राप्ती सोनारी गाउँपालिकामा एमालेको घरदैलो अभियान

 दोस्रो चरणको निर्वाचनको मिति नजिकिदै गर्दा सबैजसो पार्टीहरुले चुनावी प्रचार प्रसारलाई तिव्रता दिएका छन् । बाँकेको विभिन्न नगर, गाउँपालिका संगै राप्ती सोनारी गाउँपालिकामा चुनावी अभियानले तिव्रता पाएको हो । नेपाली काँग्रेस, नेकपा एमाले, माओवादी राप्रपा लगायत अन्य दलले निर्वाचन जित्नका लागि जनताका घरघरमा पुगि रहेका छन । राप्ती सोनारी गाउँपालिकमा सबैभन्दा सक्रिय एमाले देखिएको छ । एमालेले राप्ती सोनारी गाउँपालिकाको ६वटै गाविसमा अभियान चलाई रहेको छ । सोमबार करिव २ सय ५० जनाको संख्यामा एमालेले घरदैलो अभियान गरेको गाउँ ईकाइ कमिटि  सचिव ओपेन्द्र रावतले जानकारी दिए । घरदैलो कार्यक्रममा गाउँ पालिकाका सभापति पदका उम्मेदवार तुलसी थारु लगायत सबै उम्मेदवार घरदैलो कार्यक्रममा सहभागि भएको समेत सचिव रावतले जनाए । उनका अनुसार घरदैलो अभियानबाट जनतामा एमाले प्रति उत्साह र आशा देखिएको छ ।

दुखमाःसुखको अनुभिती खोज्दै म्यादी आमाछोरी

यतिबेला विभिन्न संचार माध्ययम तथा प्रहरी प्रशासन क्षेत्रमा उमेर दिदि बहिनी लाग्ने म्यादी प्रहरी आमा छोरीको निकै चर्चा परिचर्चा छ । छोरी रितु परियार संगै म्यादी प्रहरीको तालिम, डियुटी अनि थुप्रै जमात विचको बसाई धनसरी परियारका लागि सबैभन्दा खुशिको पल आएको जस्तो लाग्छ । १४ बर्ष अघि  भारतको सिम्ला कमाउन गाएका श्रीमान अर्कै श्रीमती लिएर घर नफर्किदाको पीडा, बालबच्चा हुर्काउने पढाउने,अनि गरिविको विचबाट यहाँ सम्म आएकि धनसरा यो डेढ महिने जागेर बाट खुशि र हर्षित छिन् ।  ३५ बर्षिय धनसरा १९ बर्षिय छोरी रितु अहिले ईलाका प्रहरी कार्यालय बैजापुरमा म्यादी प्रहरी भएर बसिरहेका छन् । धनसरा भन्छीन छोरीलाई एसएलसीमा बिषय लागेको छ, म कक्षा आठ पास मात्रै गरेकि छुँ, आर्थिक अभाव थियो, भाग्यले आमाछोरी म्यादी भयौँ, जति दुख गर्नपरेपनि गर्छौ, यहि दुखमा हाम्रो खुशि लुकेको छ । म्यादी तालिम गस्ती अनि डियुटीमा पनि संगै सफलता पुर्वक काम गरिरहेका छन । त्यहि अनुसारको प्रहरीहरुले पनि संगै काम गर्ने वातावरण मिलाई दिएकोमा आफु झनै हर्षित भएको धनसरा बताउछिन् । श्रीमानले अर्कै विहे गरेपछि बाल बालिकाहरुलाई पढाउने काम गरेकि समेत उनि सम्झनछिन् । म्यादी जागीर बाट आएको पैसाले कान्छी छोरीलाई पढाउने र संगै म्यादी प्रहरी भएकि छोरी रितालाई प्रहरी बनाउने उनको सपना छ ।

बुटिक कडाईबाट आत्मनिर्भर बन्दै विनौनाका महिलाहरु

विनौनाका महिलाहरु बुटिक कडाई तालिम सिकेर आत्मनिर्भर बन्दै गएका छन् । समाज सुधार नेपाल नामक संस्थाले एक महिने बुटिक कडाई तालिम सिकेर आफुहरु आत्मनिर्भर बन्दै गएको बताएका हुन् । चैत्र १५ देखि वैशाख १५ गते सम्म चलेको एक महिने तालिम बाट उनीहरु व्यवसाय गर्न सक्ने भएका हुन् । द्धण्दको समयमा प्रभावित भएको २३ जना महिलाहरुलाई कडाई तालिम दिइएको हो । सभासद अन्जना चौधरीको सहयोगमा बाँके क्षेत्र न १का विभिन्न स्थानमा च्याउखेती, सिलाई कटाई, बुटिक कडाई लगायतको सिप मुलक तालिम चलाएको उक्त संस्थाका शंकर न्यौपानेले जानकारी दिए ।

बैजापुरका म्यादी प्रहरी सरसफाई अभियानमा

निर्वाचनका  लागि भर्ना भएका म्यादी प्रहरी फुर्सदको समयमा गाउँ घर सरसफाई अभियानमा लागेका छन् । ईलाका प्रहरी कार्यालय बैजापुरमा रहेका १ सय १२ जना म्यादी प्रहरी फुर्सदको समयमा सरसफाई अभियानमा सक्रिय हुन्छन् । ईलाका प्रहरी कार्यालयका इन्चार्ज प्रहरी नायव निरिक्षक देवीलाल घर्तिमगरका अनुसार अहिले सम्म विभिन्न विद्यालय, बाटो, सार्वजनिक संस्था गरि धेरै ठाउँमा सरसफाई भएको हो । गाउँघरमा म्यादी प्रहरी र नागरिक विचको सम्वन्ध सुधार तथा वातावरण स्वच्छ राख्ने उद्देश्यले सरसफाई अभियान चलाएको उक्त ईलाकामा कार्यरत प्रहरी सहायक निरिक्षक प्रेम शर्माले जानकारी दिए । नियमीत गस्ती संगसंगै सरसफाई अभियानमा स्थानीय बासिन्दाले पनि साथ दिएका छन् ।

निर्वाचनबारे एराप्रपा केन्द्रको निर्देशन कुर्दै

एकीकृत राप्रपा राष्ट्रवादी पार्टी बाँकेले स्थानीय निकायको निर्वाचनमा कसरी जाने भन्ने बिषयमा केन्द्रको निर्देशन प्रखिने भएको छ । बाँके जिल्ला अध्यक्ष तथा केन्द्रीय सदस्य कृष्ण प्रसाद खरेलको अध्यक्षतामा आज बसेको नियमीत बैठकमा जिल्लामा पार्टी निर्वाचनको लागि कसरी अगाडी बढ्ने उम्मेदवारी छनौट कुन प्रक्रियाले गर्ने भन्ने बिषयमा टुङ्गो लगाउनेबारे केन्द्र्रको निर्देशन आएपछि मात्रै हुने छलफल भएको हो । पार्टीका केन्द्रिय सदस्य तेज नारायण कंडेलले आन्तरिक रुपमा जागरुप भएर आ आफ्नो स्थानबाट लाग्न सबैलाई आग्रह गरे । केहि समय पछि भ्रष्ट्रचार विरुद्धको महा अभियान समेत बाँके बाट पार्टीले सुरु गर्न लागेको जानकारी दिए ।
नियमीत बैठकमा बोल्दै पार्टीका केन्द्रीय सदस्य उदय सिंह श्रेष्ठले यहि ९ र १० गते हुने केन्द्रिय सदस्यहरुको भेला पछि जिल्ला, जिल्लामा चुनावी रणनीति लागु गर्ने जनाए ।  साथै नियमीत बैठकमा केन्द्रीय सदस्य श्रेष्ठले पार्टीलाई १० ओटा कुर्सी सहयोग गर्ने घोषणा गरेका छन् ।

शिव सेना नेपालको नयाँ कार्यसमिति

शिव सेना नेपाल बाँकेको जिल्ला कार्यसमिति पुन गठन गरिएको छ । आज भएको एक भेलाले निलम गुरुङको अध्यक्षतामा ११ सदस्यीय गठन गरिएको छ । नयाँ कार्यसमितिको उपाध्यक्षमा मदन राज शर्मा, सचिवमा राजकुमार लोध, सह सचिवमा राजु गोडिया, कोषाध्यक्षमा रामदिन साहु रहेका छन् यस्तै सदस्यहरुमा अजुर्न चौहान, सहदेव चौहान,राजेश कनौजिया,शिव कुमार यादव लगायत ११ कार्य समिति तयार गरिएको हो । शिव सेना नेपालको केन्द्रिय सदस्य राजकुमार रौनियारको अध्यक्षतामा भएको कार्यक्रममा नयाँ कार्य समिति गठन गरिएको कोषाध्यक्ष साहुले बताए ।

सुविधा सम्पन्न भवन अध्यारै, अध्यारो, शान्ति सुरक्षामा चुनौती

                                                  तत्काल उपलब्ध गराउँछु ः एसपी राई

स्थानीय राजनीतिक दलपनि सक्रिय

ईलाका प्रहरी कार्यालय बैजापुर बाँकेको सुविधा सम्पन्न भवन विद्युत नहुँदा अध्यारै अध्यारो भएको छ । राप्तीपारिका गाउँमा विद्युत त गएको छैन् नै तर सामान्य सोलार पनि जडान गर्न नसक्दा प्रहरीलाई शान्ति सुुरक्षा स्थापना गर्नमा चुनौती थपिएको छ । द्धण्द्धकालमा भत्काइएको भवन शान्ति तथा पुनर निर्माण मन्त्रालयले डेढ करोडको लगानीमा  १३ कोठे सुविधा सम्पन्न भवन बनाइदिएपनि विद्युत नहुँदा प्रहरीलाई चुनौती थपिएको हो । यस अघि विद्युत नहुँदा रातीको समयमा हिरासत बाटअभियुक्त परार भएर प्रहरीलाई कारवाही भएको थियो । ईलाका प्रहरी कार्यालयका प्रहरी प्रमुख प्रहरी नायव निरिक्षक देवीलाल घर्तिमगरले विद्युत नहुँदा कहिलो कसो सन्चारबाट पनि विच्छेड हुने आवस्था आउने गरेको जनाए । सामान्य सोलार बाट पनि विजुली बाल्न नसकिरहेको बेला झै झगडा, कुनै पनि अपराधमा अभियुक्तलाई रातीको समयमा हिरासतमा राख्दा समस्या हुने गरेको जनए ।
बाँकेका प्रहरी प्रमुख प्रहरी उपरिक्षक टेक प्रसाद राईले अहिलेको पहिलो आवश्यकता त्यहाको उज्यालो रहेकोले आफुले जति सक्दो तत्काल व्यवस्था गर्ने प्रतिवद्धता जनाएका छन् । कार्यालयमा बजेट नभएपनि कुनै ठुलो रकम होइन् निर्वाचनको समयमा त झन विद्युत आवश्यक हो, जसरी पनि उपलब्ध गराउछु प्रहरी प्रमुख राईले भने । पत्रकार हेमन्त चौधरी संग कुराकानी गर्दै एसपी राईले १ सय जना म्यादी प्रहरी पनि उक्त ईलाकामा तालिमको लागि पठाउन थालिएको जनाकारी दिए ।
उक्त क्षेत्रका नेता तथा नेपाली काँग्रेस बाँकेका पुर्व कार्यवाहक सभापति लाहुराम थारुले प्रविधिको युगमा पनि २४ घन्टा जनताको सेवमा खटिने प्रहरी अध्याँरोमा बस्नु दुखदायी भएको जनाउँदै तत्काल उपलब्ध गराउनु पर्ने धारणा राखे । पुर्व सासंद तथा माओवादी नेता पट्टु थारुले राजनीतिक दलको पहलमा तत्काल सोलार उपलब्ध गराउनु पर्ने जनाए । २०२३ सालमा बैजापुरमा प्रहरी चौकीको रुपमा स्थापना हुँदै२०४५ सालमा ख श्रेणीको ईलाका भएको थियो ।

वातावरणको सरसफाई आफैबाट सुरुवात गरौं ः कंडेल

एकीकृत राप्रपाका केन्द्रिय सदस्य तेजनारायण कंडलले वातवरण सरसफाई गरि स्वच्छ राख्नका लागि आफ्नै घर बाट सरसफाईको सुरुवात गर्नुपर्ने बताएका छन् । आज नेपालगन्ज उपमहानगरपालिका १६ जयसपुरमा आज भएको नाली तथा बाटो सरसफाई अभियान  कार्यक्रममा गर्दै स्वच्छ वातावरणको पहिलो कडी आफ्नै घरबाट सुरुवात गर्नुपर्ने प्रष्ट पार्दै सबैले सरसफाईमा ध्यान दिन आवश्यक रहेको उल्लेख गरेका हुन् । बढ्दो जनसंख्यालाई व्यवस्थापन गर्ने, उद्योग कलकारखाना बाट निस्कने फोहर व्यवस्थापन जस्तो महत्वपुर्ण कार्यमा सरकार अग्रसर हुनुपर्ने भन्दै नेपाली नागरिक निरोगी बन्नु
आफ्नो पार्टीको सफलता हुने दावी समेत गरे । नेपालगन्ज उपमहानगरपालिकाले लक्षित बर्गका लागि गर्दै आएको नियमीत कार्यक्रम अन्तरगत बिहीबार जयसपुरमा चेतना परिवारको सहजीकरणमा सरसफाई कार्यक्रम सम्पन्न गरेको हो ।

बाँकेमा खाद्य तथा काष्मेटिक व्यवसायि संगठित

खाद्य तथा काष्मेटीक पदार्थको  करोबार गर्ने विभिन्न व्यवसायहरु बाँकेमा संगठित भएका छन् । आहार पुरक डायटरी सप्लीमेण्ट अर्थात (फ्यान क्यान) नामक संस्थामा व्यवसायिहरु संगठित भएका हुन् । फ्यान क्यानका केन्द्रिय सदस्य रामदिन मोदीका अनुसार खाद्यमा दर्ता भएका पौष्टिक आहार अन्तरगत पर्ने विभिन्न पदार्थ तथा काष्मेटीक कारोबार गर्ने जिल्लाका व्यवसायिहरु संगठित भएका हुन् । केन्द्रीय सदस्य मोदीका अनुसार अध्यक्षमा विजेन्द्र सिहं ठकुरी, उपाध्यक्षमा प्रमेश कुमार वर्मा,कोषाध्यक्षमा रामदिन साहु
ू,सचिवमा
लवराज श्रेष्ठ,सदस्यमा चित्र कुमार थापा, रवि जायशवाल, नन्दलाल शाहनी र राज कुमार शर्मा रहेका छन् ।

राप्रपालाई श्रेष्ठको खुल्ला पत्र

२०१३ साल जेष्ठ १५ गते बुबा मंगलाल श्रेष्ठ तथा माता नुक्षेमाया श्रेष्ठको कोखबाट साईलो छोराको रुपमा काभ्रे जिल्ला मेछेगाविस ३ मा जन्मिएका गणेश बहादुर श्रेष्ठ बाल्यकाल देखि समाजिक, धार्मिक, सांस्कृतिक क्षेत्रमा सेवा गर्दै आएर २०२८ साल  पन्चायत कालमा नेपालको ७५ जिल्लाको भ्रमण गरि जनचेतना मुलक कार्याक्रम गर्दै सक्रिय राजनीतिमा अहिले सम्म लागि परेका छन् । राप्रपाको राजनीतिमा सक्रिय रहेका श्रेष्ठ मेची महाकाली जोतिलिङ्ग यात्रा समेत गरिसकेका छन् । गाउँको वडा कमिटि देखि,जिल्ला, क्षेत्र र केन्द्र सम्ममा सक्रिय राजनीति गरेर राम्रो छवि बनाएका गणेश बहादुर श्रेष्ठको राप्रपा पार्टीलाई सुझाव 

१,संवैधानिक राजतन्त्र हिन्दु अधिराज्य यथावत कायम राख्न ।
२,राष्ट्रिय प्रजातन्त्र पार्टीको स्थापना कालदेखि अणवरत रुपमा आस्था, विश्वासका साथ रहदै हलो चिन्ह बोक्दै आजको दिन आइपुग्दा जनतको आस्था र विश्वासको चिन्ह हलो नै कायम गरिनु पर्दछ ।
३, राष्ट्रियताको सवालमा नेपाल आमालाई सदा सदा जवसम्म घाम जुन रहन्छ, त्यतीबेला सम्म आफुले शरिरमा एक थोपा रगत रहन्जेल राष्ट्रलाई जिवन दिन तयार रहने नेतृत्वलाई सधै जोगाई राख्न पर्दछ ।
४, .श्री ५ ज्ञानेन्द्र, सरकारले २०६२ साल माघ महिनामा घोषणा गरेको स्थानीय निकायको निर्वाचन हुँदा बनेपा नगर पालिकाको मेयरमा श्रीमान श्रीमती बहुमतले निर्वाचित भएर सरकारले दिएको भत्तापनि जनताको सेवमामा दान दिएको इतिहास विरलै होला, भन्ने लाग्दछ ।
५, दश बर्षिय जनयुद्ध तथा सात दलिय आन्दोलनको समयमा पनि विभिन्न वाधा अड्चन भएपनि जिन्दगी दाउमा लगाएर नेपाली जनताको अधिकारको लागि लडे÷ अहिले आएर नेतृत्व वर्ग, नेतागण लगायत सम्पुर्ण मानुभावहरुले एकपटक सहयोग गर्दा के  फरक पर्दछ ।
६, विश्वको एकमात्र हिन्दुराज्य नेपाल ओमकार परिवार लगभग सवा दुई अर्व जनताको धरोहर आस्थाको बिन्दु नेपालमा ९४ प्रतिशत, वौद्ध, जयन सिक रहेको देशमा धर्म निरपेक्षता किन भयो ? त्यसको विरुद्धमा मेरो आवाज हो ।

पुर्वमन्त्री थारु जनजातिबाट लड्दै

पन्चायतकालमा पटक पटक मन्त्री भएर देश सेवा गरेका बाँकेका फत्तेहसिंह थारु जनजताति बाट केन्द्रिय सदस्यमा उम्मेदवारी दिने भएका छन् ।  आज देखि हुने राप्रपाको महाधिवेशन पछि हुने निर्वाचनमा पुर्वमन्त्री थारु जनजतिबाट उम्मेदवारी दिने भएका हुन् । पार्टी भित्र राम्रो छवि बनाएका पुर्वमन्त्री थारु केन्द्रीय सदस्य जित्ने सुनिश्चित भएको उनीबारे जानकार राप्रपाका नेता तेज नारायण कंडेलले जानकारी दिए । कंडेलका अनुसार शिक्षामन्त्री, संचारमन्त्री, उद्योगमन्त्री लगायत आधादर्जन बढि  मन्त्रालय सम्महली सकेका छन् । 

ढकाल प्रचार प्रसारमै व्यस्त

यहि फाल्गुन ६ देखि हुने राप्रपाको महाधिवेशनमा खुल्ला तर्फबाट केन्द्रिय सदस्यका लागि हिक्मत ढकाल आज पनि दिनभरी प्रचार प्रसारमै व्यस्त रहे ।  मध्यपश्चिमका प्रभावशालि नेताको रुपमा परिचित नेता ढकाल केन्द्रीय स्तरका ठुला नेता देखि जिल्ला जिल्ला बाट आएका पार्षदहरु संग भेटघाट जारी राखेको बाँकेका पार्टी प्रवक्ता श्रीधर सुवेदीले जानकारी दिए । राष्ट्यिताका संरक्षण प्रजातान्त्रिक उदारवादको माध्ययम बाट सम्मुनत पार्टी निर्माणका लागि आफ्नो उम्मेदावरी आएको दावि गर्दै नेता ढकालले आफ्नो जित्ने आधार प्रसस्त रहेको दावी गरे । जम्मा ३ हजार ३ सय ८० मत रहेको निर्वाचनमा मध्य र सुदुर पश्चिम तथा देशैभरीका पार्सदहरुमा परिचित अनुहारका उम्मेदवार ढकाल जित्ने सुनिश्चीत हुँदै गएको छ । 

शाह पनि केन्द्रिय सदस्यका उम्मेदवार

लामो समय देखि राजनीतिमा सक्रिय रहेका तेज विक्रम शाह पनि अब केन्द्रीय सदस्य लड्ने भएका छन् । बाँके हुँदै अंचल क्षेत्र सम्म कुशल राजनीति गरेर नाम कमाएका शाह राप्रपाको खुल्ला तर्फबाट केन्द्रिय सदस्यमा उठ्न लागेका हुन् । भोली ६ देखि हुने महाधिवेशनको उद्घाटन पछि हुने केन्द्रीय सदस्यको निर्वाचनमा शाह खुल्ला बाट केन्द्रीय सदस्यमा उठ्न लागेका हुन् ।  राष्ट्यिता राष्ट्यि अखण्डता, संवैधानिक राजतन्त्र, हिन्दुराष्ट् स्थापनाको लागि आफ्नो उम्मेदवारी रहेको शाहको दावी छ । ३ हजार ३ सय ८० मत  मध्ये अधिकाँस मत आफुलाई आउने शाहले दावी गर्दै सबैले सहयोग गर्नुपर्ने धारणा राखेका छन् ।

केन्द्रीय सदस्यमा ढकालको उम्मेदवारी

फागुन ४, काठमाण्डौ,
यहि फाल्गुन ६ देखि हुने राप्रपाको महाधिवेशनमा खुल्ला तर्फबाट केन्द्रिय सदस्यका लागि हिक्मत ढकाल पनि चुनावी मैदानमा उत्रिने भएका छन् । मध्यपश्चिमका प्रभावशालि नेताको रुपमा परिचित नेता ढकाल खुल्ला बाट केन्द्रिय सदस्यमा लड्ने घोषणा गरेका हुन् । राष्ट्यिताका संरक्षण प्रजातान्त्रिक उदारवादको माध्ययम बाट सम्मुनत पार्टी निर्माणका लागि आफ्नो उम्मेदावरी आएको दावि गर्दै नेता ढकालले आफ्नो जित्ने आधार प्रसस्त रहेको दावी गरे । आज बिहान राप्रपाका पार्टी अध्यक्ष कमल थापा लगायत ठुला नेताहरुको सल्लाह अनुसार केन्द्रीय सदस्यमा जित्ने आधार धेरै रहेको बाँकेका पार्टी प्रवक्ता श्रीधर सुवेदीले जानकारी दिए । जम्मा ३ हजार ३ सय ८० मत रहेको निर्वाचनमा मध्य र सुदुर पश्चिम तथा देशैभरीका पार्सदहरुमा परिचित अनुहारका उम्मेदवार ढकाल रहेको उनीबारे जानकार तथा प्रवक्ता सुवेदीले दावी गरे । यस अघि पनि ढकाल केन्द्रीय सदस्य थिए ।

उम्मेदवारको अन्तिम नामावली प्रकाशन

राप्रपा बाँकेको आज हुने निर्वाचनको अन्तिम नामावली प्रकाशित भएको छ । निर्वाचन समितिका संयोजक मोहन केसीको अगुवाईमा निर्वाचनको अन्तिम नामावली बाहिर आएको हो । जस अनुसार अध्यक्ष पदका लागि तीन जना, र सदस्य पदका लागि ४७ जना प्रतिस्पर्धा गर्ने भएका हुन् । राप्रपा बाँकेका कोषाध्यक्ष तेज नारायण कंडेलका अनुसार अन्तिम नामावली प्रकाशन संगै अब  केहि छिन पछि निर्वाचन हुने छ । २६ सदस्य पदका लागि ४७ जनाले प्रतिस्पर्धा गर्न लागेका हुन् । 

अध्यक्षका लागि खरेल, पौडेल र सिंह विच प्रतिस्पर्धा

माघ २५ गते,
राप्रपा बाँकेको आज निर्वाचन हुने भएको छ । निर्वाचनका लागि अहिले नगर भवनमा नेता कार्यकर्ताहरुको जमघट सुरु समेत भएको राप्रपा बाँकेका कोषाध्यक्ष तेज नारायण कंडेलले जानकारी दिए ।  कोषाध्यक्ष कंडेललको अनुसार नेपालगन्जको नगर भवमा हुने निर्वाचनका लागि अहिले अन्तिम नामावली केहिछिन पछि आउने भएको हो । अहिले जिल्लाका गाउँ गाउँ देखि नगर भवनमा नेता कार्यकर्ताहरुको बाक्लो उपस्थिति छ । जम्मा १ सय ५७  पार्सदले मतदान गर्न पाउने भएपछि अहिले आफ्नो पक्षमा मत पार्नका लागि आन्तरिक लविङ पनि भइरहेका छ । लामो समय देखि कुशल राजनीति गर्दै आएका कृष्ण प्रसाद खरेल,   नरेन्द्र पौडेल र दिपेन्द्र सिंह बिच प्रतिस्पर्धा हुने देखिएको छ । दुई÷दुई पटक पार्टीको जिल्ला अध्यक्ष भएर कुशल भूमिका निर्वाह गरिसकेका  खरेल जित्ने निश्चित  भएको दावि गरिएको छ ।

राप्तीपारिका सामुदायिक बन संरक्षण मूखि बाट उत्पादन मूखि तिर

माघ २४, नेपालगन्ज,
राप्तीपारिका सामुदायिक बनलाई अब संरक्षण मूखि भन्दा उत्पादन मुखि बनाउने अभियान थालिएको छ । ईलाका बन कार्यालय धामपुरका प्रमुख रेन्जर चन्द्र नेपालीका अनुसार संरक्षण गरिएका बनहरुलाई अब उत्पादन मुखि बनाउने अभियान थालि सकिएको हो । रेन्जर नेपालीले ईलाका अन्तरगत पार्ने १० वटा सामुदायिक बनका पदाधिकारीहरुलाई विभिन्न किसिमका तालिम दिने, स्थलगत अनुगमन लगायत जनचेतना मुलक अभियान सन्चालन गरेको जनाए । बिरुवा कसरी रोप्ने, फडाँनी कसरी गर्ने, संरक्षण कसरी गर्ने लगायतका उत्पादन मूखि कार्यक्रमहरु सन्चालनमा आएको रेन्जर नेपालीले जनाएका हुन् । यस्तो खालको कार्यक्रमले बन संरक्षण मूखि बाट उत्पादन मूखि तिर जाने पक्का छ ।

राप्रपाको जिल्ला अध्यक्षको लागि सिंह पनि उम्मेदवार

क्षेत्र न २ को क्षेत्रिय सभापतिमा भारीमतले बिजय भएका दिपेन्द्र सिंह पनि राप्रपा बाँकेको जिल्ला अध्यक्षको लागि उम्मेदवारी दिने भएका छन् । सोमबार सन्चारकर्मिहरु संग कुराकानी गर्दै राजसंस्था र हिन्दु राष्ट्रको एजेण्डा स्थापित गर्नका लागि जिल्लामा आफ्नो नेतृत्वको खाँचो रहेको धारणा व्यक्त गरे । लामो समय देखि राप्रपाको राजनीतिमा सक्रिय रहेका सिंह क्षेत्रिय सभापति, जिल्ला अध्यक्ष, युवक संघको अध्यक्ष भएर सफलता पुर्वक नेृतत्व गरिसकेका छन् । कार्यकर्ताहरुको माग अनुसार आफ्नो उम्मेदवारी आउन लागेको बताउदै कसैको दवावमा फिर्ता नलिने समेत सिंहले प्रष्ट पारे । अध्यक्ष पदमा आफुलाई भारीमतले जिताउन सबैको सहयोग आवश्यक रहेको धारणा राखे ।

खरेललाई कंडेलको साथ,
राप्रपाको राजनीतिमा सच्चा पौडेल पक्षधर मानिने जिल्ला कोषाध्यक्ष तेजनारायण कंडेल खुलेर खरेलको पक्षमा लागि परेका छन् । आफ्नो  बलियो खम्बा मान्ने पौडेल पक्ष कंडेल एकाएक खरेल तिर उभिएपछि उनीहरु चकित परेका छन् ।  विगत दुई साता देखि फेसवुक देखि, मनत्वय सम्ममा खरेलको पक्षमा प्रचार प्रसारलाई भाईरल बनाएका छन् ।
जहिले पनि उनीहरुकै पक्षमा बोल्ने कंडेल राप्रपाको जिल्लाको राजनीतिमा सक्षम मानिन्छन् । जिल्लाको सदस्य हुँदै कोषाध्यक्ष सम्म कुशल जिम्मेवारी निर्वाह गरेका  कंडेलले २७ बर्ष देखि निरन्तर राजनीति गरिरहेका खरेल जितेपछि पार्टीलाई धेरै सहयोग पुग्ने भन्दै खुलेर सहयोग गर्न थालेको जनाए ।

राप्रपाको राजनीतिमा पौडेल भन्दा खरेल सक्षम

विगत १ महिना देखि देशैभरी राष्ट्रिय प्रजातन्त्र पार्टीको गाउ देखि क्षेत्र सम्म अधिवेशन, निर्वाचन चलिरहेको छ । दुई राप्रपा एक भएपछि अहिले देशैभरी गर्मागर्मी चलिरहेको बेला बाँकेमा झनै माहोल तातिएको छ । यहि २५ गते हुने बाँके जिल्लाको अधिवेशनमा दुई पक्ष विच घमाशान युद्ध हुने देखिएको छ । लामो समय देखि कुशल राजनीति गर्दै आएका कृष्ण प्रसाद खरेल र राजनीतिमा खाशै नदेखिएका नरेन्द्र पौडेल बिच प्रतिस्पर्धा हुने देखिएको छ । यि दुई खेमा विच हुने लडाईमा पार्टीगत स्वार्थ भन्दा व्यक्तिगत, नातागत, स्वार्थगत चलखेल सुरु भएको छ । दुई÷दुई पटक पार्टीको जिल्ला अध्यक्ष भएर कुशल भूमिका निर्वाह गरिसकेका खरेललाई हराउन केन्द्रिय नेता देखि आफुलाई जिल्लाका ठुला भनाउदा नेताहरु लागि परेका छन् । पौडेल भन्दा खरेल जित्ने निश्चित  हुँदै गएपछि यतिबेला चलखेल सुरु भएको हो । जम्मा १ सय ५७ मत मध्ये खरेलले १ सय बढि मत ल्याउने पक्का भइसकेको छ ।

बैजापुरमा अंजिगर भेटिनेक्रम बढ्यो

दिपक चौधरी÷बैजापुरमा अंजिगर भेटिने क्रम बढेको छ । ईलाका बन कार्यालय धामपुर र बाँके राष्ट्रिय निकुन्जले दिएको सुचना अनुसार पछिल्लो २  महिनामा ६ वटा बढि अजिंगर सर्प भेटिएका हुन् । ईलाका बन कार्यालय धामपुरमा कार्यरत कर्मचारी यम रावतको अनुसार आज बिहान बैजापुर ६ खैरहनीमा अंजिगर सर्प भेटिएको हो । जाडोले कठ्याङ्ग्रीएको अवस्थामा फेला परेको र सकुशल उद्दार गरिएको जानकारी समेत रावतले दिए । यस अघि बैजापुरमै ठुला अजिंगर सर्प भेटिएका थिए ।

राप्रपाको र्याली एतिहासिक भएको दावी

राष्ट्रिय प्रजातन्त्र पार्टीले पुष  २० गते  नेपालगन्जको त्रीभुवन चोकमा गर्ने एकताको आमसभाको पुर्व सन्ध्यामा एतिहासिक र्याली निकालेको छ । राष्ट्रिय प्रजातान्त्रिक युवक संगठन बाँकेको अगुवाईमा कोहलपुर बाट नेपालगन्जसम्म एतिहासिक र्याली निकालिएको हो ।  युवक संगठनका जिल्ला अध्यक्ष हुकुम केसीका अनुसार राप्रपाका ३ दर्जन बढि नेताहरुलाई स्कटिङ्गका लागि निकालिएको र्यालीमा १ हजार मोटरसाईकल र १ सय ५० बढि साना गाडी सहभागि थिए । युवक संगठनका अध्यक्ष केसीले भने – दुई राप्रपा एक भएपछि पहिलो पटक भएको एतिहासिक र्यालीले बाँके जिल्ला राप्रपामय भएको छ, यस्ले बाँके जिल्लाको सबै निर्वाचन जित्न कुनै समस्या छैन् । युवक संगठनका बाँकेका सचिव अरुण शर्माले गाउँ गाउँबाट युवाहरुलाई उल्ख्येमात्रामा सहभागिता गराएको जनाए । र्यालीमा सोँचेको भन्दा बढि युवाहरुको सहभागिता भएको जनाउदै सचिव शर्माले राष्ट्रवादी विचार बोकेर र्याली सफल पार्न सहयोग गरेकोमा पार्टीका सबै भातृ संगठनका युवाहरु सबैमा धन्यवाद ज्ञापन गरे  । हिन्दु राष्ट्रको ऐजेण्डा बोेकेको एक मात्र पार्टी राप्रपा भएकोले आमसभामा मध्यपश्चिमका सबैजिल्लाका गरि ५० हजार जनता आउने दावी गरिएको छ । आम सभालाई सम्वोधन गर्न राप्रपाका केन्द्रिय अध्यक्ष कमल थापा, राष्ट्रिय अध्यक्ष पशुपति शम्शेर राणा, बरिष्ठ अध्यक्ष प्रकाश चन्द्र लोहनी, महामन्त्री डा। धवल शम्शेर राणा,  बरिष्ठ नेता लोकेन्द्र बहादुर चन्द, पुर्व मन्त्रीद्धय प्रेम बहादुर भण्डारी, फतेसिंह थारु कोमल ओली, रेखा थापा लगायत एक दर्जन बढि केन्द्रीय नेताहरु आउने कार्यक्रम रहेको छ  ।

आमसभामा महिला संगठनको सक्रियता

राष्ट्रिय प्रजातन्त्र पार्टीले पुष २० गते  नेपालगन्जको त्रीभुवन चोकमा गर्ने एकताको आमसभामा महिलाहरुले सक्रियता देखाएका छन । राष्ट्रिय प्रजातान्त्रीक महिला संगठन बाँकेकि अध्यक्ष विन्दु चर्तिमगरको अध्यक्षतामा बैठक बसि विभिन्न तयारीलाई तिव्रता दिएको हो । स्वगत सत्कारको जिम्मा पाएको महिला संगठन सोमबार नेपालगन्ज नगरको विभिन्न भागमा पोष्टर वितरण गर्ने लगायतका घरदैलो कार्यक्रम गरिएको जिल्ला नगर सचिव विष्णु सिंह ठकुरीले जानकारी दिइन्  । आम सभालाई सम्वोधन गर्न राप्रपाका केन्द्रिय अध्यक्ष कमल थापा, राष्ट्रिय अध्यक्ष पशुपति शम्शेर राणा, बरिष्ठ अध्यक्ष प्रकाश चन्द्र लोहनी, महामन्त्री डा। धवल शम्शेर राणा,  बरिष्ठ नेता लोकेन्द्र बहादुर चन्द, पुर्व मन्त्रीद्धय प्रेम बहादुर भण्डारी, फतेसिंह थारु कोमल ओली, रेखा थापा लगायत एक दर्जन बढि केन्द्रीय नेताहरु आउने कार्यक्रम रहेको छ । आम सभाको अघिल्लो दिन भोली १९ गते  कोहलपुर बाट मोटरसाईकल र्याली समेत निकालिने भएको राप्रपा बाँकेले जनाएको छ । भोली १९ गते नै होटल वाटिकामा मध्यपश्चिमका सम्पुर्ण जिल्लाहरुको जिल्ला अध्यक्ष र केन्द्रिय सदस्यहरुको भेला समेत हुने कोषाध्यक्ष तेज नारायण कंडेलले उल्लेख गरे ।

आमसभाको तयारी पुरा भएको राप्रपा द्धारा जानकारी

राष्ट्रिय प्रजातन्त्र पार्टी बाँकेले पुष २० गते  नेपालगन्जको त्रीभुवन चोकमा गर्ने एकताको आमसभाको तयारी पुरा भएको जनाएको छ । आज नेपालगन्जमा पत्रकार सम्मेलन गरि क्षेत्रिय स्तरको एकताको आमसभाको तयारी पुरा भएको जनाएको हो । पत्रकार सम्मेलनमा बोल्दै राप्रपाका महामन्त्री डाः धवल शम्शेर राणाले आम सभा एतिहासिक हुने जनाउदै सम्पुर्ण तयारी पुरा भएको जनाएका हुन् । हिन्दु राष्ट्रको ऐजेण्डा बोेकेको एक मात्र पार्टी राप्रपा भएकोले आमसभामा मध्यपश्चिमका सबैजिल्लाका गरि ५० हजार जनता आउने दावी समेत महामन्त्री राणाले गरे । पत्रकार सम्मेलनमा बोल्दै महामन्त्री राणाले प्रचार, प्रसार, गाउँ गाउँ बाट बस परिचालन गर्ने लगायतका सम्पुर्ण तयारी पुरा भएको उल्लेख गरे ।  आम सभालाई सम्वोधन गर्न राप्रपाका केन्द्रिय अध्यक्ष कमल थापा, राष्ट्रिय अध्यक्ष पशुपति शम्शेर राणा, बरिष्ठ अध्यक्ष प्रकाश चन्द्र लोहनी, महामन्त्री डा. धवल शम्शेर राणा,  बरिष्ठ नेता लोकेन्द्र बहादुर चन्द, पुर्व मन्त्रीद्धय प्रेम बहादुर भण्डारी, फतेसिंह थारु कोमल ओली, रेखा थापा लगायत एक दर्जन बढि केन्द्रीय नेताहरु आउने कार्यक्रम रहेको छ । आम सभाको अघिल्लो दिन भोली १९ गते  कोहलपुर बाट मोटरसाईकल र्याली समेत निकालिने भएको राप्रपा बाँकेले जनाएको छ । भोली १९ गते नै होटल वाटिकामा मध्यपश्चिमका सम्पुर्ण जिल्लाहरुको जिल्ला अध्यक्ष र केन्द्रिय सदस्यहरुको भेला समेत हुने कोषाध्यक्ष तेज नारायण कंडेलले उल्लेख गरे ।

मृतक मौलाना कि पत्नीलाई थर्ड एलायन्सद्धारा आर्थिक सहयोग

नेपालगंज,१६ पुष । मोहम्मद डे मनाउने क्रममा दुई समूह बिच भएको झडपमा परी घाईते भई उपचार का क्रममा पुस ४ गते मृत्यु भएका लक्ष्मणपुर निवासी ४५ वर्षीय मौलना वजहुल कमर खाँको परिवारलाई तराई मानव अधिकार रक्षक संजाल (थर्ड एलायन्स)ले एक कार्यक्रमका बिच शनिबार आर्थिक सहयोग गरेको छ । थर्ड एलायन्सका उप क्षेत्रीय प्रमुख आलम खानले मटेहिया घटनाका विषय पहिलो चरणको अध्ययन पुरा गरी सकेको बताउदै अन्तीम चरणको अध्ययन जारी रहेको बताउनु भयो । उहाँले अध्ययन पुरा भए पश्चात प्रतिबेदन सार्वजानिक गर्ने तयारी गरेको बताए । यस्तै उहाँले मृतक मौलाना वजहुल कमर खाँ कि पत्नी निजामुल निशाको बच्चाहरुको अध्ययनका लागि १० हजार रुपिया हस्तान्ञण गरेको बताउनु भयो । रकम हस्तान्त्रण कार्यक्रमलाई सम्बोधन गर्दै प्रधानमन्त्री कि स्वकीय सचिव कृष्णा केसी (नमूना)ले मौलानालाई उपचारका क्रममा बचाउन मोओबादी केन्द्र र नेपाल सरकारले अथक प्रयास गरे पनि भौतिक शरीर बचाउन नसकेको प्रति चिन्तीत भएको बताउदै मृतक मौलाना वजहुल कमर खाँ र मुनिजर खाँको परिवारलाई एक साता भित्र उचित रहात दिलाउने र एक जनालाई सरकारी जागिरको व्यवस्था गर्न सरकार लागी परेको बताउनु भयो । यस्तै माअ‍ोबादी केन्द्रका पोलिट व्युरो सदस्य अतर हुसेन फारुकीले थर्ड एलायन्सले मृतक परिवार प्रति देखाएको सहनभूति प्रति माओबादी केन्द्र सम्मान प्रकट गर्दछ । उहाँले अन्य मृतक र घाईतेहरुलाई समेत सहयोग गर्न सुझाव दिनु भएको थियो । जामा मस्जिदका निर्वातमान अध्यक्ष अब्दुल रहमान मियाँले सरकारले तत्काल पिडितहरुलाई रहात दिनु पर्ने बताउदै दोषीहरुलाई कानुनी दयारामा ल्याउन माग गर्नु भयो । यस्तै कार्यक्रमको प्रमुख अतिथि नेपाल पत्रकार महासंघका पूर्व केन्द्रीय सदस्य मोहम्मद हारुनले थर्ड एलायन्सले जुन सहयोगी भावना देखाएको छ त्यो अग्रेणी भूमिका भएको बताउदै मटेहिया घटना पश्चात केही तत्वहरु बाँकेमा अप्रिय घटना गराउन चलखेल गरे पनि मुस्लिम समूदाय र केही हिन्दु समूदायको सक्रियाताका कारण सम्प्रदायिक दंगाहुन बाट नेपालगंज जोगिएको बताए । उहाँले घटनामा संलग्न केही व्यक्तिहरुलार्ई प्रह्रीले नियन्त्रणमा लिई कानुनी दायरामा ल्याई सकेको र थप केही व्यक्तिहरुलाई छिट्टै प्रशासनले नियन्त्रणमा लिने कार्य गरी रहेको बताउनु भयो । रकम हस्तान्त्रण कार्यक्रमका प्रमुख अतिथि मोहम्मद हारुन,प्रधान मन्त्री कि स्वकीय सचिव कृष्णा केसी,अतहर हुसेन फारुकी, रहमान मियाँले संयुक्त रुपमा मृतक मौलाना बजहुल कमर खाँ कि श्रीमति निजामुल निशा खाँलाई बच्चाहरुको शिक्षामा अवरोध नपुगोस भन्नका लागि १० हजार रुपिया नगद हस्तान्त्रण गर्नु भएको थियो । रकम लिदै मृतक मौलाना कि पत्नी निशाले दोषीहरुलाई कारवाही गर्नका लागि पहल गर्न थर्ड एलायन्स संग आग्रह गर्नु भयो । उहाँले मेरो बच्चाहरुको शिक्षामा अवरोध नओस भन्नका लागि थर्ड एलायन्सले जुन कार्य गरेको छ त्यसको म श्रहना गर्न चाहन्छु । यता उपचारका क्रममा पनि थर्ड एलायन्सले काठमाडौ समेत उपचार खर्च बापत पनि रकम हस्तन्त्रण गरेको थियो । थर्ड एलायन्सको उप क्षेत्रीय कार्यालय नेपालगंजमा रकम हस्तान्त्रण गरिएको थियो ।

आमसभामा मिडिया नेपालको सक्रियता

राप्रपाको यहि २० गते नेपालगन्जमा हुने आमसभा सफल पार्न मिडिया नेपाल लागि परेको छ । मिडिया नेपाल क्षत्रिय कार्यालय नेपालगन्जले विशेष रुपमा आमसभा  सफल पार्र्न प्रचार प्रसार सुरु गरेको हो ।  मिडिया नेपालका केन्द्रिय उपाध्यक्ष उदय सिंह श्रेष्ठका अनुसार आमसभाको १४ हजार बढि पोष्टर छापेर बजारमा टाँस्ने कार्यक्रमहरु भइरहेको जनाए । २० गते राप्रपामय जिल्ला बनाउनका लागि महिला संगठन पनि सक्रिय रहेको नगर सचिव विष्णु सिंह ठकुरीले जानकारी दिइन् । उनका अनुसार आमसभामा महिलाहरुको सक्रियता बढाउन तयारी थालिएको जनाए । मिडिया नेपालको प्रचार प्रसारमा बिशेष सहयोग गरेका राष्ट्रिय प्रजातान्त्रिक विद्यार्थी संगठनका केन्द्रिय सदस्य कपिल शाहले आमसभा सफल पार्न लागि परेको जनाए

आमसभामा महिला, विद्यार्थी र युवाको सक्रियता

यहि पुष २० गते नेपालगन्जको त्रिभुवन हुने राप्रपाको आमसभामा युवा महिला तथा विद्यार्थी सक्रिय देखिएको छ । पार्टीका नगर सचिव विष्णु सिंह ठकुरीको अनुसार महिलाहरुले आमसभा सफल पार्न आन्तरिक तयारीमा जुटेका छन् । राप्रपाका युवक संगठनका जिल्ला अध्यक्ष हुकुम केसीको अनुसार १९ गते राप्रपामय जिल्ला बनाउन युवाहरुको संगठनले मोटरसाइकल र्याली गर्न लागेको छ । विद्यार्थी संगठनले पनि प्रचार प्रसारको जिम्मा लिएको छ । राप्रपा नेपाल र राप्रपा बिचको एकीकरण पछि पहिलो पटक गर्न लागिएको एकताको क्षेत्रिय आमसभा सफल पार्न तयारी व्यापक पारिएको हो । आमसभा सफल पार्नका लागि गाउँ गाउँमा प्रचार प्रसार, पोष्टर पम्पलेट छपाई जिल्ला स्तरको नेता कार्यक्रताको आमसभा बारे बैठक समेत गरिएको राप्रपाका युवा नेता ऋषिराज देवकोटाले जानकारी दिए । नेता देवकोटाका अनुसार त्रिभुनचोकमा हुने राप्रपाको आमसभामा केन्द्रिय अध्यक्ष कमल थापा, राष्ट्रिय अध्यक्ष पशुपति शम्शेर रााणा, बरिष्ठ नेता प्रकाश चन्द्र लोहनी महामन्त्री डा. धवल शम्शेर रााणा लगायत दर्जन बढि नेताहरु सम्वोधनको लागि आउने कार्यक्रम रहेको छ । राप्रपा बाँकेका अध्यक्ष कृष्ण प्रसाद खरेलले आम सभा सफल पार्न गाउँ गाउँ बाट जनतालाई नेपालगन्ज ल्याइने जनाए । आमसभाको व्यापक तयारी

आमसभाको व्यापक तयारी

यहि पुष २० गते नेपालगन्जको त्रिभुवन हुने राप्रपाको आमसभाको व्यापक तयारी गरिएको छ । राप्रपा नेपाल र राप्रपा बिचको एकीकरण पछि पहिलो पटक गर्न लागिएको एकताको क्षेत्रिय आमसभा सफल पार्न तयारी व्यापक पारिएको हो । आमसभा सफल पार्नका लागि गाउँ गाउँमा प्रचार प्रसार, पोष्टर पम्पलेट छपाई जिल्ला स्तरको नेता कार्यक्रताको आमसभा बारे बैठक समेत गरिएको राप्रपाका युवा नेता ऋषिराज देवकोटाले जानकारी दिए । नेता देवकोटाका अनुसार त्रिभुनचोकमा हुने राप्रपाको आमसभामा केन्द्रिय अध्यक्ष कमल थापा, राष्ट्रिय अध्यक्ष पशुपति शम्शेर रााणा, बरिष्ठ नेता प्रकाश चन्द्र लोहनी महामन्त्री डा. धवल शम्शेर रााणा लगायत दर्जन बढि नेताहरु सम्वोधनको लागि आउने कार्यक्रम रहेको छ । राप्रपा बाँकेका अध्यक्ष कृष्ण प्रसाद खरेलले आम सभा सफल पार्न गाउँ गाउँ बाट जनतालाई नेपालगन्ज ल्याइने जनाए ।

माघीमेला भब्य बनाउँछु संयोजक ः हरि चौधरी

थारुहरुको महान पर्वको रुपमा मनाईदै आएको माघे संक्रान्ति पर्वको अवसर पारेर लाग्ने बैजापुरको भूवर भवानी मेला सर्बसहमती बाट हुने भएको हो । गाविस स्तरिय समितिले सर्बदलिय छलफल बाट सबैको सहमती अनुसार समिति मार्फत मेला सन्चालन गर्ने भएको हो । गाविस स्तरिय मुल समितिले मेला सन्चालनका लागि स्थानीय हरि चौधरीलाई जिम्मा दिएको छ । व्यापारी तथा युवा नेता समेत रहेका संयोजक हरि चौधरी संयोजक रहने गरि ११ जना सदस्य रहने गरि सचिवालय समिति गठन गरिएको छ । सर्बपक्षिय समिति बाट हुने माघी मेला विगतका बर्षहरु भन्दा फरक र उल्लासमय हुने संयोजक चौधरीले दावी गरेका छन् । मेला बारे जानकारी दिंदै संयोजक चौधरीले तयारी स्वरुप स्टल दर्ता, मन्दिर रंगरोबन , फिल्ड सरसफाई टेन्ट बुकिङ्ग लगायतका कार्यभइरहेको जनाए । मेलाको अवधीभर स्थानीय कला संस्कृति झल्कने ५० बढि झाँकी नाँच, राष्ट्रिय कलाकारहरुको बेजोड प्रस्तुती समेत रहने छ ।  पुषको २९ गते देखि ४ गते सम्म लाग्ने मेलामा विगत बर्ष भन्दा सुरक्षा व्यवस्था पनि कडा पारिएको समेत संयोजक हरिले जानकारी दिए । कार्यक्रम उद्घाटनको दिन ५ हजार बढिको र्याली समेत निकालिने जानकारी दिए । र्यालीमा स्थानीय महिला समुह, सामुदायिक बन उपभोक्ता समुह, विद्यार्थी, राजनीतिक दलका प्रतिनिधि र स्थानीय वासिन्दाहरुको बाक्लो उपस्थिति रहने छ ।

कोहलपुरमा ६९ जनाले रक्तदान गरे

बाँकेमा रगतको अभाव देखिएपछि नेपाल मानव धर्मसेवा समिति भेरी अंचल आश्रम नेपालगन्जले गरेको आकाश्मिक रक्तदान कार्यक्रमममा ६९ जनाले रक्तदान गरेका छन् । गर्पाल मानव धर्म सेवा समिति बाँकेका सचिव तेज नारायण कंडेलका अनुसार ब्लड बैंकले रगत अभाव भएको सुचना दिएपछि बाँकेको कोहलपुरमा गरिएको रक्तदान कार्यक्रममा ६९ जनाले रक्तदान गरेका हुन् । कोहलपुरको दर्पण कम्प्युटर रहेको प्राङ्गनमा भएको रक्तदान  कार्यक्रममा मानिसहरुको उल्लेख्य सहभागिता रहेको थियो। रक्तदान कार्यक्रममा भेरी अंचल प्रभारी महात्मा नन्दनी बाइजीको समेत उपस्थिति रहेको सचिव कंडेलले जानकारी गराए ।  मानव धर्ममा क्रियाशिल रहेको नेपाल मानव धर्म सेवा समितिले विगत ५ बर्ष देखि रक्तदान लगायतका समाज सेवामा सर्मपित विभिन्न कार्यक्रम गर्दै आएको छ । गत असोज ५ गते गरेको रक्तदान कार्यक्रममा अहिले सम्मकै धेरै १ सय ७२ जनाले रक्तदान गरेको समेत सचिव कंडेलले उल्लेख गरे । नेपालगन्जको कारकाँदोमा कार्यालय स्थापना गरेर समितिले मानव सेवा दिइरहेको छ ।

बाँकेमा रगत अभाव देखिएपछि अकस्मात रक्तदान गरिदै

बाँकेमा रगतको अभाव देखिएपछि नेपाल मानव धर्मसेवा समिति भेरी अंचल आश्रम नेपालगन्जले आकाश्मिक रक्तदान कार्यक्रम गर्ने भएको छ  । नेपाल मानव धर्म सेवा समिति बाँकेका सचिव तेज नारायण कंडेलका अनुसार ब्लड बैंकले रगत अभाव भएको सुचना दिएपछि बाँकेको कोहलपुरमा रक्तदान गर्न लागिएको हो । सचिव कंडेलले कोहलपुरको दर्पण कम्प्युटर रहेको प्राङ्गनमा भोली शनिबार हुने रक्तदान  कार्यक्रममा सबैलाई सहयोग गर्न समेत अपिल गरेका छन् । बिहान ९ बजेदेखि हुने रक्तदान कार्यक्रममा भेरी अंचल प्रभारी महात्मा नन्दनी बाइजीको समेत उपस्थिति रहने सचिव कंडेलले जानकारी गराए ।  मानव धर्ममा क्रियाशिल रहेको नेपाल मानव धर्म सेवा समितिले विगत ५ बर्ष देखि रक्तदान लगायतका समाज सेवामा सर्मपित विभिन्न कार्यक्रम गर्दै आएको छ । गत असोज ५ गते गरेको रक्तदान कार्यक्रममा अहिले सम्मकै धेरै १ सय ७२ जनाले रक्तदान गरेको समेत सचिव कंडेलले उल्लेख गरे । नेपालगन्जको कारकाँदोमा कार्यालय स्थापना गरेर समितिले मानव सेवा दिइरहेको छ ।