार्यक्रम गरि मनाइने भएको हो । सदस्य कंडेलले आज दिउसो १ बजेबाट हुने कार्यक्रममा नेपालगन्ज उपमहानगरपालिका नव निर्वाचित मेयर डा. धवल शम्शेर राणा, उपमेयर उमा थापामगर, नेपाल उद्योग वाणिज्य महासंघका केन्द्रिय सदस्य कृष्ण प्रसाद श्रेष्ठ, नेपालगन्ज उद्योग वाणिज्य संघका अध्यक्ष नन्दलाल वैश्य, नेपाल रेडक्र सोसाइटीका उपेन्द्र रेग्मी, वडा न ः १८का निर्वाचित अध्यक्ष दिपक बर्मा लगायको उपस्थिति रहने छ । कार्यक्रममा भजन कृतन, नाचगान लगायत गुरुको महत्व झल्कने विभिन्न कार्यक्रम गरि गुरु पुर्णिमा मनाउने कार्यक्रम रहेको समेत कंडेलले जनाए । उनले कार्यक्रममा पत्रकारहरुलाई पनि उपस्थितिका लागि अनुरोध गरेका छन् । कार्यक्रममा भेरी अन्चल प्रभारी महात्मा नन्दनी बाइजी भेरी अंचल अध्यक्ष इन्द्रलाल कंडेलले कार्यक्रममा विशेष भूमिका खेल्ने भएका छन् ।

नव निर्वाचित अध्यक्षले थारुले भने अब बाढीबाट धनजनको क्षति हुदैन्

राप्ती सोनारी गाउँपालिकाको नव निर्वाचित अध्यक्ष लाहुराम थारुले बाढीका धनजनको क्षति हुन नदिन अभियान थाल्ने भएका छन् । बर्षौदेखि राप्ती नदीमा आउने बाढीका कारण राप्ती सोनारी गाउँपालिकाका विभिन्न वडाहरुमा ठुलो धनजनको क्षति हुने गरेको छ । निर्वाचित भएपछि पदवहाली गरेसंगै पहिलो बैठकबाट अबदेखि बाढीबाट कोहीपनि विस्थापित हुन नपर्ने अभियान थाल्ने जनाएका छन् । स्थानीय प्रहरी प्रशासन तथा ठाउँ ठाउँमा बनेको उद्दार टोली संग छलफल गरेर बाढिबाट हुन सक्ने जोखिम अन्त्यका लागि तत्काल पहल थाल्ने भएका हुन् । साविकको फत्तेपुर गाविसलाई लक्षित गरि तयारी थाल्ने जनाए । 

खरेलको मतले धवल सम्शेर राणालाई धक्का पुग्छ

नेपालगन्ज उपमहानगरपालिकामा दुई पार्टीका साझा उम्मेदवार कृष्ण प्रसाद खरेल अटो रिक्सा चढेर जनताका घरदैलोमा पुगेर भोट माग्ने कार्य जारी राखेका छन् । चुनाव आउन अबब केहिदिन मात्रै बाँकी रहदा उनले घरदैलो लाई तिव्रता दिएका हुन् ।
 एकीकृत राप्रपा पार्टी राष्ट्वादी र राष्ट्यि जनमुक्ति पार्टीको संयुक्तरुपमा चुनाव चिन्ह घर लिएर उम्मेदवार भएका खरेल दलबल सहित जनताका घरघरमा पुगेर नेपालगन्जको विकासक अभियानमा आफुलाई सहयोग गर्न आग्रह गरिरहेका छन् । पार्टीका केन्द्रिय सदस्य तेज नारायण कंडेल सहित समर्थक नेता कार्यकर्ताको हुल लिएर खरेल नगरको हरेक वडामा पुगिरहेका छन् । २७ बर्षदेखि नेपालगन्जमा राजनितीबाट जनताको सेवा गर्दै आएका मेयर पदका उम्मेदवार खरेलको बजार क्षेत्र भन्दा गाउँतिर राम्रो भएको केन्द्रिय सदस्य कंडेलको दावी छ । गाउँ गाउँमा जहाँ बाटोको समस्या छ, ढल निकास छैन् त्यहाँ खरेल राजनीति गरिरहदा जनताको सेवा गरेकोले गाउँ गाउँका मानिसहरुका विश्वासिलो पात्र बनेको कंडेलको विश्वास छ । पछिल्लो समय कमल थापाको पार्टीले हिन्दु धर्म, संवैधानिक राजतन्त्रको माग लगायतका एजेण्डा छोड्दै गएकोले आफुहरु डा. लोहनीको नेतृत्वमा जिल्लामा संघर्ष गरिरहेको समेत कंडेलले जनाए । आफुहरुको मेयर पदमा जीत नभएपनि राप्रपाका धवल सम्शेर राणालाई हराउनका लागि मद्दत पुग्ने सम्मान जनक मत ल्याउने कंडेलको बुझाई  छ । नयाँ पार्टी दर्ता भएकोले अरुको चुनाव चिन्ह लिएर मैदानमा उत्रिनु पर्ने बाध्यता रहेको जनाउदै केन्द्रीय सदस्य कंडेलले भने हरेक नेपाली जनता अहिले हलो चिन्ह खोजिरहेको छ ।
यो देशमा जनताको पुर्ण अधिकार सहितको हिन्दु राष्ट् र संवैधानिक राजतन्त्र स्थापना गरेर छाड्ने विश्वास व्यक्त गरे । दोस्रो चरणको निर्वाचनबाट पनि राप्रपाको कन्त विजोग हुन्छ, त्यसपछि सबै हाम्रो पार्टीमा प्रवेश गर्छन, त्यो दिन अब धेरै छैन्, कंडेलले भने ।

मेरो जीत समृद्धि र विकासको लागि ः चौलागाई

नेपालगन्ज उपमहानगरपालिका वडा नं. १८ को वडा अध्यक्षको उम्मेद्वार पदका साझा उम्मेद्वार भेषराज चौलागाई (राजन)ले उम्मेद्वारी दिनुभएको छ । 

वडा नं. १८ का स्थानियवासी चौलागाई आज घरदैलो कार्यक्रमलाई तिव्रता दिनुभएको छ । चुनाव चिन्ह घर रहेको चौलागाईको वडा नं. १८ लाई विकास गर्न १९ बुंदे प्रतिवद्धता पत्र जायर गर्नुभएको छ । वडा नं. १८ कारकादोमा घरदैलो कार्यक्रम गर्दै जनता सामु चौलागाईले अध्यक्षमा जिते विभिन्न विकास निर्माणका कामलाई बढावा दिने बताउनुभयो । वडा नं. १८ लाई भ्रष्टाचारमुक्त बनाउन मन, बचन र कर्मले लागि पर्ने प्रतिवद्धता व्यक्त गर्नुभयो । जनतासंग प्रत्यक्ष सरोकार राख्ने विषयमा समेत जनसहभागितामा जोड दिने उहाँले बताउनुभयो । जेष्ठ नागरिकको लागि सामाजिक सुरक्षाका लागि दिर्घकालिन नितिनिर्माणको लागि सक्दो पहल गर्ने उहाँले बताउनुभयो । कारकादोको चोकमा स्थानिय पैदल यात्रुलाई आवतजावतमा समस्या भएको हुनाले आकाशे पुल निर्माणमा पहल गर्ने अध्यक्षका उम्मेद्वार चौलागाईले बताउनुभयो ।

वडा नं. १८ का भित्री सडकहरुलाई क्रमिक रुपमा बजेट व्यवस्थापन गरि कालोपत्रे गर्ने गराउने कार्यमा नगरसंग सम्मन्वय गर्ने र स्थानिय जनसहभागितालाई प्रोत्साहन गर्ने चौलागाईले बताउनुभयो । स्कुलको भौतिक विकास र स्तरोन्नती गर्ने कार्यका लागि स्थानिय तहमा सम्मन्वय र सम्पर्क गर्ने प्रतिवद्धता गर्नुभयो । घरदैलोमा आफ्नो पकड रहेको बताउदै स्थानियले साथ दिनु आश रहेको बताउनुभयो । वडा नं. १८ का विकास निर्माणका लागि वडा नं. १८का वासिन्दाले मलाई भरपुर साथ सहयोग दिने चौलागाईले बताउनुभयो । चौलागाईले घर चिन्हमा मतदान गरि अध्याधिक बहुमतले जिताउन आग्रह समेत गर्नुभयो । 

अटोवाला मेयर ः खरेल,

निर्वाचनमा भन्दा जनताको विकासमा खर्च गर्ने भनाई

नेपालगन्ज उपमहानगरपालिकामा  धनाद्य मेयरहरुको लडाई चलिरहेको बेला दुई पार्टीका साझा उम्मेदवार कृष्ण प्रसाद खरेल अटो रिक्सा चढेर जनताका घरदैलोमा पुगिरहेका छन् । हरेक पार्टीका मेयरका उम्मेदवारहरु लाखौं रुपैयाँ खर्च गरेर दर्जनौ गाडीको लस्कर लगाएर जनताको घरदैलोमा पुगिरहेका बेला खरेल अटोमा पुग्ने गरेका हुन् । एकीकृत राप्रपा पार्टी राष्ट्वादी र राष्ट्यि जनमुक्ति पार्टीको संयुक्तरुपमा चुनाव चिन्ह घर लिएर उम्मेदवार भएका खरेल अनावश्यक खर्च, गरेर जनताको मन लोभ्याउने पक्षमा छैनन् । अटोमा भोट माग्न जनताको घरघरमा पुग्दा उनका समर्थक कार्यकर्ताहरुको पनि संख्या उत्तिकै हुने गरेको छ । बिहीबार  जैसपुरमा घरदैलो गर्दै पुगेका  खरेलले भने चुनावमा भन्दा जनताको विकासमा खर्च गर्ने राम्रो नेता चुनेर पठाउनुस् । निर्वाचन भरि कमै खर्च गरेर भोट आफ्नो पक्षमा पार्ने पक्षमा खरेलल छन् ।  खरेलले जयसपुर संगै नगरको मनिकापुर,  कारकाँदो , पिप्रहवा लगायतका स्थानमा पनि बिहीबार घरदैलो सम्पन्न गरेका हुन् ।
ए राप्रपा पार्टी राष्ट्वादीका केन्द्रिय सदस्य तेज नारायण कंडेलका अनुसार पछिल्लो समय खरेलको पक्षमा राम्रो माहोल बन्दै गएको छ ।

खरेलको घरदैलो उत्साह जनक

सबैका साझा उम्मेदवार कृष्ण प्रसाद खरेलले चुनावी अभियानलाई तिव्रता दिएका छन् । चुनाव चिन्ह घर लिएर नेपालगन्ज उपमहानगरपालिकाको मेयर पदमा उठेका खरेलले घर दैलो कोणसभा जस्ता चुनावी कार्यक्रमलाई तिव्रता दिएका हुन् । ए राप्रपा पार्टी राष्ट्वादीका केन्द्रिय सदस्य तेज नारायण कंडेलका अनुसार दलबल सहित खरेलले आज नगरको वडा न ः ९ मा घरदैलो कार्यक्रम सम्पन्न गरेका हुन् । घरदैलो गर्दा सबैले सहयोग गर्ने र जनतामा आफु प्रति आशा भरोसा रहेको मेयर पदका उम्मेदवार खरेलले बताए ।

नेपालगञ्जमा पढाई उत्सव तथा शैक्षिक प्रदर्शनी मेलाको आयोजना

नेपालगञ्ज, असार ७ गते ,

 कक्षा १ देखि ५ सम्मका बालबालिकाहरुको पढाई शिप विकासका साथै उनिहरुलाई पढाईतर्फ आकर्षित गराउने उदेश्यले नेपालगञ्जमा पढाई उत्सव तथा शैक्षिक प्रदर्शनी मेलाको आयोजना गरिएको छ ।
जिल्ला शिक्षा कार्यालयको समन्वयमा मंगल प्रसाद श्रोत केन्द्रको आयोजनामा बुधवार संचालन गरिएको सो पढाई उत्सव तथा शैक्षिक प्रदर्शनी मेलाको उद्घाटन गर्दै जिल्ला शिक्षा कार्यालय बाँकेका बिद्यालय निरिक्षक उद्धव श्रेष्ठले कक्षा १ देखि ५ सम्मका बालबालिकाको पढाई शिप बढाउनका लागि यस्ता उत्सवहरु निकै फलदायी हुने बताउनु भयो ।
उहाँले बिभिन्न बिद्यालयका बिद्यार्थीहरुले बनाएका शैक्षिक सामाग्रीको प्रदर्शनीले अन्य बिद्यालयका बिद्यार्थीहरुको पठन शिपमा टेवा पुर्याउने बताउनु भयो ।
सो अवसरमा बोल्दै प्रारम्भिक कक्षा पढाई कार्यक्रमका क्षेत्रीय संयोजक बखत भण्डारीले कक्षा १ देखि ३ सम्मका बालबालिकाको पढाई शिप निकै कमजोर भएकै कारण नेपाल सरकारले प्रारम्भिक कक्षा पढाई कार्यक्रम शुरु गरेको जनाउँदै सो कार्यक्रमबाट पढाई शिपमा सुधार हुने बिश्वास ब्यक्त गर्नु भयो ।
पढाईको जग बलियो बनाउन शुरु कक्षामै बढी मिहिनेत र परिश्रम गर्नु पर्नेमा समेत जोड दिंदै उहाँले यस्ता शैक्षिक प्रदर्शनीले बिद्यार्थि र शिक्षक दुबैमा उत्साह थप्ने बताउनु भयो ।
आधारभूत बिद्यालय सल्यानी बागका बिद्यालय ब्यबस्थापन समितिका अध्यक्ष रेणु शेरचनको सभापतित्वमा भएको पढाई उत्सव तथा शैक्षिक प्रदर्शनी मेलाको उद्घाटन कार्यक्रममा नेपाल पत्रकार महासंघ बाँकेका निवर्तमान सभापति रुद्र सुवेदी, मंगल प्रसाद श्रोतकेन्द्रका श्रोत ब्यक्ति केशव पौडेल लगायतले बालबालिकाको पढाई शिप बढाउन बिशेष ध्यान दिनु पर्नेमा जोड दिनु भएको थियो ।
सो श्रोत केन्द्र अन्तर्गतका १९ र प्रारम्भिक कक्षा पढाई कार्यक्रमका ४ गरी २३ वटा बिद्यालयले सहभागिता जनाएको सो मेलामा बालबालिकाले बनाएका बिभिन्न शैक्षिक सामाग्रीहरु राखिएका थिए ।
सो प्रदर्शनीमा तिर्खा प्रावि राधापुरले प्रथम स्थान प्राप्त गरेको थियो भने आधारभूत बिद्यालय घरबारी टोलले दोस्रो तथा आधारभूत बिद्यालय सल्यानी बागले तेस्रो स्थान प्राप्त गरेको थियो ।
सोही अवसरमा शब्द लेखन र चित्रकला प्रतियोगिताको पनि आयोजना गरिएको थियो ।
उक्त उत्सव तथा शैक्षिक प्रदर्शनी अवलोकनबाट बिद्यार्थीहरु निकै उत्साहित भएको र उनिहरुको पढाई प्रति रुचि समेत बृद्धि भएको पाईएको बाँके युनेस्को क्लबका कार्यक्रम अधिकृत आशिष बर्माले बताउनु भयो ।
सो उत्सव तथा शैक्षिक प्रदर्शनी मेलाको आयोजनामा सेभ द चिल्ड्रेन, बाँके युनेस्को क्बल तथा एसडीएफ बाँकेले सहयोग गरेका थिए ।
पmोटो क्याप्सन
पढाई उत्सव तथा शैक्षिक प्रदर्शनी मेलाका तस्विरहरु

को हुन फुलाराम

भ्रमात्मक प्रचार 
बाँकेको कोहलपुर ७ मा जन्मिएर आफ्नो गतीलाई अगाडी बढाएका फुलाराम थारु छोटो उमेरमा धेरै समाजिक कार्य गरेर सबैमा समाज सेवाको रुपमा परिचित छन् । विद्यार्थी जीवन जतिबेला २०५३ सालमा सपतरी जिल्ला बाट नेवी संघको सदस्य बाट राजनीतिक जीवन सुरुवात गरेका थिए । क्रमश राजनीतिमा सक्रिय हुँदै २०५६ सालमा काठमाण्डौको त्रिचन्द क्याम्पसको निवौचित सदस्य समेत भए । २०६५ सालको मधेश आन्दोलन विजय कुमार गच्छेदारहरुले सुरु गरेपछि त्यस आन्दोलन सफल पार्न फुलाराम थारु सक्रिय भएर लागि परे । त्यति बेला मधेशी जनअधिकार फोरम पार्टीबाट सक्रिय राजनीति गर्दै विजय गच्छेदार नजीक भएकोले २०६६ सालमा नयाँ पार्टी खोलेपछि गच्छेदारको पार्टी मधेशरी जनअधिकार फोरम लोकतान्त्रिक पार्टीमा बाँके जिल्लाको बरिष्ठ उपाध्यक्ष भएर जिल्लाको सक्रिय राजनीति सुरु गरे । जिल्लाको बरिष्ठ उपाध्यक्षको पदमा रहिरहदा विद्यार्थीको केन्द्रिय अध्यक्ष समेत भए । हाल पार्टीको बाँके जिल्ला अध्यक्ष भएर जिल्लाको कुशल राजनेताको रुपमा परिचित छन् । त्यतिमात्रै कहाँहोर फुलाराम थारु २०६४ सालको संविधानसभाको निर्वाचन र २०७० को निर्वाचनमा पनि बाँके क्षेत्र न ः १ बाट सभाषदमा लडे र सम्मान जनक मत ल्याएका थिए । २०६७ सालमा कोहलपुर नगर विकास समितिको अध्यक्ष भएर पनि कुशलता पुर्वक जिम्मेवारी निभएका थिए ।
फुलारामले गरेका काम
फुलाराम जहिले पनि जनताको सेवकको रुपमा परिचित छन् । जनतालाई पर्ने जुनसुकै समस्यामा पनि घामपानी, दिनरात नभनिकन फुलाराम आफुले सक्ने सहयोग गर्दै आएका छन् र पो सबैको प्यारो छन् । कोहलपुर नगर विकास समितिको अध्यक्ष हुँदा नेपाल राष्ट् बैंकको जग्गा दिने निर्णय गरेका थिए । र हाल उक्त जमीनमा वैंकको भवन बनिरहेको छ । नेपाल रेडक्र सेसाइटीबाट सन्चालित भोकाअधिकार कार्यक्रमपनि उनकै अगुवाइमा सन्चालन भएको थियो । पार्टी सरकारमा रहदा जहिले पनि डुबान बाट ठुलो धनजनको क्षति व्यहोरीरहेका राप्तीपारिका फत्तेपुर लगायतका गाविसमा ठुला तटबन्धको योजना स्वीकृत गराएका थिए । फत्तेपुरको विभिन्न बाटो निर्माण, कोहलपुरको हवल्दारपुर देखि लख्ना सम्मको बाटो, कोहलपुरको स्मार्ट सडक फुलारामकै पालामा निर्माण भएको थियो ।
कोहलपुर नगरपालिकाको मेयर पदको उम्मेदवार
नेपाल लोकतान्त्रिक फोरम
प्रतिवद्धता 
आफुले जितेपछि आफ्नो कार्य अवधीभरि प्रशसा लाएकको विकासमूखि जनता मुखि कार्य गर्ने उनले जनाए । अहिले पनि शिक्षा स्वास्थ्य, रोजगारको समस्या छ, त्यसको समस्या समाधान गर्छु । कोहलपुरलाई देशकै नमुना बजार बनाउने योजना रहेको उनले बताए ।

भ्रमात्मक प्रचार
पछिल्लो समय आफ्नो जीत सुनिश्चित हुँदै गएपछि अन्य पार्टीहरुले आफ्नो बारेमा गलत हल्ला फैलाएको फुलाराम थारुले प्रष्ट पारेका छन् । फुलाराम थारु जित्यो भने पहाडीरुको दुर्दशा हुन्छ, हेर्दैन, थारुको मात्र उम्मेदवार हो, जस्ता भ्रमात्मक हल्ला चलाइएकोले त्यसको पछि नलाग्न सबैलाई आग्रह गरेका छन् । आफ्नो जीत भनेको सबैको जीत भएको भन्दै आफ्ना लागि सबै समान भएको बताएका छन् । आफुले जितेपछि सबैको लागि समग्र कोहलपुरको विकास गर्ने जनाए ।

उम्मेदवारी दर्ता गराउने समय सकियो, उत्साहपुर्वक उम्मेदवारी दर्ता भएको निर्वाचन आयोगको भनाई

विभिन्न दलका उम्मेदवारहरुले मतदान गर्ने समय सिमा सकिएको छ । नेपालगन्ज उप महानगरपालिका सहित जिल्लाका सबैजसो गाउँपालिका नगरपालिकाहरुमा उम्मेदवारहरुले मनोनयन दर्ता गराएका हुन् ।

मनोनयनमा दलहरुले शक्ति प्रदर्शन गर्ने

दोस्रो चरणको निर्वाचनका लागि भोलीहुने मतदानमा आफ्नो पक्षमा जनशक्ति प्रदर्शन गर्न उम्मेदवारहरु तयारीमा जुटेका छन् । नेपालगन्ज उपमहानगरपालिका संगै कोहलपुर नगर र सबै गाउँपालिकाहरुमा उम्मेदवारहरुले भव्य जनमानसको उपस्थितिमा मनोनयन दर्ता गराउने भएका हुन् । राप्ती सोनारी गाउँपालिकामा नेपाली काँग्रेसलेनाचगान सहितको ७ हजार बढि कार्यकर्ता उतार्ने तयारी गरेको काँग्रेसका युवा नेता सन्तोष चौधरीले जनाए । एमालेले हरेक वडाबाट ५० जना कार्यकर्ता लग्ने भएको छ । यस्तै माओवादी र अन्य साना दलले समान्य रुपमा मनोनयन दर्ता गराउने छन् ।

भोलि विहान ८ देखि दिउँसो ४ बजेसम्म उम्मेदवारी दर्ताको समय तोकिएको छ भने १४ गते मतदान हुनेछ ।


‘उम्मेदवारी मनोनयनको कार्यक्रममा उत्साहपूर्वक सहभागी हुन आयोगको तर्फबाट म पुनः राजनीतिक दलका उम्मेदवार तथा स्वतन्त्र उम्मेदवारहरुसँग हार्दिक अपील गर्दछु’ प्रमुख निर्वाचन आयुक्त अयोधीप्रसाद यादवले भनेका छन् ।

दोस्रो चरणको निर्वाचन प्रदेश १, ५ र ७ का ३५ जिल्लाका ३३४ स्थानीय तहमा हुनेछ, जसमा बिराटनगर महानगरका साथै ७ उपमहानर, १११ नगरपालिका र २१५ गाउँपालिका छन् । निर्वाचनमा ६४ लाख ३२ हजार ७६५ मतदाताले मतदानमा भाग लिने छन् र १५ हजार ३८ प्रतिनिधिहरु निर्वाचित हुने छन् ।

निर्वाचन आयोगका अन्सार ४ हजार ५८१ मतदान स्थलमा ८ हजार ३६४ मतदान केन्द्र रहने छन् । मतदान कार्यमा सुरक्षाकर्मीबाहेक ६६ हजार ९०० कर्मचारी खटिने छन् ।

आगोगले ४७ वटा संस्थाका करिब ७ हजार ८९ जना पर्यवेक्षकलाई निर्वाचन पर्यवेक्षणको अनुमति दिएको छ ।

वडा नं. १०मा बरिष्ठ पत्रकार उदयको प्रतिस्पर्धामा कोही छैन – मतदाता

नेपालगन्ज, २ असार – असार १४ गते हुन लागेको दोस्रो चरणको निर्वाचनको क्रममा नेपालगन्ज उपमहानगरपालिका वडा नं. १० मा एकीकृत राष्ट्रिय प्रजातन्त्र पार्टी राष्ट्रवादी र नेपाल लोकतान्त्रिक फोरमको साझा वडा अध्यक्षका उम्मेदवार एवम् बरिष्ठ पत्रकार उदय सिंह श्रेष्ठ लगायतको प्यानल अहिलेसम्म कैं नम्बर एकमा देखा परेका छन् ।
३४ वर्षदेखि जनताको लागि आवाज उठाउँदै आएका
बरिष्ठ पत्रकार उदयले वडा नं. १० मा मात्र नभई बाँके जिल्लामैं राम्रो छबी बनाएको कारण अहिले वडा बासिन्दाहरुको लागि चहिते
उम्मेदवारको रुपमा अगाडि आएको मतदाताहरुले बताएका छन् ।
वडा नं. १० को विभिन्न टोलहरुमा वडा अध्यक्ष पदका उम्मेदवार बरिष्ठ पत्रकार उदयको बासिन्दाहरुसँग आत्मिय सम्बन्ध तथा अत्यधिक संख्यामा नाता पर्ने भएको हुनाले उनलाई धेरै मतदाताहरुले रुचाएको पनि बताइएको छ ।
वडा नं. १० को शीतलनगर र सुर्खेतरोड दुई स्थानमा घर भएको कारण पनि वडा अध्यक्ष एवम् वरिष्ठ पत्रकार उदयलाई यी दुबै टोलका बासिन्दाहरुले समेत उनलाई साथ दिएको बुझिएको छ ।
गरिब देखि सामान्य र सामान्य देखि धनी मतदाताहरुबीच राम्रो सम्बन्ध भएको कारण विगतका दिनहरुमा पत्रकारिता गर्दाको बेलामा सबैको समस्यालाई आफ्नै सम्झेर लागी परी काम गराउने नाममा परिचित वडा अध्यक्ष एवम् बरिष्ठ पत्रकार उदयको अगाडि अन्य कोही उम्मेदवारले राम्रो मत ल्याउन नसक्ने खालका मतदाताहरुको भनाई रहेको पाइएको छ ।
उनले निर्वाचन जितीसके पनि आफ्नो प्रतिबद्धता अनुसार जनताको लागि काम गर्नुको साथै भ्रष्टाचार मुक्त वडा निर्माण तथा नेपालगन्ज उपमहानगरपालिकाको नमुना वडाको रुपमा विकास गर्ने बताएका छन् ।
उनले भने–‘वडा नं. १० मेरो हो । जित र हार आफ्नो ठाउँमा हो । म हिजोको दिनमा लागे, भोली पनि वडा बनाउनको लागि लागी पर्नेछु । वडाको सबै टोलहरुमा इमान्दारिताका साथ विकासको
कामलाई अघि बढाउने छु ।’

कारागारमा कैदीले आत्महत्या गरेको घटना रहस्यमय बन्दै

नेपालगन्जको कारागार भित्रै कए कैदीले आत्महत्या गरेको घटना रहस्यमय बन्दै गएको छ ।नेपालगन्ज कारागारमा पुर्पक्षका लागि थुनामा राखिएका एक कैदीले कारागार मै झुण्डिएर आत्महत्या गरेका छन् ।

 जबर्जस्ती जस्ती करणी मुद्दामा थुनामा रहेका बाँके भवानियाँपुरका २७ वर्षीय अरविन्दकुमार बर्माले  कारागारभित्रै झुण्डिएर आत्महत्या गरेका हुन कि कसैले सुनियोजित तरिकाले गराएको हो, त्यसबारे अनुसन्धान भइरहेको जिल्ला प्रहरी कार्यालय बाँकेले जनाएको छ ।

जिल्ला प्रहरी कार्यालय बाँकेका सहप्रवक्ता तथा मुद्दा फाँटका इञ्चार्ज प्रहरी निरीक्षक वीरबहादुर थापाले बिहीबार सवा पाँच बजेतिर प्लाष्टिकको डोरीले पासो लगाइ आत्महत्या गरेको र प्रहरीले घटनास्थलको मुचुल्का गरी अनुसन्धान सुरु भएको जानकारी दिएको छ ।