नगरको सुन्दरता बढाउन आश्रमले रोप्यो फुलका बिरुवा

मानव धर्मका क्षेत्रमा विभिन्न कार्यक्रमहरु गर्दै आएको नेपाल मानव धर्म सेवा समितिले आज नेपालगन्जको कारकाँदोमा विभिन्न जातका फुलको विरुवा रोपेको छ । नेपाल मानव धर्म सेवा समाज भेरी अन्चल आश्रमले विश्व वातावरण दिवसको अवसरमा विभिन्न जातका फुलका बिरुवा रोपेको नेपाल मानव धर्म सेवा समाज बाँकेका सचिव तेज नारायण कंडेलले जानकारी दिए ।  भेरी अंचल प्रभारी महात्मा नन्दनि बाइजीको विशेष उपस्थितिमा फुलका बिरुवा रोप्ने काम भएको हो । हरियो बन नेपालको धन भन्ने मुल नाराका साथ मनाउन लागिएको विश्व वातावरण दिवसको अवसरमा फुल लगाएर शहरको सुन्दरता बढाउन खोजिएको समेत सचिव कंडेलले जानकारी दिए । यस अघि आश्रमले रक्तदान, फलफुल वितरण, सरसफाई लगायतका समाजिक हितमा विभिन्न कार्य गर्दै आएको छ ।

चर्चित युवा ‘चिन्टु बर्मा फोरम लोकतान्त्रिकामा प्रवेश, वडा न. २०मा उम्मेदवार पनि

नेपालगन्ज, १९ जेठ – मनिकापुर राँझा क्षेत्रका समाज सेवी जुझारु युवा जयप्रकाश बर्मा

‘चिन्टु’ नेपाल लाकतान्त्रिक फोरम पार्टीमा प्रवेश गरेसँगै बृहत ¥यालीका साथ चुनाव चिन्ह नमस्ते पोल्टामा वडा नं. २० परेको स्थानियले बताएका छन् ।
शुक्रबार राँझा स्थित गायत्री मन्दिरमा भब्य एक
समारोहका बिचबाट युवा नेता बर्मा नेपाल लोकतान्त्रिक फोरममा प्रवेश गरेका हुन् ।
यस भन्दा अघि समाजसेवी व्यवसायी तथा आदर्श माविको अध्यक्ष समेत रहेका बर्मा पार्टीमा प्रवेश गरेसँगै वडा नं. २० मा अहिले फोरम अर्थात चुनाव चिन्ह नमस्तेमय बन्न पुगेको छ ।
नेपाल लोकतान्त्रिक फोरमले स्थानिय निर्वाचनमा मधेशी, मुस्लिम, पहाडी तथा महिलाहरुलाई अग्रिणी भूमिकामा अगाडि सारेपछि अहिले सबैको साझा पार्टी बन्न पुगेको छ ।
नेपाल लोकतान्त्रिक फोरमले आयोजना गरेको पार्टी प्रवेशमा मधेशी तर्फबाट नेता हिरालाल लोनिया, थारु समुदाय तथा पार्टी जिल्ला अध्यक्षबाट फुलाराम थारु, पहाडी समुदायबाट पार्टीै केन्द्रिय सदस्य सिद्धी महर्जन लगायत मुस्लिम समुदाय तथा उपमेयरका उम्मेदवार मिसवाहुल हक अन्सारीले वडा नं. २० का उम्मेदवार चयन भएका वर्मालाई खादा लगाई स्वागत
गरेका थिए ।

राप्ती सोनारी गाउँपालिकामा प्रमुख तीन दलका उम्मेदवारहरुको यस्तो छ, योजना,

अध्यक्षको उम्मेदवार
लाहुराम थारु,
राप्ती सोनारी गाउँपालिका
नेपाली काँग्रेस
राप्ती सोनारी गाउँ पालिकाको क्षेत्रमा सदियो देखि बस्दै आएका ५० बर्षिय  लाहुराम थारु करिव ३ दशक देखि  सक्रिय राजनीति गर्दै आएका छन् । २०४६ सालबाट नेपाली काँग्रेस पार्टीमा आवद्ध भई गाउँ इकाई कमिटी सभापति भएर २४ बर्ष सक्रिय राजनीति गरे । क्रमश राजनीतिमा आफ्नौ पाईलालाई बढाउदै लगेका इकाइ सभापति थारु ३ अवधी सम्म जिल्ला कार्य समिति सदस्य भए । नेपाली काँग्रेसको जिल्ला हुँदै क्षेत्र र केन्द्रको राजनीति संग सक्रिय रहेका सभापति थारु नेपाली काँग्रेसको बाँके जिल्ला उपसभापति  हुँदै एक कार्यकाल कार्यवाहक जिल्ला सभापति पनि भए । सभापति भए संगै २०७० सालको संविधानसभाको निर्वाचनमा समानुपति संसदको उम्मेदवार पनि भए । राप्ती  सोनारी गाउँ पालिकाको  समाज सेवी भनेर परिचित व्याकवार्ड सोसाईटी एजुकेशन बेसमा २३ बर्षदेखि नेतृत्व गरिरहेका छन् । कोषाअध्यक्ष बाट बेसमा छिरेका नेता थारु १८ बर्ष सम्म बेस बाँकेको १८ बर्ष सम्म जिल्ला अध्यक्ष भएर शिक्षा ज्योती फैलाउन ठुलो सहयोग गरे । राप्ती सोनारीको गाउँ गाउँमा प्रौढ शिक्षा संचालन गरेर सबैलाई विद्यालय जानुपर्छ भन्ने जनचेतना फैलाउने काम समेत नेता थारुले गरे । विभिन्न विद्यालयमा भौतीक संरचना निर्माण, गरिव असाहय बालबालिकालाई सहयोग लगायत शिक्षा क्षेत्रमा धेरै लगानी गरेर संस्था मार्फत सघाएका छन् । नेपाल सरकारको अभियान भन्दा पहिलेनै खुल्ला दिसामुक्त अभियान चलाएर वातावरण स्वच्छ राख्न सहयोग गरेका थिए । जो राप्ती सोनारी गाउँपालिकाको बैजापुर र बिनौना क्षेत्रमा सिचाई पुर्याउने अभियान्ताको रुपमा पनि नेता थारुलाई चिन्दछन् । ६ पटक सम्म राजकुलोको निर्वाचित अध्यक्ष भएर खेतीयोग्य जमिनमा सिचाई पुगाउन सहयोग गरेका थिए ।
थारुको योजना
आफु राप्ती सोनारी गाउँपालिकाको अध्यक्ष जितेपछि नेपालमा भएको राजनीति विकास मात्रै होइन् अव जनताको विकास हुने बताउछन् । बर्षौदेखि जोतभोग गर्दै आएका किसान जो सुकुम्वासी छन् उनीहरुलाई जग्गाधनि बनाउने उनको अभियान छ । त्यतिमात्रै होर, शिक्षा स्वास्थ्य रोजगार, बाटोघाटो निर्माण, अपाङ्ग असाहयका लागि उनको विशेष जोड रहने छ ।  नेता थारु आफु जितेपछि रापती सोनारीमा जसरीनि बिजुली ल्याउने प्रतिवद्धता जनाउछन् ।

तुलसीराम थारु
अध्यक्ष पदका उम्मेदवार
राप्ती सोनारी गाउँपालिका 
नेकपा एमाले 

 २०४६ सालमा बहुदल आएपछि तुलसी थारुले राजनीतिको सुरुवात गरेका हुन् । २०४८ साल सम्म पार्टीको हरेक गतिविधिमा संलग्न हुँदै सक्रिय रुपमा राजनीति गर्दै आए ।  २०४९ सालको स्थानीय निकायको निर्वाचन, तथा २०५१ सालको मध्यावधी चुनावमा समेत सक्रिय भएर राजनीति गरे । क्रमश २०४९ सालमा स्थानीय निकायको निार्वचनमा वडा न ः २ को वडा अध्यक्ष भएर बाटोघाटो पुल पुलेसा निर्माणको काम गरेर जनताको मन जितेको थिए ।  १५ बर्ष सम्म गाउँ कमिटी  सचिव भएर राजनीति गरिरहदा २०६४ सालको निर्वाचन तथा २०७० सालको निर्वाचनमा आफ्नो क्षेत्रबाट देवराज भारलाई जिताउन ठुलो सहयोग गरेको थिए ।
गरेका कामहरु
आफु राजनीतिमा लागेदेखि विभिन्न स्थानमा ग्राबेल हाल्ने, कल्भर्ट निर्माण,बरगड्डी डाँडामा पुल, सिसवामा पुल निर्माण अगैया देखि बैजापुर सम्म पिच तथा विभिन्न स्थानमा तटबन्ध निर्माणको काम गरे ।
भावी योजना
शिक्षा आधुनिक कृषि, रिङरोड बनाउने, उद्योग कलकारखाना खोल्ने, विद्युत निर्माण,अस्पताल निर्माण, यातायातमा सबैको पहुँच पुल, कल्भर्ट निर्माण, ठुला क्याम्पस प्राविधिक शिक्षा निर्माण, सुकुम्वासी समस्या समाधान,सामुदायिक बनलाई पुर्ण अधिकार सहितको बनाउने, पर्यटकिय स्थल निर्माण गर्ने योजना छ ।

पट्टु थारु 
अध्यक्ष पदका उम्मेदवार
राप्ती सोनारी गाउँ पालिका
नेकपा माओवादी केन्द्र
२०५२ साल देखि विद्यार्थी जिवनमा नेकपा एमाले पार्टी बाट सक्रिय राजनीति सुरु गरेका पट्टु थारु, २०५४ साल सम्म गाउँ ईकाई कमिटी सचिव र ३ न ः इलाकाको सदस्य भएर कुशल राजनीति गर्दै आए । क्रमश सर्वाहारा बर्गको उत्थानको लागि माओवादीले सुरु गरेको शसस्त्र युद्धमा सक्रिय भएर राजनीति सुरु गरे । माओवादीमा पनि उनको लगनशिलता अनुसार थारुवान राज्य समितिको सदस्य,  क्रमश एरिया सक्रिय सेक्ेरटरी त्यसपछि क्रमश इन्चार्ज हुँदै थारु राष्ट्रिय मुक्ति मोर्चाको जिल्ला अध्यक्ष समेत नेता पट्टु भए । द्धण्द्धकालमै  नेपाल किसान संघको जिल्ला अध्यक्ष, तथा बघौडा क्षेत्रको जन सक्ता प्रमुख समेत भए । क्रमश पदिय जिम्मेवारी थपिदै जाँदा थारुवान मुक्ति मोर्चाको केन्द्रिय सदस्य समेत भए । २०६२÷६३ को जन आन्दोलनमा बघौडा क्षेत्रको इन्चार्ज भएर जनतालाई अधिकारका लागि आवज उठाउन आन्दोलनमा जना प्रेरित गरेका थिए । नेपालमा शन्ति स्थापना पछि २०६४ सालको संविधान सभाको निर्वाचन पछि समानुपातिक बाट ४ बर्ष सभाषद भए ।
नेता पट्टुले गरेका काम
सभाषद भएपछि पहिलो प्राथमिकता अगैया देखि बैजापुर  सम्म बाटो फराकिलो र पिच गर्ने भनि सडक विभाग अन्तरगत रातो किताबमा लेखिने काम पनि मेरै पालामा भयो । ८१ लाख बजेटमा विभिन्न स्थानमा पीच कल्भर्ट निर्माण गर्ने काम पनि भयो । नारायणपुरमा रहेको पुलको सुरुवात पनि मै ले गरे । बैजापुर देखि बिनौना फत्तेपुर, तथा कचनापुर कुसुमका भित्री बाटोमा कल्भर्ट बनाउन पहल गरे ।  त्यतिबेला सबैभन्दा ठुलो समस्याको रुपमा फोन सेवाको थियो । मैले आफ्नै पहलमा फोनको टावर निर्माण गर्न लगाए र आज धेरै सुविधा भएको छ । जिल्ला शिक्षा कार्यालय बाट मेरो पहलमा २४ लाखको भवन निर्माण गर्न लगाए । म सभाषद हुँदा राप्तीसोनारी गाउँ पालिकाको सबैजसो विद्यालय संसद विकास कोष बाट पैसा सहयोग गरेको थिए ।
भावी योजना ?
अस्पताल निर्माण, यातायातमा सबैको पहुँच पुल, कल्भर्ट निर्माण,विद्युत निर्माण,
ठुला क्याम्पस प्राविधिक शिक्षा निर्माण, सुकुम्वासी समस्या समाधान,सामुदायिक बनलाई पुर्ण अधिकार सहितको बनाउने, पर्यटकिय स्थल निर्माण, र भ्युटावर निर्माण गर्ने योजना छ ।

वडा अध्यक्षमा ः जयसवाल

विजय गच्छेदार अध्यक्ष रहेको मधेशी जन अधिकार फोरम लोकतान्त्रिकको नेपालगन्ज उपमहानगर पालिकाको वडा न ः ४ मा उम्मेदवार तय गरेको छ । जिल्ला कार्य समितिले डिगम्बर जयसवाललाई अध्यक्षमा उठाउने भएको हो । पार्टीको तर्फबाट अध्यक्षको उम्मेदवार जयसवाल संगै सदस्यमा इमरान नाउँ, रामचन्द्र कलवार, नन्दा घिमिरे र मुन्नी कोरी रहेका छन् । अध्यक्षका उम्मेदवार जयसवालले आफ्नो जीत संगै समग्र वडा बासीको हितमा काम गर्ने प्रतिवद्धता जनाएका छन् ।

राप्रपा छोड्ने क्रम बढ्दो, एराप्रपा राष्ट्रवादी पार्टीमा दैनिकि प्र्रवेश

स्थानीय निकायको दोस्रो चरणको निर्वाचनको मिति निजिकिदै गर्दा राप्रपा बाँकेका जयसपुरको सक्रिय कार्यकर्ता मेराज अन्सारी एकीकृत राप्रपा राष्ट्रवादी पार्टीमा प्रवेश गरेका छन् । शुक्रबार पार्टी कार्यालयमा पार्टीका जिल्ला अध्यक्ष कृष्ण प्रसाद खरेलले टिका लगाएर स्वागत गरेका थिए । केन्द्रिय सदस्य तेज नारायण कंडेलले आफ्नो पार्टीमा प्रवेश गर्ने लहर चलिरहेको बताउदै स्थानीय निकायको निर्वाचनमा धेरै ठाउँ जित्ने आधारहरु बन्दै गएको जनाए ।
बिहीबार मात्रै राप्रपा पार्टीका कोषाध्यक्ष भेषराज चौलागाई सहित गाउँ ईकाई कमिटी पुर्व उपाध्यक्ष जाविर अन्सारी, गाउँ इकाई कमिटि सदस्य नुर मोहम्मद लगायत पार्टीका विभिन्न पदमा रहेका ७५ जनाको हुलले सामुहिक पार्टी परित्याग गरेको थियो ।

औषधी आयातमा रोक लगाएको विरोधमा र्याली र ज्ञापन पत्र

३५ प्रकारका औषधि आयातमा रोक लगाउने स्वास्थ्यमन्त्रालयको निर्णयको विरोधमा आज बाँकेमा र्याली तथा ज्ञापन पत्र बुझाउने काम भएको छ । नेपाल औषधी तथा विक्रि प्रतिनिधि संघको अगुवाईमा नगरको विभिन्न स्थानमा विरोध स्वरुप र्याली निकालिएको र औषधी व्यवस्था विभागको कार्यालय नेपालगन्जमा ज्ञापन पत्र बुझाइएको फ्यान क्यान नेपाल बाँकेको कोषाध्यक्ष रामदिन साहुले जानकारी दिए । उनका अनुसार  प्रतिस्पर्धात्मक व्यवसायको सम्मान गर, भ्रमाक प्रचारवाजी बन्दगर भन्ने प्लेकार्ड बोकेर विरोध र्याली गरेका थिए । कोषाध्यक्ष साहुले सरकारले रोक लगायको औषधीबारे सहजता नल्याए जिल्ला देखि केन्द्र सम्म दैनिक विरोधको कार्यक्रम गर्दै जाने बताए  । यस अघि विभिन्न संघ संगठनले
छुट्टा छुट्टै विज्ञप्ति जारी गर्दै  जनताको स्वास्थ्यलाई ध्यानमा राख्दै अत्यावश्यक औषधिको आयात ठप्प गर्ने,  स्वदेशी औषधि कम्पनीले उत्पादन गर्ने औषधिको बिक्री मूल्य र लागत मूल्यको फरक सार्वजनिक गर्न पनि सरकारसँग माग गरेको छ ।

एराप्रपा र फोरमको संयुक्त उम्मेदवार श्रेष्ठ

नेपालगन्ज, ११ जेठ –एर्कीकृत राष्ट्रिय प्रजातन्त्र पार्टी
राष्ट्रवादी र मधेशी जनअधिकार

फोरम (लोकतान्त्रिक) बीच गठबन्धन भई नेपालगन्ज उपमहानगरपालिका वडा नं. १० मा वडा अध्यक्षमा एकीकृत राप्रपा राष्ट्रवादीका केन्द्रिय सदस्य उदय बहादुर सिंह श्रेष्ठलाई संयुक्त उम्मेदवार बनाउनेमा सहमती भएको छ ।
एकीकृत एराप्रपा  राष्ट्रवादीका बाँके जिल्ला अध्यक्ष कृष्ण प्रसाद खरेल र मधेशी जनअधिकार फोरम (लोकतान्त्रिक) बाँकेका जिल्ला अध्यक्ष फुलाराम चौधरीले सहमती पत्रमा संयुक्त हस्ताक्षर गरी वडा नं. १० मा वडा अध्यक्ष उम्मेदवार श्रेष्ठलाई जिताउनको लागि हरसम्भव प्रयास गर्ने प्रतिबद्धता जनाएका
छन् ।
२ हजार ६ सय ८८ मतदाता रहेको वडा नं. १० मा मधेश समुदायहरुको बाक्लो उपस्थिती रहनुका साथै जनजाति समुदायको समेत बाक्लो उपस्थिती रहेको छ ।
वडा नं. १० अर्थात पुरानो वडा नं. १३ का रैथाने एवम् ३४ वर्षदेखि पत्रकारितामा संलग्न वडा अध्यक्ष श्रेष्ठलाई सबै समुदायबाट विशेष सहयोग प्राप्त हुने देखिएको छ ।
बिहिबार एक औपचारिक कार्यक्रम गरी दुबै पार्टीका अध्यक्षद्वयले वडा अध्यक्षका उम्मेदवार बनाएसँगै श्रेष्ठ आफ्नो चुनावी अभियानलाई तिब्रता दिएका छन् ।
संयुक्त गठबन्धनबाट दुई हात जोडेको नमस्कार चुनाव चिन्ह पाएका श्रेष्ठ निर्वाचन जितेपछि समग्र वडा नं. १० का वडाबासीहरुको हकहितमा कार्य गर्ने बताएका
छन् ।

राप्रपाको जिल्ला कोषाध्यक्ष चौलागाई सहित ७५ जना पार्टी परित्याग

स्थानीय निकायको दोस्रो चरणको निर्वाचनको मिति निजिकिदै गर्दा राप्रपा बाँकेका कोषाध्यक्ष भेषराज चौलागाई ( राजन) सहित ७५ जनाले सामुहिक पार्टी परित्य गरेका छन । उनीहरुले बिहीबार विभिन्न गुनसो सहित सामुहिक रुपमा पार्टी परित्यग गरेको घोषणा गरेका हुन् । कोषाध्यक्ष चौलागाई सहित गाउँ ईकाई कमिटी पुर्व उपाध्यक्ष जाविर अन्सारी, गाउँ इकाई कमिटि सदस्य नुर मोहम्मद लगायत पार्टीका विभिन्न पदमा रहेका ७५ जनाको हुलले सामुहिक पार्टी परित्याग गरेको हो

 । कोषध्यक्ष चौलागाई २०४९ साल बाट राप्रपामा लागेर गाउँ इकाई कमिटीको ३ कार्यकाल अध्यक्ष, क्षेत्र नः २ को क्षेत्रिय सचिव, २ कार्यकाल जिल्लाको सहसचिव र अहिले पार्टीको जिल्ला कोषाध्यक्ष रहेर राप्रपामा कुशल राजनीति गर्दै आएका थिए । राप्रपामा पुरानालाई पाखा लगाउने, स्वार्थ  लुट्ने, अहिले स्थानीय निकायको निर्वाचनको लागि टिकट दिदा राम्रा उम्मेदवार भन्दा  महामन्त्री डा. राणाले व्यक्तिगत रुपमा १० हजार देखि ५ लाख सम्म पैसा लिएर टिकट दिने जस्ता थुप्रै खालको असमान व्यवाहारका कारण पार्टी परित्यग गरेको नेता चौलगाईले जानकारी दिएका छन् ।  कोषाध्यक्ष चौलागई सहितको ७५ जनाले गरेको पार्टी परित्याग बाट स्थानीय निकायको निर्वाचनमा डा. धवल शम्शेर राणालाई ठुलो घाटा हुने देखिन्छ । नेता चौलागाईको अनुसार नगरको २३ वटै वडाबाट पार्टी परित्याग गर्ने क्रम प्रतिदिन बढ्दो छ ।

मेयर पदमा खरेललको उम्मेदवारी घोषणा, यस्ता छन् नगरको विकासे योजना

दोस्रो चरणको स्थानीय निकायको निर्वाचनमा पश्चिम नेपालको गौरव मानिने नेपालगन्ज उपमहानगर पालिकाको माहोल तात्दिै गएको बेला एकीकृत राष्ट्रिय प्रजातन्त्र राष्ट्रवादी पार्टीको  तर्फबाट कृष्ण प्रसाद खरेल मेयरमा उम्मेदवारी दिने घोषणा गरेका छन् । विगत १ महिना देखि अनौपचारिक रुपमा चुनावी अभियानमा होमिएका खरेल नेपालगन्ज उपमहानगर पालिकाको मेयर पदमा उम्मेदवारी दिने घोषणा गरेका हुन् । गाई चिन्ह बोकेको राप्रपालाई देशभरीको परिणाम बाट कन्त विजोग भइरहेको बेला जित्ने आधार प्रशष्ट रहेको समेत खरेलले उल्लेख गरे । एकीकृत राष्ट्रिय प्रजातन्त्र राष्ट्रवादी पार्टीको केन्द्रिय सदस्य र जिल्ला अध्यक्ष रहेका खरेलले एक पटक नगरको विकासका निमित्त सबैको साथ सहयोगको अपेक्षा रहेको धारणा राखेका छन् ।
नगरका विभिन्न वडाहरुमा विभिन्न साना दलहरु संग गठवन्धन गरेर निर्वाचनमा जाने तयारी भइरहेको समेत खरेलले जानकारी दिए । गाउँ, बजारमा पकड राम्रो छ, अन्य साना केहि दलले पनि सहयोग गर्ने भनेका छन, त्यसैले जित्ने आधार धेरै छ, मेयरको उम्मेदवार खरेलले भने । मेयर पदमा जितेपछि ग्रिन सिटी बनाउने, सबैजसो स्थानमा रिङ्गरोड बनाउने, भर्खर गाभिएका नयाँ गाविस र बजारको राजश्व प्रकृति अनुसार एकरुपता ल्याउने, वेरोजगार युवायुवतीहरुलाई रोजगारको व्यवस्था गर्ने, नगर भित्र रहेको विद्यालयहरुमा व्यवसायीक शिक्षा लागु गर्ने र एडिवी लगायत अन्य ठुला दातृ निकाय संग सहयोग मागेर नगरको ढल निकास, फोहर व्यवस्थापन, खानेपानीको सुविधा लगायत ठुला विकासको योजना सफल पार्ने लक्ष्य रहेको समेत खरेलले जनाए ।

बाँकेमा पनि राप्रपा हार्ने आधार प्रष्ट छन ः एराप्रपा के.स कंडेल

वैशाख ३१ गते भएको स्थानीय निकायको निर्वाचनमा लजास्पद हार व्यहोरेको राष्ट्रीय प्रजातन्त्र पार्टी बाँकेको पनि उज्यालो भविष्य नभएको एकीकृत राप्रपा राष्ट्रवादी पार्टीका केन्द्रिय सदस्य तेज नारायण कंडेलको बुझाई छ । के.स कंडेल भन्छन् वुदागत रुपमै राप्रपा बाँकेको पनि भविष्य उज्यालो छैन । देशभरी लजास्पद हार व्यहोरेपनि बाँकेको नेपालगन्ज उपमहानगरपालिकामा राप्रपाले सबैभन्दा राम्रो भनेपनि जित्ने आधार सकिएको उनको बुझाई हो । वुदगत रुपमै पार्टी फुट्यो, डा. प्रकाश चन्द्र लोहनी, केशर बहादुर विष्ट जस्ता विद्धवान व्यक्तिलाई समेत्न नसक्नु, हिन्दु राष्ट्र र राजसंस्था बारे अडान नहुनु, पटक, पटक विना कारण अवसर लुट्न सरकारमा सहभागि हुनु, मधेश मुद्दामा स्पष्ट धारणा राख्न नसक्नु , पुराना कार्यकर्तालाई सदुपयोग गर्न नसक्नु, जस्ता करणले देश भरि राप्रपाको हाल बिहाल भयो, बाँकेमा पनि त्यहि हुन्छ ।  पुर्व मेयर भएर चर्चा  कमाएपनि आहिले सम्रग पार्टी र आफ्नै कारणले पनि यस पटकमा मेयरमा हार्ने देखिन्छ ।  कंडेल भन्छन् कुनैदिन धवल शम्शेर राणाको नजिकको इमानदार कार्यकर्ता थिए । तर पार्टी भित्र फरक मत राख्दा अन्त्यमा म मात्रै होइन मजस्ता धेरै कार्यकर्तालाई पाखा लगाउने महामन्त्रीको बानी भइसक्यो  । त्यसैमा मधेशी मुस्लिम जस्ता ठुलो संख्याका समुदायलाई पनि समेत्न सकेका छैनन् ।  राप्रपा बाट फुटेको डा. प्रकाशचन्द्र लोहनीको एकीकृत राष्ट्रिय प्रजातन्त्र राष्ट्रवादी पार्टीको सबैभन्दा बलियो जिल्ला बाँके मानिन्छ । यसमा खरेल संगै नेपालगन्जमा राम्रा् छवि बनाएका उदय सिंह श्रेष्ठ, तेज नारायण कंडेल जस्ता धेरै व्यक्ति सयिक्र छन् ।  २७ बर्षदेखि लामो समय सम्म राजनीतिमा सक्रिय रहेका एकीकृत राष्ट्रिय प्रजातन्त्र राष्ट्रवादी पार्टीको तर्फबाट कृष्ण प्रसाद खरेल मेयर पदमा उम्मेदवारी दिने भएका छन् । जस्को कारण धवल शम्शेरलाई ठुलो घाटा हुने देखिन्छ ।  कंडेल भन्छन् जनताले नयाँ अनुहार खोजिरहेका छन्, अन्य मेयर पदका उम्मेदवार भन्दा खरेल कम छैनन, पछि विस्तार भएको गाउँ गाउँमा पनि खरेलको राम्रो छ, त्यस अर्थमा हाम्रो जित सुनिश्चित छ । सम्पुर्ण जिल्ला बासीहरुले दिएको माया सल्लाह सुझावलाई आत्मसाथ गर्दै हिन्दु राष्ट्र र राजसंस्थाको मुद्दा तथा भ्रष्टाचार मुक्त मुलुक बनाउने हाम्रो पाईला सधै लम्किरहन्छ । जय राष्ट्र जय जनता, नेपाल आमाकि जय ।

३५ प्रकारका औषधि आयातमा रोक लगाउने स्वास्थ्यमन्त्रालयको निर्णयको विरोधमा बाँकेका व्यवसायी पनि

सरकारले ३५ प्रकारका औषधि आयातमा रोक लगाउने निर्णयको विरोधमा आन्दोलनरत नेपाल औषधि आयातकर्ता संघ मियानलाई बाँकेका औषधी व्यवसायीहरुले पनि सहयोग गर्ने भएका छन् । विभिन्न औषधीको मुल्य महंगो भएको बहाना गर्दै स्वास्थ्य मन्त्रालयले ३५ प्रकारका औषधी आयातमा रोक लगाएको भन्दै फ्यान क्यान नेपाल बाँकेले पनि आन्दोलनमा सहमति जनाएको  कोषाध्यक्षले फ्यान क्यान नेपाल बाँकेका कोषाध्यक्ष रामदिन साहुले जानकारी दिए ।

औषधि विक्रीबितरणका क्षेत्रमा क्रियाशिल नेपाल औषधि तथा विक्री प्रतिनिधि संघ, नेपाल औषधिगत बिक्री प्रवन्धक संगठन र नेपाल खाद्य, आयुर्वेदिक न्युट्रास्विटिकल्स तथा कस्मेस्विटिक  समाजले शनिबार छुट्टा छुट्टै विज्ञप्ति जारी गर्दै मियानको आन्दोलनमा आफूहरुको पूर्ण समर्थन र सहकार्य रहने जनाउदै जनताको स्वास्थ्यलाई ध्यानमा राख्दै अत्यावश्यक औषधिको आयात ठप्प गर्ने र विलिङ बन्द गर्ने घोषित कार्यक्रम तत्कालका लागि स्थगित गर्न आग्रह गरेका हुन् । मियानले स्वदेशी औषधि कम्पनीले उत्पादन गर्ने औषधिको बिक्री मूल्य र लागत मूल्यको फरक सार्वजनिक गर्न पनि सरकारसँग माग गरेको छ ।

राप्ती सोनारी गाउँपालिकामा एमालेको घरदैलो अभियान

 दोस्रो चरणको निर्वाचनको मिति नजिकिदै गर्दा सबैजसो पार्टीहरुले चुनावी प्रचार प्रसारलाई तिव्रता दिएका छन् । बाँकेको विभिन्न नगर, गाउँपालिका संगै राप्ती सोनारी गाउँपालिकामा चुनावी अभियानले तिव्रता पाएको हो । नेपाली काँग्रेस, नेकपा एमाले, माओवादी राप्रपा लगायत अन्य दलले निर्वाचन जित्नका लागि जनताका घरघरमा पुगि रहेका छन । राप्ती सोनारी गाउँपालिकमा सबैभन्दा सक्रिय एमाले देखिएको छ । एमालेले राप्ती सोनारी गाउँपालिकाको ६वटै गाविसमा अभियान चलाई रहेको छ । सोमबार करिव २ सय ५० जनाको संख्यामा एमालेले घरदैलो अभियान गरेको गाउँ ईकाइ कमिटि  सचिव ओपेन्द्र रावतले जानकारी दिए । घरदैलो कार्यक्रममा गाउँ पालिकाका सभापति पदका उम्मेदवार तुलसी थारु लगायत सबै उम्मेदवार घरदैलो कार्यक्रममा सहभागि भएको समेत सचिव रावतले जनाए । उनका अनुसार घरदैलो अभियानबाट जनतामा एमाले प्रति उत्साह र आशा देखिएको छ ।

दुखमाःसुखको अनुभिती खोज्दै म्यादी आमाछोरी

यतिबेला विभिन्न संचार माध्ययम तथा प्रहरी प्रशासन क्षेत्रमा उमेर दिदि बहिनी लाग्ने म्यादी प्रहरी आमा छोरीको निकै चर्चा परिचर्चा छ । छोरी रितु परियार संगै म्यादी प्रहरीको तालिम, डियुटी अनि थुप्रै जमात विचको बसाई धनसरी परियारका लागि सबैभन्दा खुशिको पल आएको जस्तो लाग्छ । १४ बर्ष अघि  भारतको सिम्ला कमाउन गाएका श्रीमान अर्कै श्रीमती लिएर घर नफर्किदाको पीडा, बालबच्चा हुर्काउने पढाउने,अनि गरिविको विचबाट यहाँ सम्म आएकि धनसरा यो डेढ महिने जागेर बाट खुशि र हर्षित छिन् ।  ३५ बर्षिय धनसरा १९ बर्षिय छोरी रितु अहिले ईलाका प्रहरी कार्यालय बैजापुरमा म्यादी प्रहरी भएर बसिरहेका छन् । धनसरा भन्छीन छोरीलाई एसएलसीमा बिषय लागेको छ, म कक्षा आठ पास मात्रै गरेकि छुँ, आर्थिक अभाव थियो, भाग्यले आमाछोरी म्यादी भयौँ, जति दुख गर्नपरेपनि गर्छौ, यहि दुखमा हाम्रो खुशि लुकेको छ । म्यादी तालिम गस्ती अनि डियुटीमा पनि संगै सफलता पुर्वक काम गरिरहेका छन । त्यहि अनुसारको प्रहरीहरुले पनि संगै काम गर्ने वातावरण मिलाई दिएकोमा आफु झनै हर्षित भएको धनसरा बताउछिन् । श्रीमानले अर्कै विहे गरेपछि बाल बालिकाहरुलाई पढाउने काम गरेकि समेत उनि सम्झनछिन् । म्यादी जागीर बाट आएको पैसाले कान्छी छोरीलाई पढाउने र संगै म्यादी प्रहरी भएकि छोरी रितालाई प्रहरी बनाउने उनको सपना छ ।

बुटिक कडाईबाट आत्मनिर्भर बन्दै विनौनाका महिलाहरु

विनौनाका महिलाहरु बुटिक कडाई तालिम सिकेर आत्मनिर्भर बन्दै गएका छन् । समाज सुधार नेपाल नामक संस्थाले एक महिने बुटिक कडाई तालिम सिकेर आफुहरु आत्मनिर्भर बन्दै गएको बताएका हुन् । चैत्र १५ देखि वैशाख १५ गते सम्म चलेको एक महिने तालिम बाट उनीहरु व्यवसाय गर्न सक्ने भएका हुन् । द्धण्दको समयमा प्रभावित भएको २३ जना महिलाहरुलाई कडाई तालिम दिइएको हो । सभासद अन्जना चौधरीको सहयोगमा बाँके क्षेत्र न १का विभिन्न स्थानमा च्याउखेती, सिलाई कटाई, बुटिक कडाई लगायतको सिप मुलक तालिम चलाएको उक्त संस्थाका शंकर न्यौपानेले जानकारी दिए ।

बैजापुरका म्यादी प्रहरी सरसफाई अभियानमा

निर्वाचनका  लागि भर्ना भएका म्यादी प्रहरी फुर्सदको समयमा गाउँ घर सरसफाई अभियानमा लागेका छन् । ईलाका प्रहरी कार्यालय बैजापुरमा रहेका १ सय १२ जना म्यादी प्रहरी फुर्सदको समयमा सरसफाई अभियानमा सक्रिय हुन्छन् । ईलाका प्रहरी कार्यालयका इन्चार्ज प्रहरी नायव निरिक्षक देवीलाल घर्तिमगरका अनुसार अहिले सम्म विभिन्न विद्यालय, बाटो, सार्वजनिक संस्था गरि धेरै ठाउँमा सरसफाई भएको हो । गाउँघरमा म्यादी प्रहरी र नागरिक विचको सम्वन्ध सुधार तथा वातावरण स्वच्छ राख्ने उद्देश्यले सरसफाई अभियान चलाएको उक्त ईलाकामा कार्यरत प्रहरी सहायक निरिक्षक प्रेम शर्माले जानकारी दिए । नियमीत गस्ती संगसंगै सरसफाई अभियानमा स्थानीय बासिन्दाले पनि साथ दिएका छन् ।

निर्वाचनबारे एराप्रपा केन्द्रको निर्देशन कुर्दै

एकीकृत राप्रपा राष्ट्रवादी पार्टी बाँकेले स्थानीय निकायको निर्वाचनमा कसरी जाने भन्ने बिषयमा केन्द्रको निर्देशन प्रखिने भएको छ । बाँके जिल्ला अध्यक्ष तथा केन्द्रीय सदस्य कृष्ण प्रसाद खरेलको अध्यक्षतामा आज बसेको नियमीत बैठकमा जिल्लामा पार्टी निर्वाचनको लागि कसरी अगाडी बढ्ने उम्मेदवारी छनौट कुन प्रक्रियाले गर्ने भन्ने बिषयमा टुङ्गो लगाउनेबारे केन्द्र्रको निर्देशन आएपछि मात्रै हुने छलफल भएको हो । पार्टीका केन्द्रिय सदस्य तेज नारायण कंडेलले आन्तरिक रुपमा जागरुप भएर आ आफ्नो स्थानबाट लाग्न सबैलाई आग्रह गरे । केहि समय पछि भ्रष्ट्रचार विरुद्धको महा अभियान समेत बाँके बाट पार्टीले सुरु गर्न लागेको जानकारी दिए ।
नियमीत बैठकमा बोल्दै पार्टीका केन्द्रीय सदस्य उदय सिंह श्रेष्ठले यहि ९ र १० गते हुने केन्द्रिय सदस्यहरुको भेला पछि जिल्ला, जिल्लामा चुनावी रणनीति लागु गर्ने जनाए ।  साथै नियमीत बैठकमा केन्द्रीय सदस्य श्रेष्ठले पार्टीलाई १० ओटा कुर्सी सहयोग गर्ने घोषणा गरेका छन् ।

शिव सेना नेपालको नयाँ कार्यसमिति

शिव सेना नेपाल बाँकेको जिल्ला कार्यसमिति पुन गठन गरिएको छ । आज भएको एक भेलाले निलम गुरुङको अध्यक्षतामा ११ सदस्यीय गठन गरिएको छ । नयाँ कार्यसमितिको उपाध्यक्षमा मदन राज शर्मा, सचिवमा राजकुमार लोध, सह सचिवमा राजु गोडिया, कोषाध्यक्षमा रामदिन साहु रहेका छन् यस्तै सदस्यहरुमा अजुर्न चौहान, सहदेव चौहान,राजेश कनौजिया,शिव कुमार यादव लगायत ११ कार्य समिति तयार गरिएको हो । शिव सेना नेपालको केन्द्रिय सदस्य राजकुमार रौनियारको अध्यक्षतामा भएको कार्यक्रममा नयाँ कार्य समिति गठन गरिएको कोषाध्यक्ष साहुले बताए ।

सुविधा सम्पन्न भवन अध्यारै, अध्यारो, शान्ति सुरक्षामा चुनौती

                                                  तत्काल उपलब्ध गराउँछु ः एसपी राई

स्थानीय राजनीतिक दलपनि सक्रिय

ईलाका प्रहरी कार्यालय बैजापुर बाँकेको सुविधा सम्पन्न भवन विद्युत नहुँदा अध्यारै अध्यारो भएको छ । राप्तीपारिका गाउँमा विद्युत त गएको छैन् नै तर सामान्य सोलार पनि जडान गर्न नसक्दा प्रहरीलाई शान्ति सुुरक्षा स्थापना गर्नमा चुनौती थपिएको छ । द्धण्द्धकालमा भत्काइएको भवन शान्ति तथा पुनर निर्माण मन्त्रालयले डेढ करोडको लगानीमा  १३ कोठे सुविधा सम्पन्न भवन बनाइदिएपनि विद्युत नहुँदा प्रहरीलाई चुनौती थपिएको हो । यस अघि विद्युत नहुँदा रातीको समयमा हिरासत बाटअभियुक्त परार भएर प्रहरीलाई कारवाही भएको थियो । ईलाका प्रहरी कार्यालयका प्रहरी प्रमुख प्रहरी नायव निरिक्षक देवीलाल घर्तिमगरले विद्युत नहुँदा कहिलो कसो सन्चारबाट पनि विच्छेड हुने आवस्था आउने गरेको जनाए । सामान्य सोलार बाट पनि विजुली बाल्न नसकिरहेको बेला झै झगडा, कुनै पनि अपराधमा अभियुक्तलाई रातीको समयमा हिरासतमा राख्दा समस्या हुने गरेको जनए ।
बाँकेका प्रहरी प्रमुख प्रहरी उपरिक्षक टेक प्रसाद राईले अहिलेको पहिलो आवश्यकता त्यहाको उज्यालो रहेकोले आफुले जति सक्दो तत्काल व्यवस्था गर्ने प्रतिवद्धता जनाएका छन् । कार्यालयमा बजेट नभएपनि कुनै ठुलो रकम होइन् निर्वाचनको समयमा त झन विद्युत आवश्यक हो, जसरी पनि उपलब्ध गराउछु प्रहरी प्रमुख राईले भने । पत्रकार हेमन्त चौधरी संग कुराकानी गर्दै एसपी राईले १ सय जना म्यादी प्रहरी पनि उक्त ईलाकामा तालिमको लागि पठाउन थालिएको जनाकारी दिए ।
उक्त क्षेत्रका नेता तथा नेपाली काँग्रेस बाँकेका पुर्व कार्यवाहक सभापति लाहुराम थारुले प्रविधिको युगमा पनि २४ घन्टा जनताको सेवमा खटिने प्रहरी अध्याँरोमा बस्नु दुखदायी भएको जनाउँदै तत्काल उपलब्ध गराउनु पर्ने धारणा राखे । पुर्व सासंद तथा माओवादी नेता पट्टु थारुले राजनीतिक दलको पहलमा तत्काल सोलार उपलब्ध गराउनु पर्ने जनाए । २०२३ सालमा बैजापुरमा प्रहरी चौकीको रुपमा स्थापना हुँदै२०४५ सालमा ख श्रेणीको ईलाका भएको थियो ।

वातावरणको सरसफाई आफैबाट सुरुवात गरौं ः कंडेल

एकीकृत राप्रपाका केन्द्रिय सदस्य तेजनारायण कंडलले वातवरण सरसफाई गरि स्वच्छ राख्नका लागि आफ्नै घर बाट सरसफाईको सुरुवात गर्नुपर्ने बताएका छन् । आज नेपालगन्ज उपमहानगरपालिका १६ जयसपुरमा आज भएको नाली तथा बाटो सरसफाई अभियान  कार्यक्रममा गर्दै स्वच्छ वातावरणको पहिलो कडी आफ्नै घरबाट सुरुवात गर्नुपर्ने प्रष्ट पार्दै सबैले सरसफाईमा ध्यान दिन आवश्यक रहेको उल्लेख गरेका हुन् । बढ्दो जनसंख्यालाई व्यवस्थापन गर्ने, उद्योग कलकारखाना बाट निस्कने फोहर व्यवस्थापन जस्तो महत्वपुर्ण कार्यमा सरकार अग्रसर हुनुपर्ने भन्दै नेपाली नागरिक निरोगी बन्नु
आफ्नो पार्टीको सफलता हुने दावी समेत गरे । नेपालगन्ज उपमहानगरपालिकाले लक्षित बर्गका लागि गर्दै आएको नियमीत कार्यक्रम अन्तरगत बिहीबार जयसपुरमा चेतना परिवारको सहजीकरणमा सरसफाई कार्यक्रम सम्पन्न गरेको हो ।

बाँकेमा खाद्य तथा काष्मेटिक व्यवसायि संगठित

खाद्य तथा काष्मेटीक पदार्थको  करोबार गर्ने विभिन्न व्यवसायहरु बाँकेमा संगठित भएका छन् । आहार पुरक डायटरी सप्लीमेण्ट अर्थात (फ्यान क्यान) नामक संस्थामा व्यवसायिहरु संगठित भएका हुन् । फ्यान क्यानका केन्द्रिय सदस्य रामदिन मोदीका अनुसार खाद्यमा दर्ता भएका पौष्टिक आहार अन्तरगत पर्ने विभिन्न पदार्थ तथा काष्मेटीक कारोबार गर्ने जिल्लाका व्यवसायिहरु संगठित भएका हुन् । केन्द्रीय सदस्य मोदीका अनुसार अध्यक्षमा विजेन्द्र सिहं ठकुरी, उपाध्यक्षमा प्रमेश कुमार वर्मा,कोषाध्यक्षमा रामदिन साहु
ू,सचिवमा
लवराज श्रेष्ठ,सदस्यमा चित्र कुमार थापा, रवि जायशवाल, नन्दलाल शाहनी र राज कुमार शर्मा रहेका छन् ।

राप्रपालाई श्रेष्ठको खुल्ला पत्र

२०१३ साल जेष्ठ १५ गते बुबा मंगलाल श्रेष्ठ तथा माता नुक्षेमाया श्रेष्ठको कोखबाट साईलो छोराको रुपमा काभ्रे जिल्ला मेछेगाविस ३ मा जन्मिएका गणेश बहादुर श्रेष्ठ बाल्यकाल देखि समाजिक, धार्मिक, सांस्कृतिक क्षेत्रमा सेवा गर्दै आएर २०२८ साल  पन्चायत कालमा नेपालको ७५ जिल्लाको भ्रमण गरि जनचेतना मुलक कार्याक्रम गर्दै सक्रिय राजनीतिमा अहिले सम्म लागि परेका छन् । राप्रपाको राजनीतिमा सक्रिय रहेका श्रेष्ठ मेची महाकाली जोतिलिङ्ग यात्रा समेत गरिसकेका छन् । गाउँको वडा कमिटि देखि,जिल्ला, क्षेत्र र केन्द्र सम्ममा सक्रिय राजनीति गरेर राम्रो छवि बनाएका गणेश बहादुर श्रेष्ठको राप्रपा पार्टीलाई सुझाव 

१,संवैधानिक राजतन्त्र हिन्दु अधिराज्य यथावत कायम राख्न ।
२,राष्ट्रिय प्रजातन्त्र पार्टीको स्थापना कालदेखि अणवरत रुपमा आस्था, विश्वासका साथ रहदै हलो चिन्ह बोक्दै आजको दिन आइपुग्दा जनतको आस्था र विश्वासको चिन्ह हलो नै कायम गरिनु पर्दछ ।
३, राष्ट्रियताको सवालमा नेपाल आमालाई सदा सदा जवसम्म घाम जुन रहन्छ, त्यतीबेला सम्म आफुले शरिरमा एक थोपा रगत रहन्जेल राष्ट्रलाई जिवन दिन तयार रहने नेतृत्वलाई सधै जोगाई राख्न पर्दछ ।
४, .श्री ५ ज्ञानेन्द्र, सरकारले २०६२ साल माघ महिनामा घोषणा गरेको स्थानीय निकायको निर्वाचन हुँदा बनेपा नगर पालिकाको मेयरमा श्रीमान श्रीमती बहुमतले निर्वाचित भएर सरकारले दिएको भत्तापनि जनताको सेवमामा दान दिएको इतिहास विरलै होला, भन्ने लाग्दछ ।
५, दश बर्षिय जनयुद्ध तथा सात दलिय आन्दोलनको समयमा पनि विभिन्न वाधा अड्चन भएपनि जिन्दगी दाउमा लगाएर नेपाली जनताको अधिकारको लागि लडे÷ अहिले आएर नेतृत्व वर्ग, नेतागण लगायत सम्पुर्ण मानुभावहरुले एकपटक सहयोग गर्दा के  फरक पर्दछ ।
६, विश्वको एकमात्र हिन्दुराज्य नेपाल ओमकार परिवार लगभग सवा दुई अर्व जनताको धरोहर आस्थाको बिन्दु नेपालमा ९४ प्रतिशत, वौद्ध, जयन सिक रहेको देशमा धर्म निरपेक्षता किन भयो ? त्यसको विरुद्धमा मेरो आवाज हो ।

पुर्वमन्त्री थारु जनजातिबाट लड्दै

पन्चायतकालमा पटक पटक मन्त्री भएर देश सेवा गरेका बाँकेका फत्तेहसिंह थारु जनजताति बाट केन्द्रिय सदस्यमा उम्मेदवारी दिने भएका छन् ।  आज देखि हुने राप्रपाको महाधिवेशन पछि हुने निर्वाचनमा पुर्वमन्त्री थारु जनजतिबाट उम्मेदवारी दिने भएका हुन् । पार्टी भित्र राम्रो छवि बनाएका पुर्वमन्त्री थारु केन्द्रीय सदस्य जित्ने सुनिश्चित भएको उनीबारे जानकार राप्रपाका नेता तेज नारायण कंडेलले जानकारी दिए । कंडेलका अनुसार शिक्षामन्त्री, संचारमन्त्री, उद्योगमन्त्री लगायत आधादर्जन बढि  मन्त्रालय सम्महली सकेका छन् । 

ढकाल प्रचार प्रसारमै व्यस्त

यहि फाल्गुन ६ देखि हुने राप्रपाको महाधिवेशनमा खुल्ला तर्फबाट केन्द्रिय सदस्यका लागि हिक्मत ढकाल आज पनि दिनभरी प्रचार प्रसारमै व्यस्त रहे ।  मध्यपश्चिमका प्रभावशालि नेताको रुपमा परिचित नेता ढकाल केन्द्रीय स्तरका ठुला नेता देखि जिल्ला जिल्ला बाट आएका पार्षदहरु संग भेटघाट जारी राखेको बाँकेका पार्टी प्रवक्ता श्रीधर सुवेदीले जानकारी दिए । राष्ट्यिताका संरक्षण प्रजातान्त्रिक उदारवादको माध्ययम बाट सम्मुनत पार्टी निर्माणका लागि आफ्नो उम्मेदावरी आएको दावि गर्दै नेता ढकालले आफ्नो जित्ने आधार प्रसस्त रहेको दावी गरे । जम्मा ३ हजार ३ सय ८० मत रहेको निर्वाचनमा मध्य र सुदुर पश्चिम तथा देशैभरीका पार्सदहरुमा परिचित अनुहारका उम्मेदवार ढकाल जित्ने सुनिश्चीत हुँदै गएको छ । 

शाह पनि केन्द्रिय सदस्यका उम्मेदवार

लामो समय देखि राजनीतिमा सक्रिय रहेका तेज विक्रम शाह पनि अब केन्द्रीय सदस्य लड्ने भएका छन् । बाँके हुँदै अंचल क्षेत्र सम्म कुशल राजनीति गरेर नाम कमाएका शाह राप्रपाको खुल्ला तर्फबाट केन्द्रिय सदस्यमा उठ्न लागेका हुन् । भोली ६ देखि हुने महाधिवेशनको उद्घाटन पछि हुने केन्द्रीय सदस्यको निर्वाचनमा शाह खुल्ला बाट केन्द्रीय सदस्यमा उठ्न लागेका हुन् ।  राष्ट्यिता राष्ट्यि अखण्डता, संवैधानिक राजतन्त्र, हिन्दुराष्ट् स्थापनाको लागि आफ्नो उम्मेदवारी रहेको शाहको दावी छ । ३ हजार ३ सय ८० मत  मध्ये अधिकाँस मत आफुलाई आउने शाहले दावी गर्दै सबैले सहयोग गर्नुपर्ने धारणा राखेका छन् ।

केन्द्रीय सदस्यमा ढकालको उम्मेदवारी

फागुन ४, काठमाण्डौ,
यहि फाल्गुन ६ देखि हुने राप्रपाको महाधिवेशनमा खुल्ला तर्फबाट केन्द्रिय सदस्यका लागि हिक्मत ढकाल पनि चुनावी मैदानमा उत्रिने भएका छन् । मध्यपश्चिमका प्रभावशालि नेताको रुपमा परिचित नेता ढकाल खुल्ला बाट केन्द्रिय सदस्यमा लड्ने घोषणा गरेका हुन् । राष्ट्यिताका संरक्षण प्रजातान्त्रिक उदारवादको माध्ययम बाट सम्मुनत पार्टी निर्माणका लागि आफ्नो उम्मेदावरी आएको दावि गर्दै नेता ढकालले आफ्नो जित्ने आधार प्रसस्त रहेको दावी गरे । आज बिहान राप्रपाका पार्टी अध्यक्ष कमल थापा लगायत ठुला नेताहरुको सल्लाह अनुसार केन्द्रीय सदस्यमा जित्ने आधार धेरै रहेको बाँकेका पार्टी प्रवक्ता श्रीधर सुवेदीले जानकारी दिए । जम्मा ३ हजार ३ सय ८० मत रहेको निर्वाचनमा मध्य र सुदुर पश्चिम तथा देशैभरीका पार्सदहरुमा परिचित अनुहारका उम्मेदवार ढकाल रहेको उनीबारे जानकार तथा प्रवक्ता सुवेदीले दावी गरे । यस अघि पनि ढकाल केन्द्रीय सदस्य थिए ।

उम्मेदवारको अन्तिम नामावली प्रकाशन

राप्रपा बाँकेको आज हुने निर्वाचनको अन्तिम नामावली प्रकाशित भएको छ । निर्वाचन समितिका संयोजक मोहन केसीको अगुवाईमा निर्वाचनको अन्तिम नामावली बाहिर आएको हो । जस अनुसार अध्यक्ष पदका लागि तीन जना, र सदस्य पदका लागि ४७ जना प्रतिस्पर्धा गर्ने भएका हुन् । राप्रपा बाँकेका कोषाध्यक्ष तेज नारायण कंडेलका अनुसार अन्तिम नामावली प्रकाशन संगै अब  केहि छिन पछि निर्वाचन हुने छ । २६ सदस्य पदका लागि ४७ जनाले प्रतिस्पर्धा गर्न लागेका हुन् । 

अध्यक्षका लागि खरेल, पौडेल र सिंह विच प्रतिस्पर्धा

माघ २५ गते,
राप्रपा बाँकेको आज निर्वाचन हुने भएको छ । निर्वाचनका लागि अहिले नगर भवनमा नेता कार्यकर्ताहरुको जमघट सुरु समेत भएको राप्रपा बाँकेका कोषाध्यक्ष तेज नारायण कंडेलले जानकारी दिए ।  कोषाध्यक्ष कंडेललको अनुसार नेपालगन्जको नगर भवमा हुने निर्वाचनका लागि अहिले अन्तिम नामावली केहिछिन पछि आउने भएको हो । अहिले जिल्लाका गाउँ गाउँ देखि नगर भवनमा नेता कार्यकर्ताहरुको बाक्लो उपस्थिति छ । जम्मा १ सय ५७  पार्सदले मतदान गर्न पाउने भएपछि अहिले आफ्नो पक्षमा मत पार्नका लागि आन्तरिक लविङ पनि भइरहेका छ । लामो समय देखि कुशल राजनीति गर्दै आएका कृष्ण प्रसाद खरेल,   नरेन्द्र पौडेल र दिपेन्द्र सिंह बिच प्रतिस्पर्धा हुने देखिएको छ । दुई÷दुई पटक पार्टीको जिल्ला अध्यक्ष भएर कुशल भूमिका निर्वाह गरिसकेका  खरेल जित्ने निश्चित  भएको दावि गरिएको छ ।

राप्तीपारिका सामुदायिक बन संरक्षण मूखि बाट उत्पादन मूखि तिर

माघ २४, नेपालगन्ज,
राप्तीपारिका सामुदायिक बनलाई अब संरक्षण मूखि भन्दा उत्पादन मुखि बनाउने अभियान थालिएको छ । ईलाका बन कार्यालय धामपुरका प्रमुख रेन्जर चन्द्र नेपालीका अनुसार संरक्षण गरिएका बनहरुलाई अब उत्पादन मुखि बनाउने अभियान थालि सकिएको हो । रेन्जर नेपालीले ईलाका अन्तरगत पार्ने १० वटा सामुदायिक बनका पदाधिकारीहरुलाई विभिन्न किसिमका तालिम दिने, स्थलगत अनुगमन लगायत जनचेतना मुलक अभियान सन्चालन गरेको जनाए । बिरुवा कसरी रोप्ने, फडाँनी कसरी गर्ने, संरक्षण कसरी गर्ने लगायतका उत्पादन मूखि कार्यक्रमहरु सन्चालनमा आएको रेन्जर नेपालीले जनाएका हुन् । यस्तो खालको कार्यक्रमले बन संरक्षण मूखि बाट उत्पादन मूखि तिर जाने पक्का छ ।

राप्रपाको जिल्ला अध्यक्षको लागि सिंह पनि उम्मेदवार

क्षेत्र न २ को क्षेत्रिय सभापतिमा भारीमतले बिजय भएका दिपेन्द्र सिंह पनि राप्रपा बाँकेको जिल्ला अध्यक्षको लागि उम्मेदवारी दिने भएका छन् । सोमबार सन्चारकर्मिहरु संग कुराकानी गर्दै राजसंस्था र हिन्दु राष्ट्रको एजेण्डा स्थापित गर्नका लागि जिल्लामा आफ्नो नेतृत्वको खाँचो रहेको धारणा व्यक्त गरे । लामो समय देखि राप्रपाको राजनीतिमा सक्रिय रहेका सिंह क्षेत्रिय सभापति, जिल्ला अध्यक्ष, युवक संघको अध्यक्ष भएर सफलता पुर्वक नेृतत्व गरिसकेका छन् । कार्यकर्ताहरुको माग अनुसार आफ्नो उम्मेदवारी आउन लागेको बताउदै कसैको दवावमा फिर्ता नलिने समेत सिंहले प्रष्ट पारे । अध्यक्ष पदमा आफुलाई भारीमतले जिताउन सबैको सहयोग आवश्यक रहेको धारणा राखे ।

खरेललाई कंडेलको साथ,
राप्रपाको राजनीतिमा सच्चा पौडेल पक्षधर मानिने जिल्ला कोषाध्यक्ष तेजनारायण कंडेल खुलेर खरेलको पक्षमा लागि परेका छन् । आफ्नो  बलियो खम्बा मान्ने पौडेल पक्ष कंडेल एकाएक खरेल तिर उभिएपछि उनीहरु चकित परेका छन् ।  विगत दुई साता देखि फेसवुक देखि, मनत्वय सम्ममा खरेलको पक्षमा प्रचार प्रसारलाई भाईरल बनाएका छन् ।
जहिले पनि उनीहरुकै पक्षमा बोल्ने कंडेल राप्रपाको जिल्लाको राजनीतिमा सक्षम मानिन्छन् । जिल्लाको सदस्य हुँदै कोषाध्यक्ष सम्म कुशल जिम्मेवारी निर्वाह गरेका  कंडेलले २७ बर्ष देखि निरन्तर राजनीति गरिरहेका खरेल जितेपछि पार्टीलाई धेरै सहयोग पुग्ने भन्दै खुलेर सहयोग गर्न थालेको जनाए ।

राप्रपाको राजनीतिमा पौडेल भन्दा खरेल सक्षम

विगत १ महिना देखि देशैभरी राष्ट्रिय प्रजातन्त्र पार्टीको गाउ देखि क्षेत्र सम्म अधिवेशन, निर्वाचन चलिरहेको छ । दुई राप्रपा एक भएपछि अहिले देशैभरी गर्मागर्मी चलिरहेको बेला बाँकेमा झनै माहोल तातिएको छ । यहि २५ गते हुने बाँके जिल्लाको अधिवेशनमा दुई पक्ष विच घमाशान युद्ध हुने देखिएको छ । लामो समय देखि कुशल राजनीति गर्दै आएका कृष्ण प्रसाद खरेल र राजनीतिमा खाशै नदेखिएका नरेन्द्र पौडेल बिच प्रतिस्पर्धा हुने देखिएको छ । यि दुई खेमा विच हुने लडाईमा पार्टीगत स्वार्थ भन्दा व्यक्तिगत, नातागत, स्वार्थगत चलखेल सुरु भएको छ । दुई÷दुई पटक पार्टीको जिल्ला अध्यक्ष भएर कुशल भूमिका निर्वाह गरिसकेका खरेललाई हराउन केन्द्रिय नेता देखि आफुलाई जिल्लाका ठुला भनाउदा नेताहरु लागि परेका छन् । पौडेल भन्दा खरेल जित्ने निश्चित  हुँदै गएपछि यतिबेला चलखेल सुरु भएको हो । जम्मा १ सय ५७ मत मध्ये खरेलले १ सय बढि मत ल्याउने पक्का भइसकेको छ ।

बैजापुरमा अंजिगर भेटिनेक्रम बढ्यो

दिपक चौधरी÷बैजापुरमा अंजिगर भेटिने क्रम बढेको छ । ईलाका बन कार्यालय धामपुर र बाँके राष्ट्रिय निकुन्जले दिएको सुचना अनुसार पछिल्लो २  महिनामा ६ वटा बढि अजिंगर सर्प भेटिएका हुन् । ईलाका बन कार्यालय धामपुरमा कार्यरत कर्मचारी यम रावतको अनुसार आज बिहान बैजापुर ६ खैरहनीमा अंजिगर सर्प भेटिएको हो । जाडोले कठ्याङ्ग्रीएको अवस्थामा फेला परेको र सकुशल उद्दार गरिएको जानकारी समेत रावतले दिए । यस अघि बैजापुरमै ठुला अजिंगर सर्प भेटिएका थिए ।

राप्रपाको र्याली एतिहासिक भएको दावी

राष्ट्रिय प्रजातन्त्र पार्टीले पुष  २० गते  नेपालगन्जको त्रीभुवन चोकमा गर्ने एकताको आमसभाको पुर्व सन्ध्यामा एतिहासिक र्याली निकालेको छ । राष्ट्रिय प्रजातान्त्रिक युवक संगठन बाँकेको अगुवाईमा कोहलपुर बाट नेपालगन्जसम्म एतिहासिक र्याली निकालिएको हो ।  युवक संगठनका जिल्ला अध्यक्ष हुकुम केसीका अनुसार राप्रपाका ३ दर्जन बढि नेताहरुलाई स्कटिङ्गका लागि निकालिएको र्यालीमा १ हजार मोटरसाईकल र १ सय ५० बढि साना गाडी सहभागि थिए । युवक संगठनका अध्यक्ष केसीले भने – दुई राप्रपा एक भएपछि पहिलो पटक भएको एतिहासिक र्यालीले बाँके जिल्ला राप्रपामय भएको छ, यस्ले बाँके जिल्लाको सबै निर्वाचन जित्न कुनै समस्या छैन् । युवक संगठनका बाँकेका सचिव अरुण शर्माले गाउँ गाउँबाट युवाहरुलाई उल्ख्येमात्रामा सहभागिता गराएको जनाए । र्यालीमा सोँचेको भन्दा बढि युवाहरुको सहभागिता भएको जनाउदै सचिव शर्माले राष्ट्रवादी विचार बोकेर र्याली सफल पार्न सहयोग गरेकोमा पार्टीका सबै भातृ संगठनका युवाहरु सबैमा धन्यवाद ज्ञापन गरे  । हिन्दु राष्ट्रको ऐजेण्डा बोेकेको एक मात्र पार्टी राप्रपा भएकोले आमसभामा मध्यपश्चिमका सबैजिल्लाका गरि ५० हजार जनता आउने दावी गरिएको छ । आम सभालाई सम्वोधन गर्न राप्रपाका केन्द्रिय अध्यक्ष कमल थापा, राष्ट्रिय अध्यक्ष पशुपति शम्शेर राणा, बरिष्ठ अध्यक्ष प्रकाश चन्द्र लोहनी, महामन्त्री डा। धवल शम्शेर राणा,  बरिष्ठ नेता लोकेन्द्र बहादुर चन्द, पुर्व मन्त्रीद्धय प्रेम बहादुर भण्डारी, फतेसिंह थारु कोमल ओली, रेखा थापा लगायत एक दर्जन बढि केन्द्रीय नेताहरु आउने कार्यक्रम रहेको छ  ।

आमसभामा महिला संगठनको सक्रियता

राष्ट्रिय प्रजातन्त्र पार्टीले पुष २० गते  नेपालगन्जको त्रीभुवन चोकमा गर्ने एकताको आमसभामा महिलाहरुले सक्रियता देखाएका छन । राष्ट्रिय प्रजातान्त्रीक महिला संगठन बाँकेकि अध्यक्ष विन्दु चर्तिमगरको अध्यक्षतामा बैठक बसि विभिन्न तयारीलाई तिव्रता दिएको हो । स्वगत सत्कारको जिम्मा पाएको महिला संगठन सोमबार नेपालगन्ज नगरको विभिन्न भागमा पोष्टर वितरण गर्ने लगायतका घरदैलो कार्यक्रम गरिएको जिल्ला नगर सचिव विष्णु सिंह ठकुरीले जानकारी दिइन्  । आम सभालाई सम्वोधन गर्न राप्रपाका केन्द्रिय अध्यक्ष कमल थापा, राष्ट्रिय अध्यक्ष पशुपति शम्शेर राणा, बरिष्ठ अध्यक्ष प्रकाश चन्द्र लोहनी, महामन्त्री डा। धवल शम्शेर राणा,  बरिष्ठ नेता लोकेन्द्र बहादुर चन्द, पुर्व मन्त्रीद्धय प्रेम बहादुर भण्डारी, फतेसिंह थारु कोमल ओली, रेखा थापा लगायत एक दर्जन बढि केन्द्रीय नेताहरु आउने कार्यक्रम रहेको छ । आम सभाको अघिल्लो दिन भोली १९ गते  कोहलपुर बाट मोटरसाईकल र्याली समेत निकालिने भएको राप्रपा बाँकेले जनाएको छ । भोली १९ गते नै होटल वाटिकामा मध्यपश्चिमका सम्पुर्ण जिल्लाहरुको जिल्ला अध्यक्ष र केन्द्रिय सदस्यहरुको भेला समेत हुने कोषाध्यक्ष तेज नारायण कंडेलले उल्लेख गरे ।

आमसभाको तयारी पुरा भएको राप्रपा द्धारा जानकारी

राष्ट्रिय प्रजातन्त्र पार्टी बाँकेले पुष २० गते  नेपालगन्जको त्रीभुवन चोकमा गर्ने एकताको आमसभाको तयारी पुरा भएको जनाएको छ । आज नेपालगन्जमा पत्रकार सम्मेलन गरि क्षेत्रिय स्तरको एकताको आमसभाको तयारी पुरा भएको जनाएको हो । पत्रकार सम्मेलनमा बोल्दै राप्रपाका महामन्त्री डाः धवल शम्शेर राणाले आम सभा एतिहासिक हुने जनाउदै सम्पुर्ण तयारी पुरा भएको जनाएका हुन् । हिन्दु राष्ट्रको ऐजेण्डा बोेकेको एक मात्र पार्टी राप्रपा भएकोले आमसभामा मध्यपश्चिमका सबैजिल्लाका गरि ५० हजार जनता आउने दावी समेत महामन्त्री राणाले गरे । पत्रकार सम्मेलनमा बोल्दै महामन्त्री राणाले प्रचार, प्रसार, गाउँ गाउँ बाट बस परिचालन गर्ने लगायतका सम्पुर्ण तयारी पुरा भएको उल्लेख गरे ।  आम सभालाई सम्वोधन गर्न राप्रपाका केन्द्रिय अध्यक्ष कमल थापा, राष्ट्रिय अध्यक्ष पशुपति शम्शेर राणा, बरिष्ठ अध्यक्ष प्रकाश चन्द्र लोहनी, महामन्त्री डा. धवल शम्शेर राणा,  बरिष्ठ नेता लोकेन्द्र बहादुर चन्द, पुर्व मन्त्रीद्धय प्रेम बहादुर भण्डारी, फतेसिंह थारु कोमल ओली, रेखा थापा लगायत एक दर्जन बढि केन्द्रीय नेताहरु आउने कार्यक्रम रहेको छ । आम सभाको अघिल्लो दिन भोली १९ गते  कोहलपुर बाट मोटरसाईकल र्याली समेत निकालिने भएको राप्रपा बाँकेले जनाएको छ । भोली १९ गते नै होटल वाटिकामा मध्यपश्चिमका सम्पुर्ण जिल्लाहरुको जिल्ला अध्यक्ष र केन्द्रिय सदस्यहरुको भेला समेत हुने कोषाध्यक्ष तेज नारायण कंडेलले उल्लेख गरे ।